މިއަދުގެ ބައްދަލުވުމުގައި، އޮޑިޓަރ ޖެނެރަލްގެ އޮފީހުގެ މަސްއޫލިއްޔަތުތައް އަދާކުރުމުގައި ދިމާވާ ދަތިތަކާ ގުޅޭގޮތުން މަޝްވަރާކުރުމަށް އެ އޮފީހުގެ ބޭފުޅުންނާ ބައްދަލުކުރެއްވިއެވެ. މި ބައްދަލުވުމުގައި އޮޑިޓަރ ޖެނެރަލްގެ އޮފީހުގެ މަސްއޫލިއްޔަތުތައް އަދާކުރުމުގައި ދިމާވާ ދަތިތަކާ ގުޅޭގޮތުން އެ އޮފީހުގެ ފަރާތުން ޕްރެޒެންޓޭޝަނެއް ދެއްވިއެވެ. އެގޮތުން، އެ އޮފީހުގެ 2024 ވަނަ އަހަރުގެ އެނުއަލް ވަރކް ޕްލޭންގައި ހިމަނައިގެން ކުރިއަށް ގެންދެވުމަށް ރާއްވަވާފައިވާ އޮޑިޓްތަކުގެ މަޢުލޫމާތު މެންބަރުންނާއި ޙިއްޞާކުރެއްވިއެވެ. އަދި ޤާނޫނުތަކުން އެ އޮފީހާ މަތިކޮށްފައިވާ އޮޑިޓްގެ މަސައްކަތްތައް ކުރުމަށް މައިގަނޑު ގޮތެއްގައި ދިމާވާ ގޮންޖެހުމަކީ އެކަށީގެންވާ ޢަދަދަށް މުވައްޒަފުން ނެތުމާއި، މުވައްޒަފުންގެ މަސައްކަތާ އެއްވަރުގެ މުސާރައެއް އެ މުވައްޒަފުންނަށް ނުދެވުންކަމަށް އޮޑިޓަރ ޖެނެރަލް ފާހަގަކުރެއްވިއެވެ. އަދި މުސާރައިގެ ސަބަބުން މުވައްޒަފުން ވަޒީފާއިން ކެނޑޭ ޢަދަދު އިތުރުވެ، ސްޓާފް ޓާންއޯވަރ އެއް އަހަރުން އަނެއް އަހަރަށް މަތިވަމުންދާކަމަށް އެ މަނިކުފާނު ފާހަގަކުރެއްވިއެވެ. 

ބައްދަލުވުމުގައި އޮޑިޓަރ ޖެނެރަލްގެ އޮފީހުގެ ފަރާތުން ބައިވެރިވެވަޑައިގެންނެވި ބޭފުޅުން:

1.     އަލްފާޟިލް ޙުސައިން ނިޔާޒީ (އޮޑިޓަރ ޖެނެރަލް)

2.     އަލްފާޟިލް އިބްރާހީމް އައިމަން (އެސިންޓަންޓް އޮޑިޓަރ ޖެނެރަލް)

3.     އަލްފާޟިލާ ޝިރުމީނާ ޙުސައިން (އެސިންޓަންޓް އޮޑިޓަރ ޖެނެރަލް)

4.     އަލްފާޟިލް އިބްރާހީމް ފަޒީލް (އެސިންޓަންޓް އޮޑިޓަރ ޖެނެރަލް)

5.     އަލްފާޟިލް މުޙައްމަދު ޝާން (ޑިރެކްޓަރ – ފައިނޭންޝަލް އެންޑް ކޮމްޕްލަޔަންސް އޮޑިޓް)

6.     އަލްފާޟިލް އަޙްމަދު ޞާލިޙް (ޑިރެކްޓަރ – ޓެކްނިކަލް އެންޑް ރިސާރޗް)

7.     އަލްފާޟިލް އަޙްމަދު ސާމިހް (ޑިރެކްޓަރ – ފައިނޭންޝަލް އެންޑް ކޮމްޕްލަޔަންސް އޮޑިޓް)

8.     އަލްފާޟިލް މުޙައްމަދު ނަސީމް (ލީގަލް ކައުންސެލް)

1. އަލްފާޟިލް އިބްރާހީމް ނަސީމް ޢުމަރު (މެނޭޖަރ – ޓެކްނިކަލް ސަރވިސަސް އެންޑް ރިސާރޗް ޔުނިޓް)