މިއަދުގެ ބައްދަލުވުމުގައ، އަންނަނިވި މަޢުލޫމާތު ކޮމިޓީއާ ޙިއްސާކުރެއްވިއެވެ.

1.     ޤާނޫނު ނަންބަރު 7/2013 (ދައުލަތުގެ ޚަރަދަށް ޒިންމާވުމުގެ ޤާނޫނު)ގެ 10 ވަނަ މާއްދާއާއި 20 ވަނަ މާއްދާގެ ދަށުން، މިނިސްޓްރީ އޮފް ފިނޭންސް އިން ފޮނުވާފައިވާ 2024 ވަނަ އަހަރުން 2026 ވަނަ އަހަރަށް މެދުރާސްތާގެ ފިސްކަލް ސްޓްރެޓަޖީ އަންގައިދޭ ބަޔާނާއި ދައުލަތުގެ ދަރަނީގެ ސްޓްރެޓަޖީ އަންގައިދޭ ބަޔާން.

2.     ޤާނޫނު ނަންބަރު 7/2013 (ދައުލަތުގެ ޚަރަދަށް ޒިންމާވާ ޤާނޫނު) ގެ 29 ވަނަ މާއްދާގައިވާ ގޮތުގެމަތިން، މިނިސްޓްރީ އޮފް ފިނޭންސް އިން ފޮނުވާފައިވާ 2024 ވަނަ އަހަރަށް ލަފާކުރާ ދައުލަތުގެ ބަޖެޓުގެ ކޭޝްފްލޯ ޕްލޭން.

3.     އިންސްޓިޓިއުޓް އޮފް ޗާޓަރޑް އެކައުންޓެންޓްސް އޮފް ދި މޯލްޑިވްސްގެ 2023 ވަނަ އަހަރުގެ އަހަރު ރިޕޯޓު

އެއަށްފަހު، މިނިސްޓްރީ އޮފް ފިނޭންސް އިން ފޮނުއްވާފައިވާ "ލައިން އޮފް ފައިނޭންސް ޓު ސަޕޯޓް ދަ އެސްޓެބްލިޝްމަންޓް އޮފް އެން އެސް.އެމް.އީ އިމްޕެކްޓް ފަންޑް އިން ދަ މޯލްޑިވްސް" މަޝްރޫޢުގެ ދަށުން އިސްލާމިކް ޑިވެލޮޕްމަންޓް ބޭންކް (އައި.އެސް.ޑީ.ބީ) އިން ދިވެހި ސަރުކާރަށް ދިނުމަށް ހަމަޖެހިފައިވާ 40 މިލިއަން އެމެރިކާ ޑޮލަރު ފޯރުކޮށްދިނުމަށް، ދިވެހި ސަރުކާރާއި، އެ ބޭންކާ ދެމެދު ސޮއިކޮށްފައިވާ ލޯނު އެގްރީމަންޓުގެ މަޢުލޫމާތާ ގުޅޭގޮތުން މަޝްވަރާކުރެއްވިއެވެ. އަދި ލޯނާގުޅޭ އިތުރު މަޢުލޫމާތު މިނިސްޓްރީ އޮފް ފިނޭންސްއިން ހޯދުމަށް ނިންމެވިއެވެ.

މީގެ އިތުރުން، އެންޓި-ކޮރަޕްޝަން ކޮމިޝަނުގެ ޤާނޫނު 21 ވަނަ މާއްދާގެ (ކ)ގައި ބަޔާންކޮށްފައިވާ ގޮތުގެ މަތިން، ކޮމިޝަނުން ނެރުއްވާފައިވާ ސިޔާސީ ޕާޓީތަކުގެ މާލީ ނިޒާމުގެ ނަޒާހާތްތެރިކަން ހަރުދަނާކުރުމުގެ ދިރާސާ ރިޕޯޓާމެދު މަޝްވަރާކުރެއްވިއެވެ. އެގޮތުން، އެ ރިޕޯޓުގައި ފާހަގަކުރައްވާފައިވާ މައްސަލަތައް ޙައްލުކުރެވިފައިވޭތޯ އަދި އެ ކަންކަން ތަކުރާރުވުމުގެ ފުރުޞަތު އޮތްތޯ އިލެކްޝަންސް ކޮމިޝަނުން ސާފުކުރުމަށް ދިއްގަރު ދާއިރާގެ މެންބަރު އަޙްމަދު ނާޡިމް ހުށަހެޅުއްވިއެވެ. އަދި މި ހުށަހެޅުމަށް  އޭދަފުށި ދާއިރާގެ މެންބަރު އަޙްމަދު ސަލީމް ތާޢީދުކުރެއްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: މައްސަލައާގުޅޭ މަޢުލޫމާތު ސާފުކުރެއްވުމަށް އިލެކްޝަންސް ކޮމިޝަނަށް ސިޓީ ފޮނުވުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، މައްސަލައާގުޅޭ މަޢުލޫމާތު ސާފުކުރެއްވުމަށް އިލެކްޝަންސް ކޮމިޝަންއަށް ސިޓީ ފޮނުވުމަށް ނިންމެވިއެވެ.

 އަދި، ކުށް ކުރުމަށް ބޭނުންކުރާ އަދި ކުށް ކޮށްގެން ހޯދާ މުދަލާއި ފައިސާ ދައުލަތަށް ރުޖޫޢަކުރުމުގެ (އެސެޓް ރިކަވަރީ) ނިޒާމު ހަރުދަނާކުރުމަށް އެންޓި-ކޮރަޕްޝަން ކޮމިޝަނުން ތައްޔާރުކޮށްފައިވާ ދިރާސާ ރިޕޯޓާމެދު މަޝްވަރާކުރެއްވިއެވެ. އެގޮތުން، އެ ރިޕޯޓް ދިރާސާކުރުމަށް މެންބަރުންނަށް 5 ދުވަހުގެ މުއްދަތެއް ދިނުމަށްފަހު، ރިޕޯޓް އެޖެންޑާކުރުމަށް އޭދަފުށި ދާއިރާގެ މެންބަރު އަޙްމަދު ސަލީމް ހުށަހެޅުއްވިއެވެ. އަދި މި ހުށަހެޅުމަށް ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ތާޢީދުކުރެއްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: ރިޕޯޓް ދިރާސާކުރުމަށް މެންބަރުންނަށް 5 ދުވަހުގެ މުއްދަތެއް ދިނުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، ރިޕޯޓް ދިރާސާކުރުމަށް މެންބަރުންނަށް 5 ދުވަހުގެ މުއްދަތެއް ދިނުމަށް ނިންމެވިއެވެ.

މީގެ އިތުރުން، ރާއްޖޭގެ ސިއްޙީ ދާއިރާގައި ކޮރަޕްޝަން މަގުފަހިވާގޮތަށް ހުރި ހިރާސްތައް ދެނެގަތުމަށްޓަކައި ޓްރާންސްޕޭރަންސީ މޯލްޑިވްސްއިން ކޮށްފައިވާ ދިރާސާގެ ހުދުކަރުދާސް އަދި އެޑްވޮކަސީ ޕޭޕަރުމެދު މަޝްވަރާކުރެއްވިއެވެ. އެގޮތުން، އެ ރިޕޯޓް ދިރާސާކުރުމަށް މެންބަރުންނަށް 7 ދުވަހުގެ މުއްދަތެއް ދިނުމަށްފަހު، ރިޕޯޓް އެޖެންޑާކުރުމަށް އޭދަފުށި ދާއިރާގެ މެންބަރު އަޙްމަދު ސަލީމް ހުށަހެޅުއްވިއެވެ. އަދި މި ހުށަހެޅުމަށް ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ތާޢީދުކުރެއްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: ރިޕޯޓް ދިރާސާކުރުމަށް މެންބަރުންނަށް 7 ދުވަހުގެ މުއްދަތެއް ދިނުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، ރިޕޯޓް ދިރާސާކުރުމަށް މެންބަރުންނަށް 7 ދުވަހުގެ މުއްދަތެއް ދިނުމަށް ނިންމެވިއެވެ.