މިއަދުގެ ބައްދަލުވުމުގައި ކޮމިޓީން ކުރިއަށްގެންދެވީ، 19 ވަނަ ރައްޔިތުންގެ މަޖިލީހުގެ ލާމަރުކަޒީ ކޮމިޓީއަށް ހުށަހަޅާފައިވާ މައްސަލަތަކުގެ ތެރެއިން 20 ވަނަ ރައްޔިތުންގެ މަޖިލީހުގެ މި ކޮމިޓީން ބަލަންޖެހޭ މައްސަލަތަކާމެދު މަޝްވަރާކޮށް ގޮތެއް ނިންމެވުމެވެ.

އެގޮތުން، އެންމެ ފުރަތަމަ ކޮމިޓީން ދިރާސާކުރެއްވީ މާލޭ ސިޓީ ކައުންސިލުން ކުރިއަށް ގެންދާ މާލޭ ސްޓްރީޓް ސްކޭޕިންގ ޑިވެލޮޕްމަންޓް ޕްރޮޖެކްޓް ހިންގުމަށް ޙަވާލުކޮށްފައިވާ ޙަވާލުކުރުން 23 ޖޫން 2022 ވަނަ ދުވަހުން ފެށިގެން ނިމުމަކަށް ގެނެސްފައިވާ ކަމަށް މިނިސްޓްރީ އޮފް ނޭޝަނަލް ޕްލޭނިންގ އެންޑް އިންފްރަސްޓްރަކްޗަރ އިން މާލޭ ސިޓީ ކައުންސިލަށް އަންގަވާފައިވާތީ ހުށަހަޅުއްވާފައިވާ މައްސަލައެވެ. މި މައްސަލައާ ގުޅިގެން ކޮމިޓީގެ މެންބަރުން މަޝްވަރާކުރުމަށްފަހު ހެންވޭރު އުތުރު ދާއިރާގެ މެންބަރު އަޙްމަދު އައިފާން ހުށަހަޅުއްވާފައިވަނީ މި މައްސަލައާ ގުޅިގެން މިހާރު މާލެ ސިޓީ ކައުންސިލް އަދި މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ އިން ދެކެވަޑައިގަންނަވާ ގޮތެއް ހޯއްދެވުމަށާއި އަދި މައްސަލައާ ގުޅިގެން ޤާނޫނީ ލަފާ ހޯދުމަށްފަހު ކޮމިޓީއަށް ހުށަހަޅައިގެން ކުރިއަށް ގެންދިއުމަށެވެ. މި ހުށަހެޅުމަށް ނައިފަރު ދާއިރާގެ މެންބަރު ޔާސީން ޢަބްދުﷲ ތާއީދުކޮށްފައިވެއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައިއެވަނީއެވެ.

ވޯޓުގެ ނަތީޖާ: މާލޭ ސިޓީ ކައުންސިލުން ކުރިއަށް ގެންދާ މާލޭ ސްޓްރީޓް ސްކޭޕިންގ ޑިވެލޮޕްމަންޓް ޕްރޮޖެކްޓް ހިންގުމަށް ޙަވާލުކޮށްފައިވާ ޙަވާލުކުރުން 23 ޖޫން 2022 ވަނަ ދުވަހުން ފެށިގެން ނިމުމަކަށް ގެނެސްފައިވާ ކަމަށް މިނިސްޓްރީ އޮފް ނޭޝަނަލް ޕްލޭނިންގ އެންޑް އިންފްރަސްޓްރަކްޗަރ އިން މާލޭ ސިޓީ ކައުންސިލަށް އަންގަވާފައިވާތީ ހުށަހަޅުއްވާފައިވާ މައްސަލަ ކުރިއަށް ގެންދަވާނެ ގޮތެއް ނިންމެވުން.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 10

ފެންނަކަމަށް ވޯޓު ދެއްވި މެންބަރުންގެ ޢަދަދު : 9

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 9

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން މި ނިންމުން ފާސްވިއެވެ.

ދެވަނަ މައްސަލައެއްގެ ގޮތުން ކޮމިޓީން ދިރާސާކުރެއްވީ "ވ.އަތޮޅު ފިހާރަ" ހިންގަމުންދާ ޢިމާރާތުގެ ފާއިތުވި 4 އަހަރުގެ ކުލީގެ ގޮތުގައި މިނިސްޓްރީ އޮފް ފިނޭންސަށް ބަލައިގަނެފައިވާ ފައިސާ އަތޮޅު ކައުންސިލަށް ލިބިފައިނުވާތީ، އެ ފައިސާ ފެލިދެއަތޮޅު ރައްޔިތުންނަށް ހޯދައިދިނުމުގައި މަސައްކަތްކޮށްދެއްވުމަށް އެދި ހުށަހަޅުއްވާފައިވާ މައްސަލައެވެ. މި މައްސަލާގައި މިނިސްޓްރީ އޮފް ފިނޭންސްގެ ޖަވާބަށް ރިޢާޔަތްކުރައްވާ ހެންވޭރު އުތުރު ދާއިރާގެ މެންބަރު އަޙްމަދު އައިފާން ހުށަހަޅުއްވާފައިވަނީ މިނިސްޓްރީ އޮފް ފިނޭންސް ގެ ފަރާތުން އެ މިނިސްޓްރީން ވިދާޅުވެފައިވާ ގޮތަށް ފައިސާ ދީފައިވޭތޯ ޔަގީންކުރުމަށާއި އަދި ފައިސާ ދީފައިވާނަމަ މައްސަލަ ނިންމުމަށެވެ. މި ހުށަހެޅުމަށް ކެޔޮދޫ ދާއިރާގެ މެންބަރު މުޙައްމަދު ނިއުޝާދު ތާއީދުކުރައްވާފައިވެއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައިއެވަނީއެވެ.

ވޯޓުގެ ނަތީޖާ: "ވ.އަތޮޅު ފިހާރަ" ހިންގަމުންދާ ޢިމާރާތުގެ ފާއިތުވި 4 އަހަރުގެ ކުލީގެ ގޮތުގައި މިނިސްޓްރީ އޮފް ފިނޭންސަށް ބަލައިގަނެފައިވާ ފައިސާ އަތޮޅު ކައުންސިލަށް ލިބިފައިނުވާތީ، އެ ފައިސާ ފެލިދެއަތޮޅު ރައްޔިތުންނަށް ހޯދައިދިނުމުގައި މަސައްކަތްކޮށްދެއްވުމަށް އެދި ހުށަހަޅުއްވާފައިވާ މައްސަލަ ކުރިއަށް ގެންދަވާނެ ގޮތެއް ނިންމެވުން.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން މި ނިންމުން ފާސްވިއެވެ.

އެއަށްފަހު، ކޮމިޓީއަށް ހުށަހަޅާފައިވާ އިތުރު މައްސަލަތަކަށް ރިޢާޔަތްކުރައްވާ އެ މައްސަލަތަކާ ގުޅިގެން މެންބަރުން ބޭނުންވާ ލިޔެކިޔުންތަކާއި ޤާނޫނީ ލަފާ ހޯދުމަށްފަހު ކުރިއަށް ގެންދިއުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ހުށަހަޅުއްވާ ކޮލަމާފުށި ދާއިރާގެ މެންބަރު އިބްރާހީމްދީދީ ތާއީދުކުރެއްވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައިއެވަނީއެވެ.



ވޯޓުގެ ނަތީޖާ: ކޮމިޓީއަށް ހުށަހެޅިފައިވާ މައްސަލަތައް ކުރިއަށް ގެންދާނެ ގޮތް ނިންމެވުން 

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

ކޮމިޓީއަށް ހުށަހެޅިފައިވާ މައްސަލަތައް ކުރިއަށް ގެންދާނެގޮތް ކޮމިޓީގެ އިއްތިފާޤުން ފާސްވިއެވެ.