Committee Meeting - People's Majlis of Maldives

ޚުލާސާ

މި ބައްދަލުވުމުގައި، އެޖެންޑާ ކުރެވިފައިއޮތީ ޤާނޫނު ނަންބަރު 2006/6 (ހިޔުމަން ރައިޓްސް ކޮމިޝަނުގެ ޤަނޫނު) ގެ ދަށުން އުފައްދާފައިވާ، ހިޔުމަން ރައިޓްސް ކޮމިޝަން އޮފް ދަ މޯލްޑިވްސްގެ ހުސްވެފައިވާ މެންބަރުކަމުގެ މަޤާމަށް މީހަކު ޢައްޔަންކުރެއްވުމަށްޓަކައި ރައީސުލްޖުމްހޫރިއްޔާ ފޮނުއްވާފައިވާ ފަރާތާ އިންޓަރވިއުކުރެއްވުމުގެ މަސައްކަތެވެ. އިންޓަރވިއުކުރެއްވުމުގެ ކުރިން ރައްޔިތުންގެ މަޖިލީހުގެ ގަވާއިދުގެ 223 ވަނަ މާއްދާގެ (ބ) ގެ ދަށުން ރިފަރެލްއެއްގެ ގޮތުގައި ވަޑައިގެންފައިވާ ޑޮކްޓާރ ޙަސަން ހަމީދުއަށް 5 މިނެޓްގެ ފުރުސަތެއް ދެވިފައިވާނެއެވެ. އެއަށްފަހު، ހިއުމަން ރައިޓްސް ކޮމިޝަންގެ މެންބަރުކަމަށް ރައީސުލްޖުމްހޫރިއްޔާ ނަން ފޮނުއްވާފައިވާ އަލްއުސްތާޛު އިސްމާޢީލް ޙަބީބު ޢަބްދުއްރަހީމް (ގ. ގާކޮށި ފްލެޓް 111-ބީ / ކ. މާލެ) އާ އިންޓަވިއުކުރެއްވިއެވެ. އަދި ރައްޔިތުންގެ މަޖިލީހުގެ ގަވާއިދުގެ 223 ވަނަ މާއްދާގެ (ނ) ގައިވާގޮތުގެ މަތިން ޢާންމު ކޮމިޓީން ކަނޑައަޅުއްވާފައިވާ އިންޓަރވިއުކުރާ ފަރާތްތަކަށް މާކްސްދިނުމުގައި ވަޒަންކުރާނެ މިންގަނޑުގެ ގޮތުގައި ކަނޑައަޅާފައިވާ މިންގަނޑަށް ރިޢާޔަތްކުރައްވައި ކޮމިޓީގެ މެންބަރުންނަށް ފެނިވަޑައިގަންނަވާ ގޮތަށް މާރކްސް ދެއްވުމުން، އެފަރާތަށް 89.00 (އަށްޑިހަ ނުވައެއް) އިންސައްތަ ލިބިވަޑައިގެންފައިވެއެވެ.