މިއަދުގެ ބައްދަލުވުމަށް އެޖެންޑާ ކޮށްފައިވަނީ ކޮމިޓީގެ މަސައްކަތްތައް ކުރިއަށް ގެންދާނެގޮތާ ގުޅޭގޮތުން މަޝްވަރާކޮށް ގޮތެއް ނިންމުމެވެ. މިގޮތުން، ފުރަތަމަ ކަމަކަށް ކުރިއަށް ގެންދެވީ، ކޮމިޓީގެ ޤާނޫނީ ޢަދަދާއި ކޮމިޓީން އެއްވެސް ކަމެއް ނިންމާއިރު، ހާޒިރުވެ ތިބެންޖެހޭ މެންބަރުންގެ ޢަދަދު ކަނޑައެޅުމުގެ މަސައްކަތެވެ. އެގޮތުން، ހުޅުވާލި ފުރުޞަތުގައި ކޮމިޓީގެ ޤާނޫނީ ޢަދަދަކީ ކޮމިޓީގެ މެންބަރުންގެ 3/1 (4 މެންބަރުން) ކަމުގައި ކަނޑައެޅުމަށާއި ކޮމިޓީން އެއްވެސް ކަމެއް ނިންމާއިރު، ހާޒިރުވެ ތިބެންޖެހޭ މެންބަރުންގެ ޢަދަދަކީ ކޮމިޓީގެ މެންބަރުންގެ 3/2 (6 މެންބަރުން) ކަމުގައި ކަނޑައެޅުމަށް ތުލުސްދޫ ދާއިރާގެ މެންބަރު އިބްރާހީމް ނަސީމް ހުށަހަޅައި ހެންވޭރު ހުޅަނގު ދާއިރާ މެންބަރު އަލީ އިބްރާހީމް ތާއީދުކުރެއްވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައިއެވަނީއެވެ.

ވޯޓުގެ ނަތީޖާ: ކޮމިޓީގެ ޤާނޫނީ ޢަދަދަކީ ކޮމިޓީގެ މެންބަރުންގެ 3/1 (4 މެންބަރުން) ކަމުގައި ކަނޑައެޅުމަށާއި ކޮމިޓީން އެއްވެސް ކަމެއް ނިންމާއިރު، ހާޒިރުވެ ތިބެންޖެހޭ މެންބަރުންގެ ޢަދަދަކީ ކޮމިޓީގެ މެންބަރުންގެ 3/2 (6 މެންބަރުން) ކަމުގައި ކަނޑައެޅުމަށް

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 10

ފެންނަކަމަށް ވޯޓު ދެއްވި މެންބަރުންގެ ޢަދަދު : 9

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 9

ފާސްވުމަށް ބޭނުންވާ ޢަދަދު: 06

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ކޮމިޓީގެ ޤާނޫނީ ޢަދަދަކީ ކޮމިޓީގެ މެންބަރުންގެ 3/1 (4 މެންބަރުން) ކަމުގައި ކަނޑައެޅުމަށާއި ކޮމިޓީން އެއްވެސް ކަމެއް ނިންމާއިރު، ހާޒިރުވެ ތިބެންޖެހޭ މެންބަރުންގެ ޢަދަދަކީ ކޮމިޓީގެ މެންބަރުންގެ 3/2 (6 މެންބަރުން) ކަމުގައި ކަނޑައެޅުއްވިއެވެ.

އެއަށްފަހު ކުރިއަށް ގެންދެވީ، ރައްޔިތުންގެ މަޖިލީހުގެ ގަވާއިދުގެ 151 ވަނަ މާއްދާގެ (ހ) ގައިވާ ގޮތުގެމަތިން ކޮމިޓީއަށް ފޮނުވޭ މައްސަލަތައް ފިޔަވައި، ކޮމިޓީއަށް ހުށަހެޅޭ އެހެނިހެން މައްސަލަތަކާމެދު ޢަމަލުކުރާނެ އުސޫލު ކަނޑައެޅުމުގެ މަސައްކަތެވެ. (ރައްޔިތުންގެ މަޖިލީހުގެ ގަވާއިދުގެ 151 ވަނަ މާއްދާގެ (ށ)) އެގޮތުން، ކޮމިޓީއަށް ހުށަހެޅޭ އެހެނިހެން މައްސަލަތަކާމެދު އަންނަނިވި ގޮތަށް ޢަމަލުކުރުމަށް ފެންނަގޮތް އިދާރީގޮތުން ކޮމިޓީއަށް ހުށަހަޅައި، އެފަދައިން ކުރިއަށް ދިއުމަށް ކޮމިޓީގެ މެންބަރުން ނިންމިއެވެ.

އެއަށްފަހު، ކޮމިޓީގެ އިހްތިސާސްގެ ތެރޭގައި ހިމެނޭ ކޮމިޝަންތަކުގެ ހިންގުމާއި ކޮމިޝަންތަކުގެ މަސްއޫލިއްޔަތު އަދާކުރެއްވުމުގައި ދިމާވާ ހުރަސްތަކާ ގުޅޭގޮތުން މަޢުލޫމާތު ސާފުކޮށް، ތަޢާރަފުވުމަށްޓަކައި ކޮމިޝަންތަކާ ބައްދަކުރުމަށް ތުލުސްދޫ ދާއިރާގެ މެންބަރު އިބްރާހީމް ނަސީމް ހުށަހަޅުއްވާ ފެލިދޫ ދާއިރާގެ މެންބަރު އާދަމް ޒާހިރު ތާޢީދުކުރެއްވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައިއެވަނީއެވެ.

 ވޯޓުގެ ނަތީޖާ: ކޮމިޝަންތަކާ ބައްދަލުކުރާނެ ގޮތެއް ކަނޑައެޅުން

ކޮމިޓީގެ ޖުމުލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 10

ފެންނަކަމަށް ވޯޓު ދެއްވި މެންބަރުންގެ ޢަދަދު: 9

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދެއްވަން ބޭނުންފުޅުނުވާ މެންބަރުންގެ ޢަދަދު: 0

ވޯޓުގައި ބައިވެރިވެވަޑައިގެންނެވި މެންބަރުންގެ ޢަދަދު: 9

ފާސްވުމަށް ބޭނުންވާ ޢަދަދު: 6

ނިންމުން: ކޮމިޓީގެ އިހްތިސާސްގެ ތެރޭގައި ހިމެނޭ ކޮމިޝަންތަކުގެ ހިންގުމާއި ކޮމިޝަންތަކުގެ މަސްއޫލިއްޔަތު އަދާކުރެއްވުމުގައި ދިމާވާ ހުރަސްތަކާ ގުޅޭގޮތުން މަޢުލޫމާތު ސާފުކޮށް، ތަޢާރަފުވުމަށްޓަކައި ކޮމިޝަންތަކާ ބައްދަކުރުމަށް ނިންމެވިއެވެ.

ދެން، އަދި ކޮމިޓީގެ ބައްދަލުވުންތައް ބާއްވާނީ ކޮންމެ އަންގާރަ ދުވަހެއްގެ 11:00 ގައި ކަމަށް ނިންމެވިއެވެ. އަދި ކޮމިޝަންތަކާއެކު ބޭއްވޭ ފުރަތަމަ ތަޢާރަފުގެ ބައްދަލުވުންތައް ނިމެންދެން ކޮންމެ ހަފްތާއެއްގެ އަންގާރަ އަދި ބުދަ ދުވަހު 11:00 ގައި ކޮމިޓީގެ ބައްދަލުވުންތައް ބޭއްވުމަށްވެސް ނިންމެވިއެވެ.