Committee Meeting - People's Majlis of Maldives

ޚުލާސާ

މިއަދުގެ ބައްދަލުވުމުގައި ކޮމިޓީގެ ފަރާތުން އިންޓަރނޭޝަނަލް ފައުންޑޭޝަން ފޯ އިލެކްޓޯރަލް ސިސްޓަމްސް (އައިފެސް) ގެ "ޕަވަރ ޓު ޕަރސުއޭޑް ނެޓްވަރކް" ގެ ބައިވެރިންނާ ބައްދަލުކުރެއްވިއެވެ. އެގޮތުން އެ ނެޓްވަރކްގެ ބައެއް ބައިވެރިން ބައްދަލުވުމުގައި ބައިވެރިވެފައިވަނީ އޮންލައިންކޮށެވެ. މި ބައްދަލުވުން ކުރިއަށްގެންގޮސްފައިވަނީ އިޖްތިމާޢީ ކޮމިޓީގެ މެންބަރުންނަށްވެސް ދަޢުވަތު އެރުވިގެން ކަމުން، ބައްދަލުވުމުގައި އެ ކޮމިޓީގެ ފަރާތުން މައްޗަންގޮޅި ދެކުނު ދާއިރާގެ މެންބަރު މުޞްޠަފާ ޙުސައިން ވެސް ބައިވެރިވެވަޑައިގެންނެވިއެވެ.

މި ބައްދަލުވުމުގައި "ޕަވަރ ޓު ޕަރސުއޭޑް ނެޓްވަރކް" ގެ ބައިވެރިންގެ ފަރާތުން ނުކުޅެދުންތެރިކަން ހުންނަ ފަރާތްތަކަށް ދިމާވާ ދަތިތަކާ، އެފަރާތްތަކަށް ހުރި އެކްސެސިބިލިޓީއާގުޅޭ ގޮންޖެހުންތައް ކޮމިޓީއަށް ހިއްސާކުރެއްވިއެވެ.

މީގެ އިތުރުން، ނުކުޅެދުންތެރިކަން ހުންނަ ފަރާތްތަކާ ގުޅޭގޮތުން ހިއުމަން ރައިޓްސް އެންޑް ޖެންޑަރ ކޮމިޓީގެ ފަރާތުން ކޮމިޓީގެ ވަރކް ޕްލޭންގައި ހިމެނުމަށް ރާއްވަވާފައިވާ ކަންތައްތަކާއި، ނުކުޅެދުންތެރިކަން ހުންނަ ފަރާތްތަކުގެ ބައިވެރިވުން އިތުރުކުރުމަށްޓަކައި ރައްޔިތުންގެ މަޖިލީހުގެ އިދާރާއިން ކުރައްވަމުންގެންދަވާ ބައެއް މަސައްކަތްތަކުގެ މަޢުލޫމާތު އެބޭފުޅުންނާ ހިއްސާކުރެއްވިއެވެ.