މިއަދުގެ ބައްދަލުވުމުގައި ކުރިއަށް ގެންދެވީ ކޮމިޓީއަށް ލިބިފައިވާ ސިޓީތަކާއި ގުޅޭ ގޮތުން ގޮތެއް ނިންމެވުމެވެ. އެގޮތުން؛ 1. އެމް.ވީ.ކޭ މޯލްޑިވްސްގެ ފަރާތުން ފޮނުއްވާފައިވާ މައްސަލަ؛ މި މައްސަލައާއި ގުޅިގެން ދިވެހި ފުލުހުންގެ ހިދުމަތް އަދި މޯލްޑިވްސް ކަސްޓަމްސް ސަރވިސްއިން މައުލޫމާތު ސާފުކުރުމަށް ނިންމެވިއެވެ. 2. އެންޓި- ކޮރަޕްޝަން ކޮމިޝަނުގެ މެންބަރުކަމަށް ކުރިމަތިލުމަށް ހުޅުވާލި ފުރުޞަތުގައި އެކަމަށް އިޖާބަދީފައިވީ ނަމަވެސް، 28 ފެބްރުވަރީ 2022 ގައި ރައްޔިތުންގެ މަޖިލީހަށް ރައީސުލްޖުމްހޫރިއްޔާ ފޮނުއްވި ނަންފުޅުތަކުގެ ތެރޭގައި އެ ފަރާތުގެ ނަން ހިމެނިފައިނުވާތީ، އެޤާނޫނުގެ ދަށުން ލިބެންޖެހޭ ޙައްޤެއް ނިގުޅައިގަނެފައިވާކަން ބަޔާންކޮށް އެ މައްސަލަ ބަލާދެއްވުމަށް އެދި އަމިއްލަ ފަރާތަކުން ފޮނުވާފައިވާ މައްސަލަ؛ މި މައްސަލައާއި ގުޅިގެން ރައީސުލްޖުމްހޫރިއްޔާގެ އޮފީހުން މައުލޫމާތު ސާފުކުރުމަށް ނިންމެވިއެވެ. 3. ފ. ނިލަންދޫގެ ރައްޔިރުންނަށް ސާފު ބޯފެނާއި އެކަށީގެންވާ ނަރުދަމާގެ ނިޒާމެއް ޤާއިމްކޮށްފައި ނުވާތީ، އެމައްސަލަ ބައްލަވައިދެއްވުން އެދި ފޮނުއްވާފައިވާ މައްސަލަ؛ މިމައްސަލައާއި ގުޅިގެން އަދި އައްޑޫ ސިޓީގެ ހިތަދޫ އަވަށުގެ ނަރުދަމާއާ ގުޅޭގޮތުން ސާފުކުރުމަށް ބޭނުންވާ މަޢުލޫމާތު މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ އިން މައުލޫމަތު ސާފުކުރުމަށް ނިންމެވިއެވެ.
© 2024 ރައްޔިތުންގެ މަޖިލިސްގެ އިދާރާA