މިއަދުގެ ބައްދަލުވުމުގައި ކުރިއަށް ގެންދެވީ ޓެކްސް އެޕީލް ޓްރައިބިއުނަލްއާ ގުޅޭ ގޮތުން ކޮމިޓީއަށް ހުށަހަޅުއްވާފައިވާ މައްސަލަ ދިރާސާކުރުމުގެ ގޮތުން އެ ޓްރައިބިއުނަލްގެ މެންބަރުންނާއި ބައްދުލުކުރެއްވުމެވެ. މި ބައްދަލުވުމަށް ޓެކްސް އެޕީލް ޓްރައިބިއުނަލްގެ 5 މެންބަރުންވެސް ވަޑައިގެންނެވިއެވެ.

ޓްރައިބިއުނަލްގެ މެންބަރުންނާ ބައްދަލުކުރެއްވުމުގެ ކުރިން، އެ ޓްރައިބިއުނަލް ގެ ވަކި މެންބަރުންނާ ބައްދަލުކުރެއްވުމަށް ކޮމިޓީން ދަންނަވާފައިވާތީ، މި ބައްދަލުވުން ސިއްރުކޮށް ލައިވް ސްޓްރީމް ކަނޑާލުމަށްފަހު، ބައްދަލުވުން ނިމުމުން، މި ބައްދަލުވުން ޢާންމު ކުރެއްވުމަށް ކޮމިޓީން ނިންމެވިއެވެ. މިގޮތަށް ހުށަހަޅުއްވާފައިވަނީ ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް އަދި ތާއީދުކުރައްވާފައިވަނީ ކުރެންދޫ ދާއިރާގެ މެންބަރު ޝާމިން ޙަބީބުއެވެ.

މި ހުށަހެޅުމަށް އެއްވެސް މެންބަރެއް އިޢުތިރާޟް ނުކުރައްވާތީ، މި ހުށަހެޅުއްވުމަށް ވޯޓަށް އެއްސެވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: ކޮމިޓީގެ ބައްދަލުވުން

ކޮމިޓީގެ ޖުމްލަ މެންބަރުންގެ ޢަދަދު: 11

ހާޒިރުވެ ތިއްބެވި މެންބަރުންގެ ޢަދަދު: 8

ފެންނަކަމަށް ވޯޓު ދެއްވި މެންބަރުންގެ ޢަދަދު: 7

(ފުވައްމުލަކު މެދު ދާއިރާގެ މެންބަރު ޢަލީ ފަޒާދު، ކުރެންދޫ ދާއިރާގެ މެންބަރު މުޙައްމަދު ޝާމިން ޙަބީބު، ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު، ކެންދޫ ދާއިރާގެ މެންބަރު މަޢުރޫފް ޒާކިރު، ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު، ތިމަރަފުށި ދާއިރާގެ މެންބަރު އަޙްމަދު ރިޔާޟް، ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް)

ނުފެންނަކަމަށް ވޯޓު ދެއްވި މެންބަރުންގެ ޢަދަދު: ނެތް

ވަކި ގޮތަކަށް ވޯޓުދޭން ބޭނުންނުވާކަމަށް ވޯޓުދެއްވި މެންބަރުންގެ ޢަދަދު: ނެތް

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 04

ވޯޓުގެ ނަތީޖާ: ކޮމިޓީއަށް ހާޒިރުވެ ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވި