މިއަދުގެ ބައްދަލުވުމުގައި ފުރަތަމަ އޮތީ ކޮމިޓީގެ މުޤައްރިރަކު ހޮއްވެވުމެވެ. ކޮމިޓީގެ މުޤައްރިރަކު ހޮއްވެވުމުގެ ކަންތައް ކުރިޔަށްގެންގޮސްދެއްވީ، ސީނިއަރ އޮފިސަރ ޝިފްނާ ޢަލީއެވެ.

ކޮމިޓީގެ މުޤައްރިރެއްގެ ގޮތުގައި ހުންނަވަން ފެނިވަޑައިގަންނަވާ ބޭފުޅެއްގެ ނަންފުޅެއް ނުވަތަ ނަންފުޅުތަކެއް ހުށަހެޅުއްވުމަށް ފުރުޞަތު ހުޅުވާލުމުން ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ހުށަހެޅުއްވީ ކިނބިދޫ ދާއިރާގެ މެންބަރު ޢަލީ އަޝްރަޤްގެ ނަންފުޅެވެ. މި ހުށަހެޅުމަށް ތޮއްޑޫ ދާއިރާގެ މެންބަރު ޙުސައިން ސަމީރު ތާޢީދުކުރެއްވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައިއެވަނީއެވެ.

ވޯޓު: ކޮމިޓީގެ މުޤައްރިރުކަމަށް ކިނބިދޫ ދާއިރާގެ މެންބަރު ޢަލީ އަޝްރަޤް އިންތިޚާބުކުރުމަށް.

ކޮމިޓީގެ ޖުމްލަ މެންބަރުންގެ ޢަދަދު :04

ހާޒިރުވެ ތިއްބެވި މެންބަރުންގެ ޢަދަދު: 04

ފެންނަކަމަށް ވޯޓު ދެއްވި މެންބަރުންގެ ޢަދަދު : 04

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 04

ފާސްވުމަށް ބޭނުންވާ ޢަދަދު: 03

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ކޮމިޓީގެ މުޤައްރިރުކަމަށް ކިނބިދޫ ދާއިރާގެ މެންބަރު ޢަލީ އަޝްރަޤް އިންތިޚާބުކުރެއްވިއެވެ.

 އަދި ނައިބު މުޤައްރިރަކަށް ނަން ހުށަހެޅުމުގެ ފުރުޞަތު ހުޅުވާލުމުން ކިނބިދޫ ދާއިރާގެ މެންބަރު ޢަލީ އަޝްރަޤް، ފޭދޫ ދެކުނު ދާއިރާގެ މެންބަރު އިބްރާހީމްދީދީގެ ނަންފުޅު ހުށަހެޅުއްވިއެވެ. މި ހުށަހެޅުއްވުމަށް ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ތާއީދުކުރެއްވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައިއެވަނީއެވެ.

ވޯޓު: ކޮމިޓީގެ މުޤައްރިރުގެ ނައިބުކަމަށް ފޭދޫ ދެކުނު ދާއިރާގެ މެންބަރު އިބްރާހީމްދީދީ އިންތިޚާބުކުރުމަށް.

ކޮމިޓީގެ ޖުމްލަ މެންބަރުންގެ ޢަދަދު :04

ހާޒިރުވެ ތިއްބެވި މެންބަރުންގެ ޢަދަދު: 04

ފެންނަކަމަށް ވޯޓު ދެއްވި މެންބަރުންގެ ޢަދަދު : 04

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 04

ފާސްވުމަށް ބޭނުންވާ ޢަދަދު: 03

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ކޮމިޓީގެ މުޤައްރިރުގެ ނައިބުކަމަށް ފޭދޫ ދެކުނު ދާއިރާގެ މެންބަރު އިބްރާހީމްދީދީ އިންތިޚާބުކުރެއްވިއެވެ.

ކޮމިޓީގެ ރިޔާސަތާ ކިނބިދޫ ދާއިރާގެ މެންބަރު ޢަލީ އަޝްރަޤް ޙަވާލުވުމަށްފަހު، ކޮމިޓީގެ ކޯރަމްއަކީ 3 މެންބަރުންކަމުގައި ފަރެސްމާތޮޑާ ދާއިރާގެ މެންބަރު ހުށަހަޅުއްވައި، ފޭދޫ ދެކުނު ދާއިރާގެ މެންބަރު އިބްރާހީމްދީދީ ތާޢީދުކުރެއްވި ހުށަހެޅުން ވަނީ ކޮމިޓީގެ އިއްތިފާޤުން ފާސްވެފައެވެ.

ވޯޓު: ކޮމިޓީގެ ކޯރަމްއަކީ 3 މެންބަރުންކަމުގައި ކަނޑައެޅުން.

ކޮމިޓީގެ ޖުމްލަ މެންބަރުންގެ ޢަދަދު :04

ހާޒިރުވެ ތިއްބެވި މެންބަރުންގެ ޢަދަދު: 04

ފެންނަކަމަށް ވޯޓު ދެއްވި މެންބަރުންގެ ޢަދަދު : 03

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 03

ފާސްވުމަށް ބޭނުންވާ ޢަދަދު: 02

ނިންމުން: ހުށަހެޅުން ފާސްވެފައި.

އެހެންކަމުން، ކޮމިޓީގެ ކޯރަމްއަކީ 3 މެންބަރުންކަމުގައި ކަނޑައެޅުނެވެ.

މީގެ އިތުރުން، ކޮމިޓީގެ ދާއިރާގައި ހިމެނޭ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ ލިމިޓެޑާއި ސްޓޭޓް ޓްރޭޑިންގ އޯގަނައިޒޭޝަން ލިމިޓެޑުގެ 2023 ވަނަ އަހަރުގެ އަހަރީ ރިޕޯޓް ދިރާސާކުރެއްވުމަށް ނިންމެވިއެވެ.