ޚުލާސާ
މިއަދުގެ ބައްދަލުވުމުގައި ސަރުކާރު ޙިއްޞާވާ ކުންފުނިތަކާ ގުޅޭގޮތުން މަޝްވަރާކުރެއްވުމަށް ޕްރައިވަޓައިޒޭޝަން އެންޑް ކޯޕަރަޒައިޓޭޝަން ބޯޑުގެ މެންބަރުންނާ ބައްދަލުކުރެއްވިއެވެ. މިގޮތުން، ސަރުކާރު ޙިއްޞާވާ ކުންފުނިތަކާ ގުޅޭގޮތުން ކޮމިޓީގެ މެންބަރުން ކުރެއްވި ސުވާލުތަކަށް ޕްރައިވަޓައިޒޭޝަން އެންޑް ކޯޕަރަޒައިޓޭޝަން ބޯޑުގެ ބޭފުޅުން ޖަވާބުދެއްވިއެވެ. އަދި ކުންފުނިތަކުގެ ރިޕޯޓްތައް ކުރީގަ ބަރާބަރަށް ނުލިބުނު ނަމަވެސް މިހާރު އެބޯޑަށް ކުންފުނިތަކުން ރިޕޯޓްތައް ފޮނުވަމުންދާކަމަށް އެބޭފުޅުން ވިދާޅުވިއެވެ. އަދި އޮޑިޓަރ ޖެނެރަލް ލަފާދެއްވާފައިވާ ގޮތަށް ކުންފުނިތަކުގެ އިންޓަރނަލް ކޮންޓްރޯލްސްތައް ހަރުދަނާކުރުމުގެ މަސައްކަތް ކުރައްވަމުން ގެންދަވާކަމަށްވެސް އެބޭފުޅުން ވިދާޅުވިއެވެ. މީގެ އިތުރުން "ދައުލަތުގެ ވިޔަފާރި ތަންތަން ޕްރައިވަޓައިޒްކުރުމާއި ކޯޕަރަޓައިޒްކުރުމާއި އަދި މޮނިޓަރކޮށް އިވެލުއޭޓްކުރުމުގެ ޤާނޫނު" ރިވިއުކޮށް އިސްލާޙުކުރަން ފެންނަކަމަށް އެބޭފުޅުން ވިދާޅުވިއެވެ. މީގެ އިތުރުން ވެސް ކުންފުނިތަކުގެ ހުރި މައްސަލަތަކާއި ބައެއް ކުންފުނިތަކުގެ ޙާލަތްތަކާއި ގުޅޭގޮތުން މަޝްވަރާކުރެއްވުމަށްފަހު ކޮމިޓީގެ ބައްދަލުވުން ނިންމަވާލެއްވިއެވެ.
ބައްދަލުވުމުގައި ކުރެވުނު މަސައްކަތްތައް
13 ޖޫން 2019
ދައުލަތުގެ ކުންފުނިތަކާއި، ވިޔަފާރި އިދާރާތަކުގެ ޙާލަތު ދެނެގަތުމާއި، މާލީ ހިސާބުތައް ދިރާސާކުރެއްވުން
ކޮމެޓީ މަސައްކަތް ނިމިފައި
ގުޅޭ ލިޔުންތައް
ބައްދަލުވުމުގެ އެޖެންޑާ
ބޭނުންވެލައްވާ މަޖިލިސް ޚިޔާރުކުރައްވާ