މިބައްދަލުވުމުގައި ކުރިއަށް ގެންދެވީ ޤާނޫނު ނަންބަރު 99/2 (ދިވެހިރާއްޖޭގެ ޓޫރިޒަމާބެހޭ ޤާނޫނު) އަށް އިޞްލާޙު ގެނައުމުގެ ބިލު ދިރާސާކުރުމުގެ މަސައްކަތެވެ. އެގޮތުން، - ބިލުގެ 8 ވަނަ މާއްދާގެ ގޮތުގައި، ޤާނޫނު ނަންބަރު 99/2 (ދިވެހިރާއްޖޭގެ ޓޫރިޒަމާބެހޭ ޤާނޫނު) ގެ 5 ވަނަ މާއްދާގެ (މ) ގެ (7) ވަނަ ނަންބަރާއި، 8 ވަނަ ނަންބަރު އިޞްލާޙުކޮށް، އެއްވެސް މެންބަރަކު އިޢުތިރާޒުނުކުރާތީ، އެގޮތަށް ފާސްވީކަމަށް ނިންމިއެވެ. - އިޞްލާހުގެނެވޭ ބިލުން ޤާނޫނުގެ ފެސިލިޓީ ކްލެސިފިކޭޝަނަށް ގެނެވޭ ބަދަލާއެކު އިންތިޤާލީ އިންތިޒާމެއް ހަމަޖެއްސުމަށް ހުއްދަ ބަދަލުކުރުމަށް 12 (ބާރަ) މަސްދުވަސް ލިބިދެވޭ ގޮތަށް އިންތިޤާލީ މާއްދާއެއް އިތުރުކުރެއްވުމަށް އެއްވެސް މެންބަރަކު އިޢުތިރާޒުނުކުރާތީ، އެގޮތަށް އެ މާއްދާތައް ފާސްވީކަމަށް ނިންމިއެވެ. އެއަށްފަހު، ކޮމިޓީން ބިލަށް ގެނައި އިޞްލާޙުތަކާއެކު ކޮމިޓީއަށް ހާޒިރުވި މެންބަރުންގެ އަޢްލަބިއްޔަތުން ((6/8 ބިލު ފާސްކުރިއެވެ.
© 2024 ރައްޔިތުންގެ މަޖިލިސްގެ އިދާރާA