Committee Meeting - People's Majlis of Maldives

ޚުލާސާ

މިއަދުގެ ބައްދަލުވުމުގައި "ގެދޮރުވެރިޔާ ސްކީމްގެ ދަށުން ފްލެޓް ލިބޭނެކަމަށް މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ރަސްމީ ވެބްސައިޓްގައި ގެޒެޓް ކުރެވިފައިވާ އެންމެހާ ފަރާތްތަކާއި އަދި ކަމުގެ މަސްލަޙަތު އޮތް އެންމެހާ ފަރާތްތަކުގެ ފްލެޓްތައް ބާތިލް ނުކުރުމަށް އެދި ހުށަހަޅުއްވާފައިވާ ޕެޓިޝަން" އާ ގުޅިގެން މިނިސްޓްރީ އޮފް ހައުސިން، ލޭންޑް އެންޑް އަރބަން ޑިވެލޮޕްމެންޓްގެ ބޭފުޅުންނާ ބައްދަލުކުރުން އެޖެންޑާކުރެވިފައިވެއެވެ. އެގޮތުން ތިރީގައިވާ ބޭފުޅުން ކޮމިޓީއަށް ހާޒިރުވުމަށް ނަންތައް ފޮނުއްވާފައިވެއެވެ.

ޑރ. ޢަލީ ޙައިދަރު އަޙްމަދު - މިނިސްޓަރ

އަލްފާޟިލް އިބްރާހީމް ނިޒާމް - މިނިސްޓަރ އޮފް ސްޓޭޓް

އަލްފާޟިލާ ޒީނިޔާ އަޙްމަދު ޙަމީދު - ޕަރމަނަންޓް ސެކްރެޓަރީ

އަލްއުސްތާޛާ އާއިޝަތު ޝިޚާބު - ލީގަލް އޮފިސަރ

ނަމަވެސް ކޮމިޓީގެ ބައްދަލުވުމަށް ވަޑައިގެންނެވުމަށް ދަތިފުޅުވާތީ ކޮމިޓީގެ ބައްދަލުވުން ފަސްކޮށްދެއްވުމަށް އެ މިނިސްޓްރީގެ ބޭފުޅުން ގުޅުއްވައިގެން އެދިލެއްވެވިއެވެ. އަދި މިކަމާ ގުޅޭގޮތުން މެންބަރުންގެ މެދުގައި މަޝްވަރާކުރެއްވުމަށްފަހު މިނިސްޓަރަށް ފަސޭހަފުޅުވާ ދުވަހަކަށް މި ބައްދަލުވުން ބޭއްވުމަށް ކޮމިޓީގައި އެވަގުތު ހާޒިރުވެވަޑައިގެން ތިއްބެވި މެންބަރުންގެ އިއްތިފާޤުން ނިންމެވިއެވެ.