މިއަދުގެ ބައްދަލުވުމަށް އެޖެންޑާކޮށްފައިވާ ކަންކަމުގެ ތެރެއިން ކޮމިޓީގައި މަޝްވަރާކުރެއްވި ކަންކަމާއި ނިންމި ކަންކަމުގެ ތަފްޞީލު ތިރީގައި އެވަނީއެވެ.

1.      ޕްރޮސިކިއުޓަރ ޖެނެރަލްގެ އޮފީހުގެ މަސައްކަތްތައް ކޮމިޓީއާ ހިއްސާކުރުމުގެ ފުރުޞަތަކަށް އެދިވަޑައިގެން ޕްރޮސިކިއުޓަރ ޖެނެރަލްގެ އޮފީހުން ފޮނުއްވާފައިވާ ސިޓީއާމެދު މަޝްވަރާކުރައްވައި ގޮތެއް ނިންމެވިއެވެ. އެގޮތުން ހުރާ ދާއިރާގެ މެންބަރު ޑރ. އަނާރާ ނަޢީމް ހުށަހަޅުއްވާ ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު ތާއިދުކުރެއްވީ ޕްރޮސިކިއުޓަރ ޖެނެރަލްގެ އޮފީހުން އެދިވަޑައިގަންވާފައިވާ ގޮތުގެމަތިން އެބޭފުޅުންނާ ބައްދަލުކުރެއްވުމަށެވެ. މި ހުށަހެޅުމަށް ވޯޓަށް އެއްސެވުމުން، އެވަގުތު ކޮމިޓީގެ ބައްދަލުވުމުގައި ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން މި ހުށަހެޅުން ފާސްކުރައްވާފައިވެއެވެ. މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.

2.     ދެވަނަ ކަމެއްގެ ގޮތުގައި، ކޮމިޓީގެ މަސްއޫލިއްޔަތު ދާއިރާގައި ހިމެނޭ ހުރިހާ މުއައްސަސާތަކާއި ބައްދަލުކޮށް އެ މުއައްސަސާތަކުގެ މަސައްކަތްތައް ކޮމިޓީއާ ހިއްސާކުރުމުގެ ގޮތުން އެ އިދާރާތަކާ ބައްދަލުކުރެއްމަށް ހުޅުދޫ ދާއިރާގެ މެންބަރު މުޙައްމަދު ޝާހިދު ހުށަހަޅުއްވާ ކުރެންދޫ ދާއިރާގެ މެންބަރު މުޙައްމަދު ޝާމިން ޙަބީބު ތާއީދުކުރައްވާފައިވެއެވެ. މި ހުށަހެޅުމަށް ވޯޓަށް އެއްސެވުމުން، އެވަގުތު ކޮމިޓީގެ ބައްދަލުވުމުގައި ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން މި ހުށަހެޅުން ފާސްކުރައްވާފައިވެއެވެ. މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.

3.     އަހަރު ރިޕޯޓުތައް ދިރާސާކުރުމުގެ މަސައްކަތް ކުރިއަށްގެންދާނެ ގޮތަކާމެދު މަޝްވަރާކުރެއްވިއެވެ. އެގޮތުން ކޮމިޓީގެ މަސްއޫލިއްޔަތު ދާއިރާގައި ހިމެނޭ ހުރިހާ މުއައްސަސާތަކާއި ބައްދަލުކުރައްވާއިރު 2019 އިން ފެށިގެން 2022 ވަނަ އަހަރާ ހަމައަށް ހުރި އަހަރު ރިޕޯޓްތަކާއި ގުޅޭގޮތުން ކޮމިޓީއާއި މަޢުލޫމާތު ޙިއްސާކުރުމަށް އެ އިދާރާތަކުގައި ދެންނެވުމަށް ކެންދޫ ދާއިރާގެ މެންބަރު މަޢުރޫފް ޛާކިރު ހުށަހަޅުއްވާ ފޭދޫ އުތުރު ދާއިރާގެ މެންބަރު އިސްމާޢީލް ނިޒާރު މި ހުށަހެޅުމަށް ތާއީދުކުރެއްވިއެވެ. މި ހުށަހެޅުމަށް ވޯޓަށް އެއްސެވުމުން، އެވަގުތު ކޮމިޓީގެ ބައްދަލުވުމުގައި ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން މި ހުށަހެޅުން ފާސްކުރައްވާފައިވެއެވެ. މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.

4.     ކްރިމިނަލް ކޯޓު ހިންގަމުން ގެންދިޔަ އިމާރާތް ބާވެ، އެ އިމާރާތުގައި ނުރައްކާތެރި ހާދިސާތައް ހިނގުން ގިނަވެފައިވާތީއާއި، ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން 2023 ވަނަ އަހަރު ފޮނުވާފައިވާ ސިޓީއާމެދު މަޝްވަރާކޮށް ގޮތެއް ނިންމެވިއެވެ. އެގޮތުން ކަމާ ގުޅުންހުރި 3 އިދާރާކަމުގައިވާ، ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން، ކްރިމިނަލް ކޯޓު އަދި ޖުޑީޝަލް ސަރވިސް ކޮމިޝަންގެ ބޭފުޅުން ކޮމިޓީއަށް ހާޒިރުކޮށް އެކަމާ ގުޅޭގޮތުން އެންމެ ފަހުގެ މަޢުލޫމާތު ސާފުކުރެއްވުމަށް ހުޅުދޫ ދާއިރާގެ މެންބަރު މުޙައްމަދު ޝާހިދު ހުށަހަޅުއްވާ ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ތާއީދުކުރެއްވިއެވެ. މި ހުށަހެޅުމަށް ވޯޓަށް އެއްސެވުމުން، އެވަގުތު ކޮމިޓީގެ ބައްދަލުވުމުގައި ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން މި ހުށަހެޅުން ފާސްކުރައްވާފައިވެއެވެ. މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.

5.     ވަޒީފާއާބެހޭ ޓްރައިބިއުނަލުން މައްސަލަ ނިންމާ ޙުކުމް އިއްވަނީ މައްސަލައިގެ ޚުލާސާ ރިޕޯޓު ތައްޔާރުނުކޮށްކަމަށާއި، އެކަމުގެ ސަބަބުން އިސްތިއުނާފުކުރުމަށް ލިބޭ މުއްދަތުގައި އިސްތިއުނާފުކުރުމަށް ހުރަސްއެޅިގެންދާކަން ފާހަގަކޮށް ޖުޑީޝަލް ސަރވިސް ކޮމިޝަނުން ކޮމިޓީއަށް ފޮނުއްވާފައިވާ މައްސަލަ ކުރިއަށް ގެންދާނެ ގޮތަކާމެދު މަޝްވަރާކުރެއްވިއެވެ. އެގޮތުން، ވަޒީފާއާބެހޭ ޓްރައިބިއުނަލުން ނިންމާ މައްސަލަތަކުގެ ޚުލާސާ ރިޕޯޓް ތައްޔާރުކުރުމާއި ޙަވާލުކުރުމާ ގުޅޭގޮތުން އެ ޓްރައިބިއުނަލުން އެއްވެސް އުސޫލެއް ކަނޑައަޅުއްވާފައިވޭތޯއާއި، މައްސަލަތަކުގެ ޚުލާސާ ރިޕޯޓު ކަނޑައަޅާފައިވާ މުއްދަތުގެ ތެރޭގައި ޙަވާލުކުރެވޭތޯއާއި، ޚުލާސާ ރިޕޯޓު އެކަށީގެންވާ މުއްދަތެއްގެ ތެރޭގައި ނިންމުމުގައި ތިޔަ ޓްރައިބިއުނަލަށް ދިމާވާ އެއްވެސް ދަތިކަމެއް އޮތްނަމަ، އެކަން ސާފުކުރެއްވުމަށް ވަޒީފާއާބެހޭ ޓްރައިބިއުނަލަށް ސިޓީއެއް ފޮނުއްވުމަށް ކެންދޫ ދާއިރާގެ މެންބަރު މަޢުރޫފް ޛާކިރު ހުށަހަޅުއްވާ ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ތާއީދުކުރެއްވިއެވެ. މި ހުށަހެޅުމަށް ވޯޓަށް އެއްސެވުމުން، އެވަގުތު ކޮމިޓީގެ ބައްދަލުވުމުގައި ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން މި ހުށަހެޅުން ފާސްކުރައްވާފައިވެއެވެ. މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.