މިއަދުގެ ބައްދަލުވުމުގައި ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) ގެ ބޭފުޅުންނާ ބައްދަލުކުރެއްވިއެވެ. މި ބައްދަލުވުމުގައި އެ ކުންފުނިން މެންބަރުންނަށް ފާހަގަވާ މައްސަލަތަކާ ގުޅޭގޮތުން ސުވާލުކުރައްވައި މަޢުލޫމާތު ސާފުކުރެއްވިއެވެ. އަދި އެ ކުންފުނިން ވިދާޅުވީ މިހާރު މަސައްކަތް ކުރަމުން ކޯޕަރޭޓް ގަވަރނަންސް ކޯޑާއި އިންޓަރނޭޝަނަލް ބެސްޓް ޕްރެކްޓިސްއާ އެއްގޮތަށް ކުންފުނީގެ ކަންތައްތައް ބައްޓަންކުރަން މަސައްކަތްކުރަމުންދާކަމަށެވެ. މިގޮތުން މިހާރު އޮޑިޓް ޑިޕާޓްމަންޓް ވެސް ކުންފުނީގެ މެނޭޖްމަންޓްގެ ނުފޫޒެއް ނެތި ސީދާ ބޯޑަށް ރިޕޯޓްކުރަންޖެހޭގޮތަށް ބަދަލުގެންނަވާފައިވާ ކަމަށް ވެސް އެބޭފުޅުން މަޢުލޫމާތު ދެއްވިއެވެ.
© 2024 ރައްޔިތުންގެ މަޖިލިސްގެ އިދާރާA