މިއަދުގެ ބައްދަލުވުމުގައި ކުރިއަށް ގެންދެވީ، ފައިނޭންޝަލް އިންޓެލިޖެންސް ޔުނިޓުގެ މަސްޢޫލިއްޔަތުތަކާއި ޒިންމާތައް އަދާކުރެވެމުންދާ ގޮތާއި، މިވަގުތު ކުރެވެމުންދާ މައިގަނޑު މަސައްކަތްތަކާއި ގުޅޭގޮތުން މަޢުލޫމާތު ޙިއްޞާކޮށްލުމަށް ބޭނުންފުޅުވާތީ، މާލިއްޔަތު ކޮމިޓީގެ މެންބަރުންނާއެކު މަޢުލޫމާތު ޙިއްޞާކުރުމުގެ ސެޝަންއެއް ބޭއްވޭނެ އިންތިޒާމް ހަމަޖައްސަވައިދެއްވުމަށް އެދި މޯލްޑިވްސް މަނިޓަރީ އޮތޯރިޓީން ފޮނުއްވާފައިވާ ސިޓީއާ ގުޅިގެން ފައިނޭންޝަލް އިންޓެލިޖެންސް ޔުނިޓުގެ ބޭފުޅުންނާއި ބައްދަލުކުރެއްވުމުގެ މަސައްކަތެވެ. އެގޮތުން، އެ ޔުނިޓްގެ މަސައްކަތްތަކާ ގުޅޭގޮތުން ޕްރެޒެންޓޭޝަންއެއް ދެއްވައި މެންބަރުން ކުރެއްވި ސުވާލުތަކަށް ހެޑް އޮފް އެފް.އައި.ޔޫ ޖަވާބު އެރުވިއެވެ.