މިއަދުގެ ބައްދަލުވުމުގައި ކޮމިޓީގެ ވަރކިންގ ކޯރަމް އަދި ވޯޓިންގ ކޯރަމް ކަނޑައެޅުމުގެ މަސައްކަތް ކުރިއަށް ގެންދެވިއެވެ. އެގޮތުން ކޮމިޓީގެ ވޯޓިންގ ކޯރަމަކީ 7 މެންބަރުން ކަމުގައި ކަނޑައެޅުމަށް ހުޅުމާލެ އުތުރު ދާއިރާގެ މެންބަރު ޙުސައިން ޝަރީފު ހުށަހެޅުއްވިއެވެ. ކިނބިދޫ ދާއިރާގެ މެންބަރު ޢަލީ އަޝްރަޤް ތާޢީދުކުރެއްވި މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައިއެވަނީއެވެ.
ވޯޓުގެ ނަތީޖާ: ކޮމިޓީގެ ވޯޓިންގ ކޯރަމް ކަނޑައެޅުން.
ކޮމިޓީގެ ޖުމްލަ މެންބަރުންގެ ޢަދަދު :11
ހާޒިރުވެ ތިއްބެވި މެންބަރުންގެ ޢަދަދު: 10
ފެންނަކަމަށް ވޯޓު ދެއްވި މެންބަރުންގެ ޢަދަދު : 9
ނުފެންނަކަމަށް ވޯޓު ދެއްވި ޢަދަދު: 0
ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0
ވޯޓުގައި ބައިވެރިވި މެންބަރުންގެ ޢަދަދު: 9
ފާސްވުމަށް ބޭނުންވާ ޢަދަދު: 06
ނިންމުން: ހުށަހެޅުން ފާސްވެފައި.
އެހެންކަމުން، ކޮމިޓީގެ ވޯޓިންގ ކޯރަމަކީ 7 މެންބަރުން ކަމަށް ފާސްވިއެވެ.
އެއަށްފަހު، މަޝްވަރާ ކުރެވުނީ ކޮމިޓީގެ ވަރކިންގ ކޯރަމް ކަނޑައެޅުމާގުޅޭގޮތުންނެވެ. މިކަމާގުޅޭގޮތުން މަޝްވަރާކުރުމަށް ހުޅުވާލި ފުރުސަތުގައި ކޮމިޓީގެ ވަރކިންގ ކޯރަމަކީ 4 މެންބަރުން ކަމުގައި ކަނޑައެޅުމަށް މާވަށު ދާއިރާގެ މެންބަރު އަޙްމަދު ޝާކިރު ހުށަހެޅުއްވިއެވެ. ވިލިމާލެ ދާއިރާގެ މެންބަރު މުޙައްމަދު އިސްމާޢީލް ތާއީދުކުރެއްވި މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައިއެވަނީއެވެ.
ވޯޓުގެ ނަތީޖާ: ކޮމިޓީގެ ވަރކިންގ ކޯރަމް ކަނޑައެޅުން.
ކޮމިޓީގެ ޖުމްލަ މެންބަރުންގެ ޢަދަދު :11
ހާޒިރުވެ ތިއްބެވި މެންބަރުންގެ ޢަދަދު: 10
ފެންނަކަމަށް ވޯޓު ދެއްވި މެންބަރުންގެ ޢަދަދު : 9
ނުފެންނަކަމަށް ވޯޓު ދެއްވި ޢަދަދު: 0
ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0
ވޯޓުގައި ބައިވެރިވި މެންބަރުންގެ ޢަދަދު: 9
ފާސްވުމަށް ބޭނުންވާ ޢަދަދު: 06
ނިންމުން: ހުށަހެޅުން ފާސްވެފައި.
އެހެންކަމުން، ކޮމިޓީގެ ވަރކިންގ ކޯރަމެއްގެ ގޮތުގައި، ގަވާއިދުގައި ބަޔާންކުރާގޮތުން އެންމެ މަދު ޢަދަދު، 4 މެންބަރުން ކަމުގައި ފާސްވިއެވެ.
އޭގެ އިތުރުން، ސުލޫކުގެ ގަވާއިދުގެ ޑްރާފްޓެއް މެންބަރުންނާ ޙިއްޞާކުރެއްވުމަށްފަހު، މި ގަވާއިދަށް ގެނައުމަށް މެންބަރުންނަށް ފެންނަ އިޞްލާޙުތައް ދެން އަންނަ ބައްދަލުވުމެއްގައި ޙިއްޞާކުރުމަށް އަންގަވާ ކޮމިޓީ ނިންމަވާލެއްވިއެވެ.
6 ޖޫން 2024
ކޮމިޓީގެ ވަރކިންގ އަދި ވޯޓިންގ ކޯރަމް ކަނޑައެޅުން
ކޮމެޓީ މަސައްކަތް ނިމިފައި
6 ޖޫން 2024
ސުލޫކުގެ ގަވާއިދު އެކުލަވާލުން
ކުރިޔަށް ދަނީ
© 2024 ރައްޔިތުންގެ މަޖިލިސްގެ އިދާރާA