މިއަދުގެ ބައްދަލުވުމުގައި ފެނަކަ ކޯޕަރޭޝަންގެ ބޭފުޅުންނާ ބައްދަލުކުރެއްވިއެވެ. މި ބައްދަލުވުމުގައި އެ ކުންފުނީގެ އޮޑިޓް ރިޕޯޓްތަކުގައި ފާހަގަކޮށްފައިވާ ކަންތައްތަކާ ގުޅޭގޮތުން މެންބަރުން ސުވާލުކުރެއްވިއެވެ. މިގޮތުން ކުންފުނީގެ ފައިނޭންޝަލް ރިކޯޑްސްތައް ރަނގަޅަށް ބެލެހެއްޓިފައިނުވާތީ އެކަމާ ގުޅޭގޮތުން މަޝްވަރާކުރެވުނެވެ. އެ ކުންފުނީގައި އެސެޓް ރެޖިސްޓްރީ އެއް ނޯންނަކަމަށާއި ހަރުދަނާ ގޮތެއްގައި އިންވެންޓްރީ ބެލެހެއްޓިފައިނުވާކަމަށް ކުންފުނީގެ ބޭފުޅުން މަޢުލޫމާތު ދެއްވިއެވެ. އަދި މިހާރު ކުންފުނީގެ އެސެޓް ރެޖިސްޓްރީއާއި އާ ޕްރޮކިއުމަންޓް ޕޮލިސީއެއް ހެދުމުގެ މަސައްކަތް ކުރިއަށް ދާކަމަށް ވެސް އެބޭފުޅުން ވިދާޅުވިއެވެ.