މި ބައްދަލުވުމުގައި 20 ވަނަ ރައްޔިތުންގެ މަޖިލީހުގެ ގަވާއިދު އެކުލަވާލުމާ ގުޅޭގޮތުން ފޮނުއްވާފައިވާ މައްސަލައާ ގުޅޭގޮތުން ކޮމިޓީގެ މެންބަރުންގެ މެދުގައި މަޝްވަރާކުރެއްވިއެވެ.

ތިރީގައި އެވަނީ ކޮމިޓީން ގެންނަވާފައިވާ ބަދަލުތަކެވެ.

• ރައްޔިތުންގެ މަޖިލީހުގެ ގަވާއިދުގެ 109 ވަނަ މާއްދާގެ (ބ) އިޞްލާޙުކުރުން.

އެގޮތުން، ކައުންސެލް ޖެނެރަލްގެ ލަފާއާ އެއްގޮތަށް 19 ވަނަ ރައްޔިތުންގެ މަޖިލީހުގެ ގަވާއިދުގެ 109 ވަނަ މާއްދާގެ (ބ) އަށް އިސްލާހު ހުށަހެޅިފައިވާ ގޮތަށް ފާސްކުރެއްވުމަށް ތުޅާދޫ ދާއިރާގެ މެންބަރު ޢަބްދުލްޙަންނާން އަބޫބަކުރު ހުށަހެޅުއްވިއެވެ. މި ހުށަހެޅުއްވުމަށް، އިސްދޫ ދާއިރާގެ މެންބަރު އިސްމާޢީލް ޝަފީޢު ތާޢީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީ ބައްދަލުވުމަށް ހާޒިރުވެ ތިއްބެވި މެންބަރުންގެ އިއްތިފާޤުން މި ހުށަހެޅުން ފާސްވެގެން ދިޔައެވެ. 

• ރައްޔިތުންގެ މަޖިލީހުގެ ގަވާއިދުގެ 113 ވަނަ މާއްދާގެ (ޅ) އުނިކުރަން.

އެގޮތުން، ކައުންސެލް ޖެނެރަލްގެ ލަފާއާ އެއްގޮތަށް 19 ވަނަ ރައްޔިތުންގެ މަޖިލީހުގެ ގަވާއިދުގެ 113 ވަނަ މާއްދާގެ (ޅ) އުނިކުރުމަށް އިސްދޫ ދާއިރާގެ މެންބަރު އިސްމާޢީލް ޝަފީޢު ހުށަހެޅުއްވިއެވެ. މި ހުށަހެޅުއްވުމަށް އަލިފުށި ދާއިރާގެ މެންބަރު ޢަބްދުއްލަޠީފް ޢަބްދުއްރަޙްމާނު ތާޢީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީ ބައްދަލުވުމަށް ހާޒިރުވެ ތިއްބެވި މެންބަރުންގެ އިއްތިފާޤުން މި ހުށަހެޅުން ފާސްވެގެން ދިޔައެވެ. 

• ރައްޔިތުންގެ މަޖިލީހުގެ ގަވާއިދުގެ 114 ވަނަ މާއްދާގައި އިޤްތިޞާދީ ކޮމިޓީގެ މެންޑޭޓް ގައި ހިމެނޭ މިނިސްޓްރީތަކުގެ ނަންތައް ދިވެހި ނަންތަކަށް ބަދަލުކުރުމަށް.

އެގޮތުން، ކައުންސެލް ޖެނެރަލްގެ ލަފާއާ އެއްގޮތަށް 19 ވަނަ ރައްޔިތުންގެ މަޖިލީހުގެ ގަވާއިދުގެ 114 ވަނަ މާއްދާގައި އިޤްތިޞާދީ ކޮމިޓީގެ މެންޑޭޓް ގައި ހިމެނޭ މިނިސްޓްރީތަކުގެ ނަންތައް ދިވެހި ނަންތަކަށް ބަދަލުކުރުމަށް ފާސްކުރެއްވުމަށް އިސްދޫ ދާއިރާގެ މެންބަރު އިސްމާޢީލް ޝަފީޢު ހުށަހެޅުއްވިއެވެ. މި ހުށަހެޅުއްވުމަށް ތުޅާދޫ ދާއިރާގެ މެންބަރު ޢަބްދުލްޙަންނާން އަބޫބަކުރު ތާޢީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީ ބައްދަލުވުމަށް ހާޒިރުވެ ތިއްބެވި މެންބަރުންގެ އިއްތިފާޤުން މި ހުށަހެޅުން ފާސްވެގެން ދިޔައެވެ.

• ރައްޔިތުންގެ މަޖިލީހުގެ ގަވާއިދުގެ 115 ވަނަ މާއްދާގެ (ހ) ގައި އިޖްތިމާޢީ ކޮމިޓީގެ މަސްއޫލިއްޔަތު އަދި އެ ކޮމިޓީގެ މެންޑޭޓުގައި ހިމެނޭ އިދާރާތަކުގެ ނަންތައް ދިވެހި ނަންތަކަށް ބަދަލުކުރުމަށާއި، އެ މާއްދާގެ (ށ) ގެ އިބާރާތް އިސްލާހުކުރުމަށް.

އެގޮތުން، ކައުންސެލް ޖެނެރަލްގެ ލަފާއާ އެއްގޮތަށް 19 ވަނަ ރައްޔިތުންގެ މަޖިލީހުގެ ގަވާއިދުގެ 115 ވަނަ މާއްދާގެ (ހ) ގައި އިޖްތިމާޢީ ކޮމިޓީގެ މަސްއޫލިއްޔަތު އަދި އެ ކޮމިޓީގެ މެންޑޭޓުގައި ހިމެނޭ އިދާރާތަކުގެ ނަންތައް ދިވެހި ނަންތަކަށް ބަދަލުކުރުމަށާއި، އެ މާއްދާގެ (ށ) ގެ އިބާރާތް އިސްލާހުކުރުމަށް ފާސްކުރެއްވުމަށް އިސްދޫ ދާއިރާގެ މެންބަރު އިސްމާޢީލް ޝަފީޢު ހުށަހެޅުއްވިއެވެ. މި ހުށަހެޅުއްވުމަށް ކަނޑިތީމު ދާއިރާގެ މެންބަރު އަމީން ފައިޞަލް ތާޢީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީ ބައްދަލުވުމަށް ހާޒިރުވެ ތިއްބެވި މެންބަރުންގެ އިއްތިފާޤުން މި ހުށަހެޅުން ފާސްވެގެން ދިޔައެވެ.

• ރައްޔިތުންގެ މަޖިލީހުގެ ގަވާއިދުގެ 116 ވަނަ މާއްދާ އިން ފެށިގެން 123 ވަނަ މާއްދާއަށް ކައުންސެލް ޖެނެރަލް ދެއްވާފައިވާ ލަފާއާ އެއްގޮތަށް އިސްލާހުކުރުމަށް.

އެގޮތުން، ކައުންސެލް ޖެނެރަލްގެ ލަފާއާ އެއްގޮތަށް 19 ވަނަ ރައްޔިތުންގެ މަޖިލީހުގެ ގަވާއިދުގެ 116 ވަނަ މާއްދާ އިން ފެށިގެން 123 ވަނަ މާއްދާއަށް ކައުންސެލް ޖެނެރަލް ދެއްވާފައިވާ ލަފާއާ އެއްގޮތަށް އިސްލާހުކުރުމަށް ފާސްކުރެއްވުމަށް އިސްދޫ ދާއިރާގެ މެންބަރު އިސްމާޢީލް ޝަފީޢު ހުށަހެޅުއްވެވިއެވެ. މި ހުށަހެޅުއްވުމަށް ކަނޑިތީމު ދާއިރާގެ މެންބަރު އަމީން ފައިޞަލް ތާޢީދުކުރެއްވެވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީ ބައްދަލުވުމަށް ހާޒިރުވެ ތިއްބެވި މެންބަރުންގެ އިއްތިފާޤުން މި ހުށަހެޅުން ފާސްވެގެން ދިޔައެވެ.