މިއަދުގެ ބައްދަލުވުމުގައި ކުރިއަށް ގެންދެވީ ކޮމިޓީގެ މަސައްކަތްތައް ކުރިއަށް ގެންދާނެގޮތަކާމެދުއެވެ. އެގޮތުން ސަލާމަތީ ޚިދުމަތްތަކާބެހޭ ކޮމިޓީއަށް ހުށަހެޅޭ މައްސަލަތަކާއި އަދި އެނޫންވެސް ކަންކަމުގައި ކޮމިޓީން ޢަމަލުކުރާނެ ގޮތުގެ އުސޫލުގައި ކޮޕީ ސިޓީތަކާމެދު ޢަމަލު ކުރާނެ ގޮތް ހިމަނައި އިޞްލާޙު ކުރުމާމެދު ކޮމިޓީގައި މަޝްވަރާކުރެއްވިއެވެ.

އިސްވެދެންނެވުނު އުސޫލާމެދު ކޮމިޓީން މަޝްވަރާކުރެއްވުމަށްފަހު އިޞްލާހު ހުށަހަޅުއްވާފައިވާ ގޮތަށް ފާސްކުރެއްވުމަށް މާމިގިލި ދާއިރާގެ މެންބަރު ޤާސިމް އިބްރާހީމް ހުށަހަޅުއްވައި ހުޅުދޫ ދާއިރާގެ މެންބަރު މުޙައްމަދު ޝާހިދު ތާއީދު ކުރެއްވިއެވެ. މި ހުށަހެޅުއްވުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: ސަލާމަތީ ޚިދުމަތްތަކާބެހޭ ކޮމިޓީއަށް ހުށަހެޅޭ މައްސަލަތަކާއި އަދި އެނޫންވެސް ކަންކަމުގައި ކޮމިޓީން ޢަމަލުކުރާނެ ގޮތުގެ އުސޫލުގައި ކޮޕީ ސިޓީތަކާމެދު ޢަމަލު ކުރާނެ ގޮތް ހިމަނައި އިޞްލާޙު ފާސްކުރުމަށް

ކޮމިޓީގެ ޖުމްލަ މެންބަރުންގެ ޢަދަދު :13

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ސަލާމަތީ ޚިދުމަތްތަކާބެހޭ ކޮމިޓީއަށް ހުށަހެޅޭ މައްސަލަތަކާއި އަދި އެނޫންވެސް ކަންކަމުގައި ކޮމިޓީން ޢަމަލުކުރާނެ ގޮތުގެ އުސޫލުގައި ކޮޕީ ސިޓީތަކާމެދު ޢަމަލު ކުރާނެ ގޮތް ހިމަނައި އިޞްލާޙު ފާސްވެފައެވެ.

އެއަށްފަހު، ކޮމިޓީގައި މަޝްވަރާކުރެއްވީ ކޮމިޓީގެ މެންޑޭޓް ތެރޭގައި ހިމެނޭ އިދާރާތަކާ ބައްދަލުކުރުމާމެދުއެވެ. އެ ގޮތުން މާފަންނު އުތުރު ދާއިރާގެ މެންބަރު މުޙައްމަދު ނާޡިމް ހުށަހަޅުއްވައި ހުޅުދޫ ދާއިރާގެ މެންބަރު މުޙައްމަދު ޝާހިދު ތާއީދު ކުރެއްވީ އިދާރާތަކާ ބައްދަލުކޮށް އެފަރާތްތަކުގެ ކަންބޮޑުވުންތައް ހިއްސާކުރުމަށެވެ. 

އެއަށްފަހު 2018 އިން ފެށިގެން 2023 އަށް ދިވެހިރާއްޖޭގެ މިނިވަންކަމާއި އިސްތިޤްލާލަށް އުނިކަން އަންނަ ގޮތަށް ހިނގާފައިވާ ކަންކަން ބެލުމުގެ ގޮތުން އަންނަނިވި ކަންކަން ދިރާސާކުރުމަށް އިންކުއަރީއެއް ހެދުމަށް 4 މެންބަރުންގެ ސަބް ކޮމިޓީއެއް އެކުލަވާލުމަށް ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ހުށަހަޅުއްވައި މާމިގިލި ދާއިރާގެ މެންބަރު ޤާސިމް އިބްރާހީމް ތާއީދު ކުރެއްވިއެވެ.

1. އިންޑިއާ އާއި ދިވެހިރާއްޖެއާ ދެމެދު ވެފައިވާ ހައިޑްރޯގްރަފީ އެއްބަސްވުމުގެ ކަންކަން
2. އުތުރު ތިލަފަޅު އެއްބަސްވުމުގެ ޕްރޮސެސް ހިނގާފައިވާ ގޮތް ބެލުމަށް
3. ޑޯނިއަރ މަތިންދާބޯޓުގެ އެއްބަސްވުމުގެ ކަންކަން؛ މި ހުށަހެޅުއްވުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: 2018 އިން ފެށިގެން 2023 އަށް ދިވެހިރާއްޖޭގެ މިނިވަންކަމާއި އިސްތިޤްލާލަށް އުނިކަން އަންނަ ގޮތަށް ހިނގާފައިވާ ކަންކަން ބެލުމުގެ ގޮތުން އަންނަނިވި ކަންކަން ދިރާސާކުރުމަށް އިންކުއަރީއެއް ހެދުމަށް 4 މެންބަރުންގެ ސަބް ކޮމިޓީއެއް އެކުލަވާލުމަށް 

ކޮމިޓީގެ ޖުމްލަ މެންބަރުންގެ ޢަދަދު :13

ހާޒިރުވެ ތިއްބެވި މެންބަރުންގެ ޢަދަދު: 8

ފެންނަކަމަށް ވޯޓު ދެއްވި މެންބަރުންގެ ޢަދަދު : 7

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 4

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން 2018 އިން ފެށިގެން 2023 އަށް ދިވެހިރާއްޖޭގެ މިނިވަންކަމާއި އިސްތިޤްލާލަށް އުނިކަން އަންނަ ގޮތަށް ހިނގާފައިވާ ކަންކަން ބެލުމުގެ ގޮތުން އިންކުއަރީއެއް ހެދުމަށް 4 މެންބަރުންގެ ސަބް ކޮމިޓީއެއް އެކުލަވާލުމަށްވަނީ ފާސްވެފައެވެ. 

އަދި، ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ހުށަހެޅުއްވި ހުށަހެޅުމުގައި ޗާގޯސް ކަނޑުގެ މައްސަލަ ހިމެނުމަށް މާމިގިލި ދާއިރާގެ މެންބަރު ޤާސިމް އިބްރާހީމް ހުށަހަޅުއްވައި ކެލާ ދާއިރާގެ މެންބަރު ޢަބްދުﷲ ޝަރީފް ތާއީދު ކުރެއްވިއެވެ. މި ހުށަހެޅުއްވުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: ޗާގޯސް ކަނޑުގެ މައްސަލަވެސް ހިމަނައިގެން ސަބް ކޮމިޓީ ކުރިއަށް ގެންދިއުމަށް

ކޮމިޓީގެ ޖުމްލަ މެންބަރުންގެ ޢަދަދު :13

ހާޒިރުވެ ތިއްބެވި މެންބަރުންގެ ޢަދަދު: 8

ފެންނަކަމަށް ވޯޓު ދެއްވި މެންބަރުންގެ ޢަދަދު : 7

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 4

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ޗާގޯސް ކަނޑުގެ މައްސަލަ ވެސް ހިމަނައިގެން ކުރިއަށް ގެންދިއުމަށް ވަނީ ފާސްވެފައެވެ.

އެއަށްފަހު ސަބް ކޮމިޓީގައި ހިމެނުމަށް ފެނިވަޑައިގަންނަވާ ބޭފުޅުންގެ ނަން ހުށަހެޅުމަށް ފުރުސަތު ހުޅުވާލުމުން މާމިގިލި ދާއިރާގެ މެންބަރު ޤާސިމް އިބްރާހީމް ހުށަހަޅުއްވައި ކެލާ ދާއިރާގެ މެންބަރު ޢަބްދުﷲ ޝަރީފް ތާއީދު ކުރެއްވި މެންބަރުން ތިރީގައި އެވަނީ އެވެ.

1. ހަނިމާދޫ ދާއިރާގެ މެންބަރު ޢަބްދުލްޣަފޫރު މޫސާ
2. ތުޅާދޫ ދާއިރާގެ މެންބަރު ޢަބްދުލްޙައްނާން އަބޫބަކުރު
3. ދިއްގަރު ދާއިރާގެ މެންބަރު އަޙްމަދު ނާޡިމް
4. ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު

މި ހުށަހެޅުއްވުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: އިންކުއަރީ ގައި ހިމެނިވަޑައިގަންނަވާ ސަބް ކޮމިޓީގެ މެންބަރުންގެ ނަންތައް ފާސްކުރުމަށް.

ކޮމިޓީގެ ޖުމްލަ މެންބަރުންގެ ޢަދަދު :13

ހާޒިރުވެ ތިއްބެވި މެންބަރުންގެ ޢަދަދު: 8

ފެންނަކަމަށް ވޯޓު ދެއްވި މެންބަރުންގެ ޢަދަދު : 7

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 4

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން އިންކުއަރީ ގައި ހިމެނިވަޑައިގަންނަވާ ސަބް ކޮމިޓީގެ މެންބަރުންގެ ނަންތައް ވަނީ ފާސްވެފައެވެ.