އިމްތިޔާޒާއި ސުލޫކު ކޮމިޓީ އުފައްދާފައިވަނީ 11 ޖޫން 2019 ގައި ބޭއްވި، 19 ވަނަ ރައްޔިތުންގެ މަޖިލީހުގެ 6 ވަނަ ޖަލްސާގައެވެ. މި ކޮމިޓީގެ މަސްއޫލިއްޔަތަކީ، މަޖިލީހާއި މެންބަރުންގެ އިމްތިޔާޒާއި މަޖިލީހުގެ މެންބަރުންގެ ސުލޫކާ ގުޅޭގޮތުން ކޮމިޓީއަށް ހުށަހެޅޭ މައްސަލަ ބަލައި ދިރާސާކުރުމާއި، މެންބަރެއްގެ އިމްތިޔާޒަށް އުނިކަން އަންނާނެ އެއްވެސްކަމެއް ހިނގާފައިވޭތޯ ބެލުމާއި، އުނިކަން އައިސްފައިވާނަމަ، އެކަން ދިމާވިގޮތާއި ސަބަބު ހޯދައި ބަޔާންކޮށް އަޅަންޖެހޭ ފިޔަވަޅު ބަޔާންކުރުމާއި، މުސްތަޤުބަލުގައި އެފަދަ ކަމެއް ހިނގިޔަ ނުދިނުމަށްޓަކައި އެޅިދާނެ ފިޔަވަޅުތައް ފާހަގަކޮށް އެ ފިޔަވަޅުތައް ތަންފީޒުކުރުމުގައި އަޅަންޖެހޭ އިދާރީ ފިޔަވަޅުތަކާއި އިދާރީ އުސޫލުތައް ކަނޑައެޅުމާއި، ޤާނޫނާއި ގަވާއިދާ ޚިލާފަށް މެންބަރަކު ކަމެއްކޮށްފިކަމުގެ ތުހުމަތު ކުރެވިއްޖެ ހިނދެއްގައި، އެކަމެއް ބަލައި ތަހުޤީގުކޮށް އަޅަންވީ ފިޔަވަޅުތަކުގެ ލަފާ މަޖިލީހުގެ ރައީސަށް އެރުވުމާއި، ސުލޫކީ ހަމަތަކާ އެއްގޮތައް މެންބަރެއްގެ ނުވަތަ އޮފިސަރެއްގެ ނުވަތަ މުވައްޒަފެއްގެ ޢަމަލުތައް ބެހެއްޓުމާ ގުޅޭގޮތުން ދޭންޖެހޭލަފާ އެ ފަރާތްތަކަށް ދިނުމާއި، ހަދައިބަލައިގަތުމާ ހަދިޔާ ދިނުމުގެ އުސޫލު ކަނޑައެޅުމާއި، މެންބަރުންގެ މާލީ ބަޔާން ހުށަހެޅުމުގެ އުސޫލުތަކާއި ހަމަތައް ކަނޑައަޅައި ތަންފީޒުކުރުމާއި، މި ކަންތައްތަކާ ގުޅޭގޮތުން ރިޕޯޓު ތައްޔާރުކޮށް މަޖިލީހަށް ހުށަހެޅުމެވެ.
އިމްތިޔާޒާއި ސުލޫކު ކޮމިޓީ އަދި އިމްތިޔާޒާއި ސުލޫކު ކޮމިޓިގެ ސަބް ކޮމިޓީތަކުގެ ހާޒިރީ ރިޕޯޓް - 2019 ވަނަ އަހަރުން ފެށިގެން 2023 ވަނަ އަހަރުގެ ނިޔަލަށް© 2024 ރައްޔިތުންގެ މަޖިލިސްގެ އިދާރާA
