މިއަދުގެ ބައްދަލުވުމުގައި ރައްޔިތުންގެ މަޖިލީހުގެ ގަވާއިދުގެ 74 ވަނަ މާއްދާގެ ދަށުން ވަޒީރުންނާ ސުވާލުކުރުމުގެ ނޯޓިސް ފޮނުއްވައި ކުރައްވާ ސުވާލަކަށް ވަޒީރަކު ދެއްވާ ޖަވާބު ނުވަތަ ކުރެވުނު ސުވާލަކާ ގުޅިގެން، މަޖިލީހުގެ ގަވާއިދުގެ 78 ވަނަ މާއްދާގެ ދަށުން މެންބަރުންނަށް ލިބިދޭ އިތުރު ސުވާލު ކުރުމުގެ ފުރުސަތުގެ ދިގުމިނާ ގުޅިގެން ބައެއް މެންބަރުން ކަންބޮޑުވުން ފާޅުކުރައްވާފައިވާތީ، މި މައްސަލައިގައި ކޮމިޓީއެއްގެ ލަފާއެއް ދެއްވުމަށްއެދި ފޮނުއްވާފައިވާ މައްސަލައިގެ ރިޕޯޓާމެދު ގޮތެއް ނިންމުމެވެ. އެގޮތުން ރައްޔިތުންގެ މަޖލީހުގެ ގަވާއިދުގެ 78 ވަނަ މާއްދާގެ (ށ) އަށް ކޮމިޓީން ގެންނަން ފެންނަ އިސްލާޙާއެކު މި ރިޕޯޓް ހުށަހަޅުއްވާފައިވާގޮތަށް ފާސްކުރުމަށް ކޮމިޓީގެ މެންބަރުން އިޢުތިރާޒް ނުކުރައްވާތީ މި ރިޕޯޓް ފާސްވެގެން ދިޔައެވެ.
© 2024 ރައްޔިތުންގެ މަޖިލިސްގެ އިދާރާA