ޚުލާސާ

މިއަދުގެ ބައްދަލުވުމުގައި، ޤާނޫނު ނަންބަރު 2008/13 (އެންޓ-ކޮރަޕްޝަން ކޮމިޝަންގެ ޤާނޫނު) އަށް އިޞްލާޙު ގެނައުމުގެ ބިލު ދިރާސާކުރެއްވުމުގެ މަސައްކަތްކުރިއަށް ގެންދެވިއެވެ. މިގޮތުން، ޖުޑީޝަރީ ކޮމިޓީއިން ދިވެހިރާއްޖޭގެ ޤާނޫނުލް އުޤޫބުގެ ބިލަށް ގެނެވުނު ބަދަލާއެކު މި ބިލު ފާސްކުރެއްވުމަށް ކޮމިޓީއަށް އެވަގުތު ވަޑައިގެން ތިއްބެވި މެންބަރުންގެ އިއްތިފާޤުން ފާސްކުރެވުނެވެ. އެއަށްފަހު، ޤާނޫނު ނަންބަރު 2007/5 (ދިވެހި ސިވިލް ސަރވިސްގެ ޤާނޫނު) އަށް އިޞްލާޙުގެނައުމުގެ ބިލު ކުރިއަށް ގެންދާނެގޮތާމެދު މަޝްވަރާކުރެވުނެވެ. މިގޮތުން މި ބިލުގެ މަސައްކަތް ނިންމާނެ ސުންގަޑި އަކީ 22 އޭޕްރިލް 2021 ކަމަށާއި 11 އޭޕްރިލް 2021 ގެ ނިޔަލަށް ބިލާ ގުޅޭގޮތުން ޢާންމުންގެ ޚިޔާލަށް ހުޅުވާލުމަށް ނިންމެވިއެވެ. އަދި ބިލާ ގުޅޭގޮތުން މަޝްވަރާކުރުމަށް ސިވިލް ސަރވިސް ކޮމިޝަން އަދި އެޓަރނީ ޖެނެރަލް އޮފީހުގެ ކަމާގުޅޭ ބޭފުޅުންނާ 12 އޭޕްރިލް 2021 ގައި ބައްދަލުކުރެއްވުމަށް ނިންމެވިއެވެ.

ބައްދަލުވުމުގައި ކުރެވުނު މަސައްކަތްތައް

25 އޭޕްރީލު 2021 - ޤާނޫނު ނަންބަރު 5/2007 (ދިވެހި ސިވިލް ސަރވިސް ޤާނޫނު) އަށް އިޞްލާޙު ގެނައުމުގެ ބިލު މިނިވަން މުއައްސަސާތަކުގެ ކޮމިޓީން ނިންމިގޮތުގެ ރިޕޯޓު

8 އޭޕްރީލު 2021 - ޤާނޫނު ނަންބަރު 13/2008(އެންޓި-ކޮރަޕްޝަން ކޮމިޝަނުގެ ޤާނޫނު) އަށް އިޞްލާޙު ގެނައުމުގެ ބިލު މިނިވަން މުއައްސަސާތަކުގެ ކޮމިޓީން ދިރާސާކޮށް ނިންމިގޮތުގެ ރިޕޯޓު