މިއަދުގެ ބައްދަލުވުމުގައި، "ލައިން އޮފް ފައިނޭންސް ޓު ސަޕޯޓް ދަ އެސްޓެބްލިޝްމަންޓް އޮފް އެން އެސް.އެމް.އީ އިމްޕެކްޓް ފަންޑް އިން ދަ މޯލްޑިވްސް" މަޝްރޫޢުގެ ދަށުން އިސްލާމިކް ޑިވެލޮޕްމަންޓް ބޭންކް (އައި.އެސް.ޑީ.ބީ) އިން ހަމަޖެހިފައިވާ 40 މިލިއަން އެމެރިކާ ޑޮލަރުގެ ލޯނާ ގުޅޭގޮތުން މިނިސްޓްރީ އޮފް ފިނޭންސް އިން ފޮނުއްވާފައިވާ މަޢުލޫމާތު އަދި އޮޑިޓަރ ޖެނެރަލްގެ އޮފީހުގެ 2023 ވަނަ އަހަރުގެ ހަތަރުވަނަ ތިންމަހުގައި ކުރެވުނު މަސައްކަތްތަކާއި އޮފީސް ހިނގަމުންދާ ގޮތުގެ ރިޕޯޓު ކޮމިޓީއާ ހިއްސާކުރެއްވިއެވެ.

އެއަށްފަހު، ރައްޔިތުންގެ މަޖިލީހުން ކަނޑައަޅަންޖެހޭ މުސާރައާއި ޢިނާޔަތްތަކުގެ އޮނިގަނޑު މުރާޖަޢާކޮށް އަލުން އެކުލަވާލާ ނިންމިގޮތުގެ ރިޕޯޓުގައި ހިމަނުއްވާފައިވާ ޗިންޑްރަންސް އޮމްބަޑްސްޕަރސަންގެ މުސާރައާ ގުޅޭގޮތުން ނޭޝަނަލް ޕޭ ކޮމިޝަނުން ކޮމިޓީން ހޯދާފައިވާ މަޢުލޫމާތާ ގުޅޭގޮތުން މަޝްވަރާކުރެއްވިއެވެ. އަދި މަޖިލީހުން ކަނޑައަޅަންޖެހޭ މުސާރައިގެ އޮނިގަނޑު ކޮމިޓީން މުރާޖަޢާކުރައްވާއިރު، އެ އޮފީހުން ފާހަގަކުރައްވާފައިވާ ކަންކަމަށް ރިޢާޔަތްކުރައްވައި، ކޮމިޓީން ގޮތެއް ނިންމަވާނެކަމަށް އެ އޮފީހަށް ދެންނެވުމަށް ދިއްގަރު ދާއިރާގެ މެންބަރު އަޙްމަދު ނާޡިމް ހުށަހަޅުއްވާ، ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ތާޢީދުކުރެއްވިއެވެ.

މި މައްސަލައިގައި، މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: ޗިންޑްރަންސް އޮމްބަޑްސްޕަރސަންގެ މުސާރައާ ގުޅޭގޮތުން ހުށަހަޅުއްވާފައިވާ މައްސަލައިގައި، މަޖިލީހުން ކަނޑައަޅަންޖެހޭ މުސާރައިގެ އޮނިގަނޑު ކޮމިޓީން މުރާޖަޢާކުރައްވާއިރު، އެ އޮފީހުން ފާހަގަކުރައްވާފައިވާ ކަންކަމަށް ރިޢާޔަތްކުރައްވައި، ކޮމިޓީން ގޮތެއް ނިންމަވާނެކަމަށް އެ އޮފީހަށް ދެންނެވުމަށް.

 ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، ޗިންޑްރަންސް އޮމްބަޑްސްޕަރސަންގެ މުސާރައާ ގުޅޭގޮތުން ހުށަހަޅުއްވާފައިވާ މައްސަލައިގާ، މަޖިލީހުން ކަނޑައަޅަންޖެހޭ މުސާރައިގެ އޮނިގަނޑު ކޮމިޓީން މުރާޖަޢާކުރައްވާއިރު، އެ އޮފީހުން ފާހަގަކުރައްވާފައިވާ ކަންކަމަށް ރިޢާޔަތްކުރައްވައި، ކޮމިޓީން ގޮތެއް ނިންމަވާނެކަމަށް އެ އޮފީހަށް ދެންނެވުމަށް ނިންމެވިއެވެ.

މީގެ އިތުރުން، ފަނޑިޔާރުންނާއި ރިޓަޔަރކުރައްވާފައިވާ ފަނޑިޔާރުންގެ އިންޝުއަރެންސް ޕެކޭޖްތަކުގެ ޕްރިމިއަމް ބޮޑުކޮށްދެއްވައި، 16 އޮގަސްޓު 2022 ވަނަ ދުވަހު އަމާނާ ތަކާފުލް (މޯލްޑިވްސް) ޕީ.އެލް.ސީއާއެކު ވެފައިވާ 3 އަހަރު ދުވަހުގެ އެއްބަސްވުމުގެ ބާކީ އޮތް މުއްދަތަށް، ފުލް ކަވަރޭޖް ފޯރުކޮށްދިނުމަށްޓަކައި އިތުރަށް ބޭނުންވާ ބަޖެޓު ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނަށް ލިބޭނެ އިންތިޒާމް ހަމަޖައްސައިދެއްވުމަށް އެދި ޖުޑީޝަލ ސަރވިސް ކޮމިޝަން އިން ފޮނުއްވާފައިވާ މައްސަލައިގައި، އެ ކޮމިޝަނުން އެދިވަޑައިގެންފައިވާ އިސްވެދެންނެވި ކަންކަން މިވަގުތު ހަމަޖައްސައިދެވެން ނެތް ކަމަށް އެ ކޮމިޝަނަށް ދެންނެވުމަށް ދިއްގަރު ދާއިރާގެ މެންބަރު އަޙްމަދު ނާޡިމް ހުށަހަޅުއްވާ، ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ތާޢީދުކުރެއްވިއެވެ.

މި މައްސަލައިގައި، މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: ފަނޑިޔާރުންނާއި ރިޓަޔަރ ކުރައްވާފައިވާ ފަނޑިޔާރުންގެ އިންޝުއަރެންސް އާ ގުޅޭގޮތުން ޖުޑީޝަލ ސަރވިސް ކޮމިޝަން އިން ފޮނުއްވާފައިވާ މައްސަލާގައި، އެ ކޮމިޝަނުން އެދިވަޑައިގެންފައިވާ ކަންކަން މިވަގުތު ހަމަޖައްސައިދެވެން ނެތް ކަމަށް އެ ކޮމިޝަނަށް ދެންނެވުމަށް.

 ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، ފަނޑިޔާރުންނާއި ރިޓަޔަރ ކުރައްވާފައިވާ ފަނޑިޔާރުންގެ އިންޝުއަރެންސް އާ ގުޅޭގޮތުން ޖުޑީޝަލ ސަރވިސް ކޮމިޝަން އިން ފޮނުއްވާފައިވާ މައްސަލާގައި، އެ ކޮމިޝަނުން އެދިވަޑައިގެންފައިވާ ކަންކަން މިވަގުތު ހަމަޖައްސައިދެވެން ނެތް ކަމަށް އެ ކޮމިޝަނަށް ދެންނެވުމަށް ނިންމެވިއެވެ.

އަދި، ރާއްޖޭގެ ސިއްޙީ ދާއިރާގައި ކޮރަޕްޝަން މަގުފަހިވާގޮތަށް ހުރި ހިރާސްތައް ދެނެގަތުމަށްޓަކައި ޓްރާންސްޕޭރަންސީ މޯލްޑިވްސްއިން ކޮށްފައިވާ ދިރާސާގެ ހުދުކަރުދާސް އަދި އެޑްވޮކަސީ ޕޭޕަރު ކޮމިޓީއާ ހިއްސާކުރެއްވިއެވެ.

އެއަށްފަހު، ކުށް ކުރުމަށް ބޭނުންކުރާ އަދި ކުށް ކޮށްގެން ހޯދާ މުދަލާއި ފައިސާ ދައުލަތަށް ރުޖޫޢަކުރުމުގެ (އެސެޓް ރިކަވަރީ) ނިޒާމު ހަރުދަނާކުރުމަށް އެންޓި-ކޮރަޕްޝަން ކޮމިޝަނުން ތައްޔާރުކޮށްފައިވާ ރިޕޯޓްއާ ގުޅޭގޮތުން މަޝްވަރާކުރެއްވިއެވެ. އަދ އެ ރިޕޯޓުގައި ކުށް ކޮށްގެން ހޯދާ މުދަލާއި ފައިސާ ދައުލަތަށް ރުޖޫޢަކުރުމުގެ ނިޒާމު ހަރުދަނާކުރުމަށް ޤާނޫނުތަކަށް ގެންނަން އެންޓި-ކޮރަޕްޝަން ކޮމިޝަނަށް ފެނިވަޑައިގަންނަވާ އިޞްލާޙްތަކާއި، އެސެޓް ރިކަވަރީ ޤާނޫނެއް އޮތުމުގެ މުހިއްމުކަން ބަޔާންކުރައްވާފައިވާތީ، މި ރިޕޯޓް އެޓަރނީ ޖެނެރަލްގެ އޮފީހަށް ފޮނުވައި، ރިޕޯޓުގައި ފާހަގަކުރައްވާފައިވާ ޤާނޫނުތަކަށް އިޞްލާޙް ހުށަހަޅުއްވުމުގައާއި، އަދި އެސެޓް ރިކަވަރީގެ ބިލު އެކުލަވާލެއްވުމުގައި އެ ދިރާސާގެ ރިޕޯޓްގައި އެ ކޮމިޝަނުން ފާހަގަކުރައްވާފައިވާ ކަންކަމަށް ރިޢާޔަތްކުރުމަށް އެ އޮފީހަށް ދެންނެވުމަށް ބާރަށު ދާއިރާގެ މެންބަރު އިބްރާހީމް ޝުޖާޢު ހުށަހެޅުއްވިއެވެ. މި ހުށަހެޅުމަށް ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ތާޢީދުކުރެއްވިއެވެ.

މި މައްސަލައިގައި، މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: ކުށް ކުރުމަށް ބޭނުންކުރާ އަދި ކުށް ކޮށްގެން ހޯދާ މުދަލާއި ފައިސާ ދައުލަތަށް ރުޖޫޢަކުރުމުގެ (އެސެޓް ރިކަވަރީ) ނިޒާމު ހަރުދަނާކުރުމަށް އެންޓި-ކޮރަޕްޝަން ކޮމިޝަނުން ތައްޔާރުކޮށްފައިވާ ރިޕޯޓް އެޓަރނީ ޖެނެރަލް އޮފީހަށް ފޮނުވުމަށް.

 ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 9

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، ކުށް ކުރުމަށް ބޭނުންކުރާ އަދި ކުށް ކޮށްގެން ހޯދާ މުދަލާއި ފައިސާ ދައުލަތަށް ރުޖޫޢަކުރުމުގެ (އެސެޓް ރިކަވަރީ) ނިޒާމު ހަރުދަނާކުރުމަށް އެންޓި-ކޮރަޕްޝަން ކޮމިޝަނުން ތައްޔާރުކޮށްފައިވާ ރިޕޯޓް އެޓަރނީ ޖެނެރަލްގެ އޮފީހަށް ފޮނުވައި، ރިޕޯޓުގައި ފާހަގަކުރައްވާފައިވާ ޤާނޫނުތަކަށް އިޞްލާޙް ހުށަހަޅުއްވުމުގައާއި، އަދި އެސެޓް ރިކަވަރީގެ ބިލު އެކުލަވާލެއްވުމުގައި އެ ދިރާސާގެ ރިޕޯޓްގައި އެ ކޮމިޝަނުން ފާހަގަކުރައްވާފައިވާ ކަންކަމަށް ރިޢާޔަތްކުރުމަށް އެ އޮފީހަށް ދެންނެވުމަށް ނިންމެވިއެވެ.

އެހެނިހެން ކަންކަމުގެ ތެރޭގައި، 17 ނޮވެންބަރު 2018 އިން ފެށިގެން 17 ނޮވެންބަރު 2023 ގެ ނިޔަލަށް ދައުލަތުން އެކި ފަރާތްތަކަށް ބަދަލުގެ ގޮތުގައި 2 ބިލިއަން ރުފިޔާއަށްވުރެ ގިނަ ޢަދަދަކަށް ފައިސާ ދައްކަވާފައިވާކަމަށް މަޢުލޫމާތު ލިބިފައިވާތީ، އެ މުއްދަތުގައި ދައުލަތުން އެކި ފަރާތްތަކަށް ބަދަލުގެ ގޮތުގައި ދެއްވާފައިވާ ފައިސާގެ ޢަދަދު ސާފުކުރުމަށް ފުނަދޫ ދާއިރާގެ މެންބަރު މުޙައްމަދު މަމްދޫޙް ހުށަހެޅުއްވި ހުށަހެޅުމަށް ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ތާޢީދުކުރެއްވިއެވެ.

މި މައްސަލައިގައި، މެންބަރުން ވޯޓު ދެއްވިގޮތުގެ ތަފްޞީލް ތިރީގައި އެވަނީއެވެ.

ވޯޓު: 17 ނޮވެންބަރު 2018 އިން ފެށިގެން 17 ނޮވެންބަރު 2023 ގެ ނިޔަލަށް ދައުލަތުން އެކި ފަރާތްތަކަށް ބަދަލުގެ ގޮތުގައި ދެއްވާފައިވާ ފައިސާގެ ޢަދަދު ހޯދުމަށް ގުޅުންހުރި އިދާރާތަކަށް ފޮނުވުމަށް.

 ކޮމިޓީގެ ޖުމްލަ މެންބަރުންގެ ޢަދަދު :11

ހާޒިރުވެ ތިއްބެވި މެންބަރުންގެ ޢަދަދު: 10

ފެންނަކަމަށް ވޯޓު ދެއްވި މެންބަރުންގެ ޢަދަދު : 8

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 1

ވޯޓުގައި ބައިވެރިވި މެންބަރުންގެ ޢަދަދު: 8

ފާސްވުމަށް ބޭނުންވާ ޢަދަދު: 5

ނިންމުން: ހުށަހެޅުން ފާސްވެފައި.

އެހެންކަމުން، 17 ނޮވެންބަރު 2018 އިން ފެށިގެން 17 ނޮވެންބަރު 2023 ގެ ނިޔަލަށް ދައުލަތުން އެކި ފަރާތްތަކަށް ބަދަލުގެ ގޮތުގައި ދެއްވާފައިވާ ފައިސާގެ ޢަދަދާއި އޭގެ ތަފްޞީލު ގުޅުންހުރި އިދާރާތަކުން ސާފުކުރުމަށް ނިންމެވިއެވެ.