މިއަދުގެ ބައްދަލުވުމުގައި އެޖެންޑާ ކުރެވިފައިވަނީ އެންޓި ކޮރަޕްޝަން ކޮމިޝަނާ ބައްދަލުކުރުމެވެ. މި ބައްދަލުވުމުގައި ކޮމިޓީއަށް އާންމު ފަރާތަކުން ފޮނުވާފައިވާ ދެ ސިޓީއަކާ ގުޅޭގޮތުންނާއި ރައްޔިތުންގެ މަޖިލީހުގެ މާލިއްޔަތު ކޮމިޓިން ފޮނުވާފައިވާ ސިޓީއަކާ ގުޅޭގޮތުން މަޢުލޫމާތު ސާފުކުރެވުނެވެ. އޭގެ އިތުރުން އެންޓި ކޮރަޕްޝަން ކޮމިޝަނުން ބަލަމުންދާ މައްސަލަތަކާއި ގުޅޭގޮތުންނާއި އެ ކޮމިޝަންގެ މަސައްކަތު ޕްލޭނާ ގުޅޭގޮތުންވެސް ކޮމިޓީން މަޢުލޫމާތު ސާފުކުރެވުނެވެ.