މިއަދުގެ ބައްދަލުވުމުގައި، ކޮމިޓީއަށް ލިބިފައިވާ ދައުލަތުގެ ދަރަނީގެ ބިލު އަދި ފިސްކަލް ރެސްޕޮންސިބިލިޓީ ބިލުގެ މަސައްކަތް ކުރިއަށްގެންދާނެ ގޮތާމެދު މަޝްވަރާކުރެއްވިއެވެ. އެގޮތުން، މި ދެ ބިލުގެ މަސައްކަތް ނިންމާނެ ސުންގަޑިއަކީ 31 ޖުލައި 2024 ކަމަށް ކަނޑައެޅުމަށް ބާރަށު ދާއިރާގެ މެންބަރު އިބްރާހީމް ޝުޖާޢު ހުށަހެޅުއްވިއެވެ. އަދި މި ހުށަހެޅުމަށް އޭދަފުށި ދާއިރާގެ މެންބަރު އަޙްމަދު ސަލީމް ތާޢީދުކުރެއްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: ދެ ބިލުގެ މަސައްކަތް ނިންމާނެ ސުންގަޑިއަކީ 31 ޖުލައި 2024 ކަމަށް ކަނޑައެޅުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 7

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 1

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، މި ދެ ބިލު ދިރާސާކުރުމުގެ މަސައްކަތް 31 ޖުލައި 2024 ގެ ނިޔަލަށް ނިންމުމަށް ކޮމިޓީން ފާސްކުރިއެވެ.

ދައުލަތުގެ ދަރަނީގެ ބިލު އަދި ފިސްކަލް ރެސްޕޮންސިބިލިޓީ ބިލާ ގުޅޭގޮތުން ކަމާގުޅުންހުރި ފަރާތްތަކުގެ ކޮމެންޓް ހޯދުމަށް މިއަދުން ފެށިގެން 7 ދުވަސް ދިނުމަށް ކޮމިޓީން ނިންމިއެވެ.

އެއަށްފަހު، މާލޭގެ ހުޅަނގު އުތުރު ފަރާތުގެ ބަނދަރު ސަރަހައްދުގައި "ވ.އަތޮޅު ފިހާރަ" ގެ ނަމުގައި ހިންގަމުންދާ އިމާރާތުގެ ކުލީގެ ގޮތުގައި ވޭތުވެދިޔަ 4 އަހަރު މިނިސްޓްރީ އޮފް ފިނޭންސްއަށް ލިބިފައިވާ 9،333،554.84 (ނުވަ މިލިއަން ތިންސަތޭކަ ތިރީސް ތިންހާސް ފަސް ސަތޭކަ ފަންސާސް ހަތަރު ރުފިޔާ އަށްޑިހަ ހަތަރު ލާރި) ގެ ތެރެއިން އެއްވެސް ފައިސާއެއް ފެލިދެއަތޮޅު ކައުންސިލަށް ލިބިފައިނުވާކަމަށް ބަޔާންކޮށް އެ ކައުންސިލް އިދާރާއިން ފޮނުވާފައިވާ މައްސަލަ ދިރާސާކުރެއްވުމަށްފަހު، ކަމާބެހޭ އިދާރާތަކާ ގުޅިގެން މި މައްސަލައަށް ޙައްލެއް ހޯއްދެވުމަށް އެ ކައުންސިލަށް ދެންނެވުމަށް ހަނިމާދޫ ދާއިރާގެ މެންބަރު ޢަބްދުލްޣަފޫރު މޫސާ ހުށަހެޅުއްވިއެވެ. އަދި މި ހުށަހެޅުމަށް ދިއްގަރު ދާއިރާގެ މެންބަރު އަޙްމަދު ނާޡިމް ތާޢީދުކުރެއްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: ކަމާބެހޭ އިދާރާތަކާ ގުޅިގެން މި މައްސަލައަށް ޙައްލެއް ހޯއްދެވުމަށް އެ ކައުންސިލަށް ދެންނެވުމަށް

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 10

ފެންނަކަމަށް ވޯޓު ދެއްވި މެންބަރުންގެ ޢަދަދު : 9

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 9

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، މާލޭގެ ހުޅަނގު އުތުރު ފަރާތުގެ ބަނދަރު ސަރަހައްދުގައި "ވ.އަތޮޅު ފިހާރަ" ގެ ނަމުގައި ހިންގަމުންދާ އިމާރާތުގެ ކުލީގެ ގޮތުގައި ވޭތުވެދިޔަ 4 އަހަރު އެއްވެސް ފައިސާއެއް

ފެލިދެއަތޮޅު ކައުންސިލަށް ލިބިފައިނުވާކަމަށް ބަޔާންކޮށް އެ ކައުންސިލް އިދާރާއިން ފޮނުވާފައިވާ މައްސަލައިގައި، ކަމާބެހޭ އިދާރާތަކާ ގުޅިގެން މި މައްސަލައަށް ޙައްލެއް ހޯއްދެވުމަށް އެ ކައުންސިލަށް ދެންނެވުމަށް ކޮމިޓީން ނިންމެވިއެވެ.

މީގެ އިތުރުން، ދިވެހި ޞިއްޙީ ޚިދުމަތްތެރިންގެ އައު ފްރޭމްވާރކްގައި ހުރިކަމަށް ފާހަގަކުރެވިފައިވާ މައްސަލަތައް ބަޔާންކުރައްވާ، ދިވެހި ނަރުހުންގެ ޖަމްޢިއްޔާ އިން ސަރުކާރުގެ ކަމާބެހޭ އިދާރާތަކަށް ފޮނުއްވާފައިވާ ސިޓީއާ ގުޅޭގޮތުން އިތުރު މަޢުލޫމާތު ސާފުކުރުމަށް ދިވެހި ނަރުހުންގެ ޖަމްޢިއްޔާގެ އިތުރުން ސިވިލް ސަރވިސް ކޮމިޝަން އަދި ނޭޝަނަލް ޕޭ ކޮމިޝަނަށް ސިޓީ ފޮނުވުމަށް ހަނިމާދޫ ދާއިރާގެ މެންބަރު ޢަބްދުލްޣަފޫރު މޫސާ ހުށަހެޅުއްވިއެވެ. އަދި މި ހުށަހެޅުމަށް ދިއްގަރު ދާއިރާގެ މެންބަރު އަޙްމަދު ނާޡިމް ތާޢީދުކުރެއްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: މައްސަލައާ ގުޅޭގޮތުން އިތުރު މަޢުލޫމާތު ސާފުކުރުމަށް ދިވެހި ނަރުހުންގެ ޖަމްޢިއްޔާގެ އިތުރުން ސިވިލް ސަރވިސް ކޮމިޝަން އަދި ނޭޝަނަލް ޕޭ ކޮމިޝަނަށް ސިޓީ ފޮނުވުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 10

ފެންނަކަމަށް ވޯޓު ދެއްވި މެންބަރުންގެ ޢަދަދު : 9

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 9

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، ޞިއްޙީ ޚިދުމަތްތެރިންގެ އައު ފްރޭމްވާރކްގައި ހުރިކަމަށް ފާހަގަކުރެވިފައިވާ މައްސަލަތަކާ ގުޅޭގޮތުން އަދި އެ މައްސަލަތައް ހައްލުވެފައިވާ މިންވަރު ސާފުކުރުމަށް ދިވެހި ނަރުހުންގެ ޖަމްޢިއްޔާއާއި، ސިވިލް ސަރވިސް ކޮމިޝަން އަދި ނޭޝަނަލް ޕޭ ކޮމިޝަނަށް ސިޓީ ފޮނުވުމަށް ނިންމެވިއެވެ.

އޭޑީކޭ ހޮސްޕިޓަލުން، ސަރުކާރުގެ ބައެއް މުއައްސަސާތަކަށް ކްރެޑިޓަށް ދީފައިވާ ޚިދުމަތްތަކާއި، އާސަންދައިގެ ދަށުން ދީފައިވާ ޚިދުމަތްތަކާއި އަދި އެންސްޕާގެ ޚިދުމަތްތަކަށް ބިލުކޮށްފައިވާ ފައިސާ ނުލިބި އެތައް މަހެއް ވެފައިވާކަމަށާއި، އެގޮތުން، ފާއިތުވި އޮކްޓޫބަރު މަހުގެ ނިޔަލަށް ސަރުކާރުން އޭޑީކޭ ހޮސްޕިޓަލަށް ދައްކަންޖެހޭ ޖުމްލަ 144,376,112 (އެއްސަތޭކަ ސާޅީސް ހަތަރު މިލިއަން ތިންލައްކަ ހަތްދިހަ ހަހާސް އެއްސަތޭކަ ބާރަ) ރުފިޔާގެ ތެރެއިން 78,555,828 (ހަތްދިހަ އަށް މިލިޔަން ފަސްލައްކަ ފަންސާސް ފަސްހާސް އަށްސަތޭކަ އަށާވީސް) ރުފިޔާއަކީ ފައިސާ ނުދައްކާ 90 ދުވަހަށް ވުރެ ގިނަ ދުވަސްވެފައިވާ ބިލުތަކުގެ ފައިސާ ކަމަށާއި، މި ފައިސާ ހޯދުމަށް ރައްޔިތުންގެ މަޖިލީހުން ވެދެއްވެން އޮތް އެހީތެރިކަމެއް ވެދެއްވުން އެދި އެ ހޮސްޕިޓަލްއިން ފޮނުއްވާފައިވާ ސިޓީއާ ގުޅޭގޮތުން މަޝްވަރާކުރެއްވުމަށްފަހު، އެ ހޮސްޕިޓަލަށް ލިބިފައިނުވާ ފައިސާގެ އެންމެފަހުގެ އަޕްޑޭޓް ހޯދުމަށް އެފަރާތަށް ސިޓީ ފޮނުވުމަށް ބާރަށު ދާއިރާގެ މެންބަރު އިބްރާހީމް ޝުޖާޢު ހުށަހެޅުއްވިއެވެ. އަދި މި ހުށަހެޅުމަށް ކެލާ ދާއިރާގެ މެންބަރު ޢަބްދުﷲ ޝަރީފް ތާޢީދުކުރެއްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: އޭޑީކޭ ހޮސްޕިޓަލަށް ސަރުކާރުން ދައްކަންޖެހޭ ފައިސާގެ ތެރެއިން މިހާތަނަށް ނުދައްކާހުރި ފައިސާގެ އެންމެ ފަހުގެ ތަފްޞީލު ހޯދުމަށް އެ ހޮސްޕިޓަލަށް ސިޓީ ފޮނުވުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 10

ފެންނަކަމަށް ވޯޓު ދެއްވި މެންބަރުންގެ ޢަދަދު : 9

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 9

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، އޭޑީކޭ ހޮސްޕިޓަލަށް ސަރުކާރުން ދައްކަންޖެހޭ ފައިސާގެ ތެރެއިން މިހާތަނަށް ނުދައްކާހުރި ފައިސާގެ އެންމެ ފަހުގެ ތަފްޞީލު ހޯދުމަށް އެ ހޮސްޕިޓަލަށް ސިޓީ ފޮނުވުމަށް ނިންމެވިއެވެ.