މިއަދުގެ ބައްދަލުވުމުގައި ފުރަތަމަ ކަމަކަށް އޮތީ ކޮމިޓީގައި ޢަމަލުކުރާނެ އުސޫލުތަކާ މެދު މަޝްވަރާކޮށް ގޮތެއް ނިންމުމެވެ. އެގޮތުން ކޮމިޓީއިން ޢަމަލުކުރާނެ އުސޫލުތަކުގެ ގޮތުގައި އެކުލަވާލައި މެންބަރުންނާ ޙިއްސާކުރެވިފައިވާ އުސޫލުގައި ބަޔާންކޮށްފައިވާ ކަންކަމާމެދު ކޮމިޓީގައި މަޝްވަރާކުރެވުނެވެ. އަދި މެންބަރުން ބޭނުންވާ ބަދަލުތައް އެ އުސޫލަށް ގެނައުމަށްފަހު އުސޫލުވަނީ ފާސްކޮށްފައެވެ. މި އުސޫލު ފާސްކުރުމަށް މަތިވެރި ދާއިރާގެ މެންބަރު ޙަސަން ޒަރީރު ހުށަހަޅުއްވައި މާފަންނު ހުޅަނގު ދާއިރާގެ މެންބަރު ތާއިދުކުރެއްވިއެވެ. އަދި ކޮމިޓީގައި އެވަގުތު ވަޑައިގެން ތިއްބެވި މެންބަރުންގެ އިއްތިފާގުން ފާސްވިއެވެ. މި ހުށަހެޅުމަށް ވޯޓު ދެއްވިގޮތް ތިރީގައި އެވަނީއެވެ.

ވޯޓުގެ ނަތީޖާ: ކޮމިޓީގައި އަމަލުކުރާނެ އުސޫލުތައް ފާސްކުރުން.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 7

ފެންނަކަމަށް ވޯޓު ދެއްވި މެންބަރުންގެ ޢަދަދު : 6

( މާފަންނު ހުޅަނގު ދާއިރާގެ މެންބަރު މުޙައްމަދު މުޞްޠަފާ އިބްރާހީމް، މަތިވެރި ދާއިރާގެ މެންބަރު ޙަސަން ޒަރީރު، ހިތާދޫ ދާއިރާގެ މެންބަރު މުޙައްމަދު ސިރުހާން، ތިނަދޫ ދެކުނު ދާއިރާގެ މެންބަރު މުޙައްމަދު އަލްސަން އަޙްމަދު، ވިލުފުށި ދާއިރާގެ މެންބަރު ޙަސަން ވަޙީދު، ކެޔޮދޫ ދާއިރާގެ މުޙައްމަދު ނިއުޝާދު)

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 6

ފާސްވުމަށް ބޭނުންވާ ޢަދަދު: 4

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން މި ހުށަހެޅުން ފާސްވިއެވެ.

އެއަށްފަހު، އެހެނިހެން ކަންކަމުގެ ދަށުން މެންބަރުންނަށް ހުޅުވާލި ފުރުޞަތުގައި، ވިލުފުށި ދާއިރާގެ މެންބަރު ޙަސަން ވަޙީދު ވަނީ ރާއްޖޭގެ ރަށްރަށުގައި ކުނީގެ މައްސަލަ ބޮޑުވެ އެ ރަށްރަށުގައި އުފެދޭ ކުނި ނެގުމުގެ މައްސަލައާއި ދިމާވެފައިވާ ކުނީގެ މައްސަލަ ޙައްލުކުރުމާ ބެހޭގޮތުން މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ އަދި ވޭސްޓް މެނޭޖްމަންޓު ކޯޕަރޭޝަން ލިމިޓެޑް (ވެމްކޯ)ގެ އިސްވެރިން ކޮމިޓީއަށް ހާޒިރުކޮށް ކަމާގުޅޭ މަޢުލޫމާތު ސާފުކުރުމަށް ހުށަހެޅުއްވާފައެވެ. މި ހުށަހަޅުއްވުމަށް މަތިވެރި ދާއިރާގެ މެންބަރު ޙަސަން ޒަރީރު ތާއީދުކުރެއްވިއެވެ. މި ހުށަހެޅުމަށް ވޯޓު ދެއްވިގޮތް ތިރީގައި އެވަނީއެވެ.

ވޯޓުގެ ނަތީޖާ: ރާއްޖޭގެ ރަށްރަށަށް ދިމާވެފައިވާ ކުނީގެ މައްސަލައަށް ޙައްލެއް ހޯދުމަށްޓަކައި މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ އަދި ވޭސްޓް މެނޭޖްމަންޓު ކޯޕަރޭޝަން ލިމިޓެޑް (ވެމްކޯ)ގެ އިސްވެރިން ކޮމިޓީއަށް ހާޒިރުކޮށް ކަމާގުޅޭ މަޢުލޫމާތު ސާފުކުރުމަށް.

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

( މާފަންނު ހުޅަނގު ދާއިރާގެ މެންބަރު މުޙައްމަދު މުޞްޠަފާ އިބްރާހީމް، މަތިވެރި ދާއިރާގެ މެންބަރު ޙަސަން ޒަރީރު، ހިތާދޫ ދާއިރާގެ މެންބަރު މުޙައްމަދު ސިރުހާން، ގެމަނަފުށި ދާއިރާގެ މެންބަރު އަސަދުﷲ ޝިހާބް، ފުނަދޫ ދާއިރާގެ މެންބަރު މުޙައްމަދު މަމްދޫޙް، ތިނަދޫ ދެކުނު ދާއިރާގެ މެންބަރު މުޙައްމަދު އަލްސަން އަޙްމަދު، ވިލުފުށި ދާއިރާގެ މެންބަރު ޙަސަން ވަޙީދު، ކެޔޮދޫ ދާއިރާގެ މުޙައްމަދު ނިއުޝާދު)

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 05

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ރާއްޖޭގެ ރަށްރަށަށް ދިމާވެފައިވާ ކުނީގެ މައްސަލައަށް ޙައްލެއް ހޯދުމަށްޓަކައި މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ އަދި ވޭސްޓް މެނޭޖްމަންޓު ކޯޕަރޭޝަން ލިމިޓެޑް (ވެމްކޯ)ގެ އިސްވެރިން ކޮމިޓީއަށް ހާޒިރުކޮށް މަޢުލޫމާތު ހޯދުމަށް ފާސްކުރެއްވިއެވެ.

އެއަށްފަހު، މަތިވެރި ދާއިރާގެ މެންބަރު ޙަސަން ޒަރީރު ވަނީ މިސްކިތްތަކުގެ ކަރަންޓުބިލުތައް ބޮޑުވަމުންދާތީ ބިލުތައް ކުޑަކުރުމަށްޓަކައި މިސްކިތްތަކުގައި ސޯލާ ޕެނަލް ހަރުކުރުމާ ގުޅޭގޮތުން ސަރުކާރުގެ ސިޔާސަތު އޮޅުންފިލުވުމަށް މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ ކޮމިޓީއަށް ހާޒިރުކުރާ ދުވަހު މިނިސްޓަރާ އެ ސުވާލުކުރުމަށް ހުށަހަޅުއްވާފައެވެ. މި ހުށަހެޅުމަށް ވިލުފުށި ދާއިރާގެ މެންބަރު ޙަސަން ވަޙީދު ތާއީދުކުރެއްވިއެވެ. މި ހުށަހެޅުމަށް ވޯޓު ދެއްވިގޮތް ތިރީގައި އެވަނީއެވެ.

ވޯޓުގެ ނަތީޖާ: މިސްކިތްތަކުގެ ކަރަންޓުބިލުތައް ބޮޑުވަމުންދާތީ ބިލުތައް ކުޑަކުރުމަށްޓަކައި މިސްކިތްތަކުގައި ސޯލާ ޕެނަލް ހަރުކުރުމާ ގުޅޭގޮތުން ސަރުކާރުގެ ސިޔާސަތު އޮޅުންފިލުވުމަށް މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ ކޮމިޓީއަށް ހާޒިރުކުރާ ދުވަހު މިނިސްޓަރާ އެ ސުވާލުކުރުމަށް

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 7

(މަތިވެރި ދާއިރާގެ މެންބަރު ޙަސަން ޒަރީރު، ހިތާދޫ ދާއިރާގެ މެންބަރު މުޙައްމަދު ސިރުހާން، ގެމަނަފުށި ދާއިރާގެ މެންބަރު އަސަދުﷲ ޝިހާބް، ފުނަދޫ ދާއިރާގެ މެންބަރު މުޙައްމަދު މަމްދޫޙް، ތިނަދޫ ދެކުނު ދާއިރާގެ މެންބަރު މުޙައްމަދު އަލްސަން އަޙްމަދު، ވިލުފުށި ދާއިރާގެ މެންބަރު ޙަސަން ވަޙީދު، ކެޔޮދޫ ދާއިރާގެ މުޙައްމަދު ނިއުޝާދު)

ނުފެންނަކަމަށް ވޯޓު ދެއްވި ޢަދަދު: 1

(މާފަންނު ހުޅަނގު ދާއިރާގެ މެންބަރު މުޙައްމަދު މުޞްޠަފާ އިބްރާހީމް)

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 05

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އަޤްލަބިއްޔަތުން މިސްކިތްތަކުގައި ސޯލާ ޕެނަލް ހަރުކުރުމާ ގުޅޭގޮތުން ސަރުކާރުގެ ސިޔާސަތު އޮޅުންފިލުވުމަށް މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ ކޮމިޓީއަށް ހާޒިރުކުރާ ދުވަހު މިނިސްޓަރާ އެ ސުވާލުކުރުމަށް ފާސްކުރެއްވިއެވެ.

ފަހުކަމަކަށް، ކޮމިޓީގެ ބައްދަލުވުންތައް ބާއްވާނެ ދުވަހެއް ކަނޑައެޅުމަށް ހުޅުވާލި ފުރުޞަތުގައި، ކޮންމެ ހޯމަ ދުވަހެއްގެ 10:30 ގައި ކޮމިޓީގެ ބައްދަލުވުން ބޭއްވުމަށް މާފަންނު ހުޅަނގު ދާއިރާގެ މެންބަރު މުޞްޠަފާ އިބްރާހީމް ހުށަހަޅުއްވިއެވެ. އެ ހުށަހެޅުމަށް ފުނަދޫ ދާއިރާގ މެންބަރު މުޙައްމަދު މަމްދޫޙް ތާއީދުކުރެއްވިއެވެ. މި ހުށަހެޅުމަށް ވޯޓު ދެއްވިގޮތް ތިރީގައި އެވަނީއެވެ.

ވޯޓުގެ ނަތީޖާ: ކޮމިޓީގެ ބައްދަލުވުންތައް ބާއްވާނެ ދުވަހެއް ކަނޑައެޅުމަށް ހުޅުވާލި ފުރުޞަތުގައި، ކޮންމެ ހޯމަ ދުވަހެއްގެ 10:30 ގައި ކޮމިޓީގެ ބައްދަލުވުން ބޭއްވުމަށް

ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 10

ފެންނަކަމަށް ވޯޓު ދެއްވި މެންބަރުންގެ ޢަދަދު : 9

(މުލަކު ދާއިރާގެ މެންބަރު އިބްރާހީމް ނައުފަލް، މާފަންނު ހުޅަނގު ދާއިރާގެ މެންބަރު މުޙައްމަދު މުޞްޠަފާ އިބްރާހީމް، މަތިވެރި ދާއިރާގެ މެންބަރު ޙަސަން ޒަރީރު، ހިތާދޫ ދާއިރާގެ މެންބަރު މުޙައްމަދު ސިރުހާން، ގެމަނަފުށި ދާއިރާގެ މެންބަރު އަސަދުﷲ ޝިހާބް، ފުނަދޫ ދާއިރާގެ މެންބަރު މުޙައްމަދު މަމްދޫޙް، ތިނަދޫ ދެކުނު ދާއިރާގެ މެންބަރު މުޙައްމަދު އަލްސަން އަޙްމަދު، ވިލުފުށި ދާއިރާގެ މެންބަރު ޙަސަން ވަޙީދު، ކެޔޮދޫ ދާއިރާގެ މުޙައްމަދު ނިއުޝާދު)

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 9

ފާސްވުމަށް ބޭނުންވާ ޢަދަދު: 05

ނިންމުން: ހުށަހެޅުން ފާސްވެފައި.

އެހެންކަމުން، އާންމުކޮށް ކޮމިޓީ ބައްދަލުވުން ބާއްވާނީ ހަފުތާގެ ހޯމަ ދުވަހު 10:30 ގައި ކަމަށް ކޮމިޓީން ފާސްކުރެއްވިއެވެ.

އިތުރު ޚިޔާލަށް ފުރުޞަތު ހުޅުވާލުމުން، ގެމަނަފުށި ދާއިރާގެ މެންބަރު އަސަދުﷲ ޝިހާބްވަނީ، ކޮމިޓީއަށް އެކި އެކި ފަރާތްތައް ހާޒިރުކޮށް ސުވާލުކުރުމުގެ ކުރިން، އެ ފަރާތްތަކުން ސާފުކުރަން ބޭނުންވަނީ ކޮންކޮން މަޢުލޫމާތުތަކެއްކަން ސާފުކޮށް އެފަރާތްތަކަށް އެންގުމަށާއި އަދި އެ ސުވާލުތަކަށް ތައްޔާރުވެގެން ވަޑައިގެންނެވުމަށް ހާޒިރުކުރާ ފަރާތްތަކަށް ދައުވަތުދޭއިރު ސިޓީގައި ބަޔާންކުރުމަށް ހުށަހަޅާފައެވެ. އަދި މިގޮތަށް ކޮމިޓީގެ މެންބަރުންނަށް އެއްބަސްވެވުނެވެ.