މިއަދުގެ ބައްދަލުވުމުގައި، ޤާނޫނު ނަންބަރު 6/81 (މޯލްޑިވްސް މަނިޓަރީ އޮތޯރިޓީގެ ޤާނޫނު 1981) ގެ 6 ވަނަ މާއްދާގެ (3) ގައި ބަޔާންކޮށްފައިވާ ގޮތުގެމަތިން، މޯލްޑިވްސް މަނިޓަރީ އޮތޯރިޓީގެ ގަވަރުނަރުގެ މަޤާމަށް ބޭފުޅަކު ޢައްޔަންކުރެއްވުމަށްޓަކައި ރައީސުލްޖުމްހޫރިއްޔާ ފޮނުއްވާފައިވާ މައްސަލައާ ގުޅޭގޮތުން މަޝްވަރާކުރެއްވިއެވެ. އެގޮތުން، އެ މަޤާމަށް ޢައްޔަނުކުރެއްވުމަށް ރައީސުލްޖުމްހޫރިއްޔާ ނަން ފޮނުއްވާފައިވާ އަލްފާޟިލް އަޙްމަދު މުނައްވަރު އާ ގުޅޭގޮތުން މަޢުލޫމާތު ސާފުކުރެއްވުމަށްޓަކައި، ކަމާގުޅޭ އިދާރާތަކަށް ސިޓީ ފޮނުއްވުމަށް ނިންމެވިއެވެ. އެގޮތުން، މޯލްޑިވްސް މަނިޓަރީ އޮތޯރިޓީން ސާފުކުރައްވަންޖެހޭ މަޢުލޫމާތު ފޮނުއްވުމުގެ މުއްދަތު އިތުރުކުރެއްވުމަށް އެ އޮތޯރިޓީން އެދިވަޑައިގެންފައިވާތީ، 25 ޖުލައި 2024 ވާ ބުރާސްފަތި ދުވަހުގެ ނިޔަލަށް އެ އޮތޯރިޓީއަށް ވަގުތުދެއްވުމަށް ރިޔާސަތުން ހުށަހެޅުއްވިއެވެ.

މި މައްސަލައިގައި، މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: އަލްފާޟިލް އަޙްމަދު މުނައްވަރު އާ ގުޅޭގޮތުން މޯލްޑިވްސް މަނިޓަރީ އޮތޯރިޓީން ސާފުކުރެއްވުމަށް ކޮމިޓީން އެދިވަޑައިގެންފައިވާ މަޢުލޫމާތު ފޮނުއްވައިދެއްވުމުގެ މުއްދަތު 25 ޖުލައި 2024 ގެ ނިޔަލަށް އިތުރުކޮށްދެއްވުމަށް.

 ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 7

ފެންނަކަމަށް ވޯޓު ދެއްވި މެންބަރުންގެ ޢަދަދު : 6

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 6

ފާސްވުމަށް ބޭނުންވާ ޢަދަދު: 4

ނިންމުން: ހުށަހެޅުން ފާސްވެފައި.

އެހެންކަމުން، އަލްފާޟިލް އަޙްމަދު މުނައްވަރު އާ ގުޅޭގޮތުން މޯލްޑިވްސް މަނިޓަރީ އޮތޯރިޓީން ސާފުކުރެއްވުމަށް ކޮމިޓީން އެދިވަޑައިގެންފައިވާ މަޢުލޫމާތު ފޮނުއްވައިދެއްވުމުގެ މުއްދަތު 25 ޖުލައި 2024 ގެ ނިޔަލަށް އިތުރުކޮށްދެއްވުމަށް ނިންމެވިއެވެ.

އެއަށްފަހު، މި މައްސަލަ ނިންމަވާ، ކޮމިޓީން ރިޕޯޓް ފާސްކުރާނެ ސުންގަޑިއަކީ 29 ޖުލައި 2024 ވާ ހޯމަ ދުވަސްކަމަށް ކަނޑައެޅުމަށް ބާރަށު ދާއިރާގެ މެންބަރު އިބްރާހީމް ޝުޖާޢު ހުށަހެޅުއްވިއެވެ. މި ހުށަހެޅުމަށް ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ތާޢީދުކުރެއްވިއެވެ.

މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: މައްސަލަ ނިންމާނެ ސުންގަޑިއަކީ 29 ޖުލައި 2024 ވާ ހޯމަ ދުވަސްކަމުގައި ކަނޑައެޅުމަށް.

 ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 7

ފެންނަކަމަށް ވޯޓު ދެއްވި މެންބަރުންގެ ޢަދަދު : 6

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 6

ފާސްވުމަށް ބޭނުންވާ ޢަދަދު: 4

ނިންމުން: ހުށަހެޅުން ފާސްވެފައި.

އެހެންކަމުން، މޯލްޑިވްސް މަނިޓަރީ އޮތޯރިޓީގެ ގަވަރުނަރުގެ މަޤާމަށް ބޭފުޅަކު ޢައްޔަންކުރެއްވުމަށްޓަކައި ރައީސުލްޖުމްހޫރިއްޔާ ފޮނުއްވާފައިވާ މައްސަލަ ކޮމިޓީން ދިރާސާކޮށް ނިންމާނެ ސުންގަޑިއަކީ 29 ޖުލައި 2024 ވާ ހޯމަ ދުވަސްކަމަށް ނިންމެވިއެވެ.

އެހެނިހެން ކަންކަމަށް ކަނޑައެޅިފައިވާ ވަގުތުގައި، އެސް.އެމް.އީ ޑިވެލޮޕްމަންޓް ފައިނޭންސް ކޯޕަރޭޝަނުން މާރިޗު 2019 އިން ފެށިގެން 17 ނޮވެންބަރު 2023 ނިޔަލަށް ދޫކޮށްފައިވާ ލޯނުތަކުގެ ޖުމުލަ ޢަދަދާއި، ލޯނުތައް ދޫކޮށްފައިވާ ގޮތާއި، އަދި ލޯނުތައް ހިމެނޭހެން ކުންފުނީގެ އެންމެހައި މާލީ ޓްރާންސެކްޝަންތައް ހިންގަވާފައިވަނީ ކަނޑައެޅިފައިވާ އުޞޫލުތަކާ އެއްގޮތަށްތޯ ބައްލަވައިދެއްވައި، އެ ކުންފުނީގެ ޚާއްސަ އޮޑިޓަކާއި، ބިންވެރިޔާ ސްކީމުގެ ދަށުން ހުޅުމާލެއިން ގޯތި ދޫކުރުމާ ގުޅިގެން ހައުސިންގ ޑިވެލޮޕްމަންޓް ކޯޕަރޭޝަން އަށް ލިބިފައިވާ މާލީ ގެއްލުން ބައްލަވައިދެއްވައި، އެކަމާގުޅޭ ޚާއްސަ އޮޑިޓެއް ހައްދަވައިދެއްވުމަށް އޮޑިޓަރ ޖެނެރަލަށް ދެންނެވުމަށް ފުވައްމުލަކު އުތުރު ދާއިރާގެ މެންބަރު ޙަމަދު ޢަބްދުﷲ ހުށަހެޅުއްވިއެވެ. އަދި މި ހުށަހެޅުމަށް ފުނަދޫ ދާއިރާގެ މެންބަރު މުޙައްމަދު މަމްދޫޙް ތާޢީދުކުރެއްވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: 1. އެސް.އެމް.އީ ޑިވެލޮޕްމަންޓް ފައިނޭންސް ކޯޕަރޭޝަނުން މާރިޗު 2019 އިން ފެށިގެން 17 ނޮވެންބަރު 2023 ނިޔަލަށް ދޫކޮށްފައިވާ ލޯނުތަކުގެ ޖުމުލަ ޢަދަދާއި، ލޯނުތައް ދޫކޮށްފައިވާ ގޮތާއި، އަދި ލޯނުތައް ހިމެނޭހެން ކުންފުނީގެ އެންމެހައި މާލީ ޓްރާންސެކްޝަންތައް ހިންގަވާފައިވަނީ ކަނޑައެޅިފައިވާ އުޞޫލުތަކާ އެއްގޮތަށްތޯ ބައްލަވައިދެއްވައި، އެ ކުންފުނީގެ ޚާއްސަ އޮޑިޓަކާއި، ބިންވެރިޔާ ސްކީމުގެ ދަށުން ހުޅުމާލެއިން ގޯތި ދޫކުރުމާ ގުޅިގެން ހައުސިންގ ޑިވެލޮޕްމަންޓް ކޯޕަރޭޝަން އަށް ލިބިފައިވާ މާލީ ގެއްލުން ބައްލަވައިދެއްވައި، އެކަމާގުޅޭ ޚާއްސަ އޮޑިޓެއް ހައްދަވައިދެއްވުމަށް އޮޑިޓަރ ޖެނެރަލަށް ދެންނެވުމަށް.

 ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 8

ފެންނަކަމަށް ވޯޓު ދެއްވި މެންބަރުންގެ ޢަދަދު : 7

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 4

ނިންމުން: ހުށަހެޅުން ފާސްވެފައި.

އެހެންކަމުން، އެސް.އެމް.އީ ޑިވެލޮޕްމަންޓް ފައިނޭންސް ކޯޕަރޭޝަނުން މާރިޗު 2019 އިން ފެށިގެން 17 ނޮވެންބަރު 2023 ނިޔަލަށް ދޫކޮށްފައިވާ ލޯނުތަކުގެ ޖުމުލަ ޢަދަދާއި، ލޯނުތައް ދޫކޮށްފައިވާ ގޮތާއި، އަދި ލޯނުތައް ހިމެނޭހެން ކުންފުނީގެ އެންމެހައި މާލީ ޓްރާންސެކްޝަންތައް ހިންގަވާފައިވަނީ ކަނޑައެޅިފައިވާ އުޞޫލުތަކާ އެއްގޮތަށްތޯ ބައްލަވައިދެއްވައި، އެ ކުންފުނީގެ ޚާއްސަ އޮޑިޓަކާއި، ބިންވެރިޔާ ސްކީމުގެ ދަށުން ހުޅުމާލެއިން ގޯތި ދޫކުރުމާ ގުޅިގެން ހައުސިންގ ޑިވެލޮޕްމަންޓް ކޯޕަރޭޝަން އަށް ލިބިފައިވާ މާލީ ގެއްލުން ބައްލަވައިދެއްވައި، އެކަމާގުޅޭ ޚާއްސަ އޮޑިޓެއް ހައްދަވައިދެއްވުމަށް އޮޑިޓަރ ޖެނެރަލަށް ދެންނެވުމަށް ނިންމެވިއެވެ.

އެއަށްފަހު، އެސް.ޑީ.އެފް.ސީ އަދި އެޗް.ޑީ.ސީގެ ޚާއްޞަ އޮޑިޓް ކޮށް ނިންމުމަށް އޮޑިޓަރ ޖެނެރަލަށް 2 މަސްދުވަހުގެ މުއްދަތެއް ދިނުމަށް ކެލާ ދާއިރާގެ މެންބަރު ޢަބްދުﷲ ޝަރީފް ހުށަހެޅުއްވިއެވެ. އަދި މި ހުށަހެޅުމަށް އޭދަފުށި ދާއިރާގެ މެންބަރު އަޙްމަދު ސަލީމް ތާޢީދުކުރެއްވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: އެސް.ޑީ.އެފް.ސީ އަދި އެޗް.ޑީ.ސީގެ ޚާއްޞަ އޮޑިޓެއް ކޮށް ނިންމުމަށް އޮޑިޓަރ ޖެނެރަލަށް 2 މަސްދުވަހުގެ މުއްދަތެއް ދިނުމަށް.

 ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 8

ފެންނަކަމަށް ވޯޓު ދެއްވި މެންބަރުންގެ ޢަދަދު : 7

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 4

ނިންމުން: ހުށަހެޅުން ފާސްވެފައި.

އެހެންކަމުން، އެސް.ޑީ.އެފް.ސީ އަދި އެޗް.ޑީ.ސީގެ ޚާއްޞަ އޮޑިޓް ކޮށް ނިންމުމަށް އޮޑިޓަރ ޖެނެރަލަށް 2 މަސްދުވަހުގެ މުއްދަތެއް ދިނުމަށް ނިންމެވިއެވެ.