މިއަދުގެ ބައްދަލުވުމުގައި ފުރަތަމަ ކުރިއަށް ގެންދެވީ ޓެކްސް އެޕީލް ޓްރައިބިއުނަލްއާ ގުޅޭގޮތުން ކޮމިޓީއަށް ހުށަހަޅުއްވާފައިވާ މައްސަލަ ދިރާސާކޮށް ކޮމިޓީން ނިންމި ގޮތުގެ ރިޕޯޓް ފާސްކުރުމެވެ. މި މައްސަލަ ދިރާސާކުރުމަށްފަހު، ކޮމިޓީން މި މައްސަލައާ ގުޅިގެން ހުށަހެޅުމަށް ނިންމާފައިވާ އަންނަނިވި 3 ހުށަހެޅުމާއެކު ކޮމިޓީގެ ރިޕޯޓު ރައްޔިތުންގެ މަޖިލީހަށް ހުށަހެޅުމަށް ފެންނަކަމަށް މި ބައްދަލުވުމަށް ހާޒިރުވެވަޑައިގެން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ނިންމެވިއެވެ.

1.ކޮމިޓީއަށް ހުށަހަޅާފައިވާ މައްސަލައިގައި ޓްރައިބިއުނަލްގެ ބައެއް މެންބަރުންގެ މައްޗަށް މަޤާމުގެ ނުފޫޒު ބޭނުންކުރާކަމަށާއި، ނުޙައްޤު މުއްސަނދިކަމާއި ކޮރަޕްޝަންގެ ތުހުމަތުތަކެއް ކޮށްފައިވާތީ، އެ ކަންކަން ހިނގާފައިވާގޮތް ތަޙްޤީޤުކުރުމަށް އެންޓި-ކޮރަޕްޝަން ކޮމިޝަނުގައި ދެންނެވުމަށް ފެންނަކަމަށް.

2.ޓެކްސް އެޕީލް ޓްރައިބިއުނަލު މިހާރު ހިންގަމުންގެންދަނީ އެ ޓްރައިބިއުނަލްގެ މަސައްކަތްތަކަށް ބޭނުންވާވަރަށްވުރެ އިތުރު ޖާގައިގައި ކަމަށް އެ ޓްރައިބިއުނަލުގެ ރައީސްއާއި ނައިބު ރައީސްވެސް ކޮމިޓީގައި ފާހަގަކުރައްވާފައިވާތީއާއި، މި ކޮމިޓީން އެ ޓްރައިބިއުނަލަށް ކުރި ޒިޔާރަތުންވެސް އެ އިމާރާތުގެ ބޮޑު ޖާގައެއް ބޭނުންނުކޮށް އޮންނަކަން ފާހަގަވެފައިވާތީ، ދައުލަތަށް މާލީގޮތުން ވާ ގެއްލުން ކުޑަކުރުމަށް އެ ޓްރައިބިއުނަލަށް މިކަމާ ގުޅިގެން ކުރެއްވެން ހުރި ކަންކަން އިދާރާތަކާ ގުޅިގެން ކުރެއްވުމަށް އެ ޓްރައިބިއުނަލަށް ދެންނެވުމަށް ފެންނަކަމަށް.

3.ޓްރައިބިއުނަލްގެ މައްސަލަތަކުގެ ބެންޗް ކަނޑައެޅުމަށާއި، ބެންޗްގެ ރިޔާސަތުގައި އިންނަވާ ފަރާތެއް ކަނޑައެޅުމާ ގުޅޭގޮތުން މިހާރު ޓްރައިބިއުނަލްގެ ގަވާއިދުގައި އޮތްގޮތުން މައްސަލައިގެ ބާވަތަށް ރިޢާޔަތްކޮށް މައްސަލައިގެ ބެންޗްގައި ހިމެނޭނެ މެންބަރުންނަކީ ކޮބައިކަން ހުށަހެޅުމުގެ ބާރު ޓްރައިބިއުނަލްގެ ރައީސަށް އޮތުމުން، އިންސާފުވެރިކޮށް މައްސަލައެއް ބެލިގެންދާނެކަމާމެދު ޢާންމުންގެ މެދުގައި ސުވާލު އުފެދުމުގެ ފުރުޞަތު އޮތްކަމަށް ފެންނާތީ، ޝަރުޢީ ކޯޓުތަކުގައިވެސް އޮންނަ ގޮތަށް، އަދި ޓްރައިބިއުނަލާމެދު ޢާންމުންގެ މެދުގައި އޮންނަ އިތުބާރު ދެމެހެއްޓުމުގެ ގޮތުން، ކަނޑައަޅާފައިވާ ވަކި ތަރުތީބަކުން މައްސަލަތަކުގެ ބެންޗް ކަނޑައެޅިގެންދާނެފަދަ ގޮތަކަށް ޓްރައިބިއުނަލްގެ ގަވާއިދު އިޞްލާޙުކުރުމަށް ފެންނަކަމަށް.

މިގޮތަށް ހުށަހެޅުއްވީ ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު އަދި ތާއީދުކުރައްވާފައިވަނީ ކުރެންދޫ ދާއިރާގެ މެންބަރު މުޙައްމަދު ޝާމިން ޙަބީބުއެވެ. އެއްވެސް މެންބަރެއް އިޢުތިރާޟް ނުކުރައްވާތީ، މި ހުށަހެޅުއްވުމަށް ވޯޓަށް އެއްސެވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: ރިޕޯޓްގައި ހިމެނިފައިވާ 3 ހުށަހެޅުމާއެކު ކޮމިޓީ ރިޕޯޓް ފާސްކުރުމަށް.

ކޮމިޓީގެ ޖުމްލަ މެންބަރުންގެ ޢަދަދު: 11

ހާޒިރުވެ ތިއްބެވި މެންބަރުންގެ ޢަދަދު: 8

ފެންނަކަމަށް ވޯޓު ދެއްވި މެންބަރުންގެ ޢަދަދު: 7

(ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު، ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު، ކުރެންދޫ ދާއިރާގެ މެންބަރު މުޙައްމަދު ޝާމިން ޙަބީބު، ފޭދޫ އުތުރު ދާއިރާގެ މެންބަރު އިސްމާޢީލް ނިޒާރު، ތިމަރަފުށި ދާއިރާގެ މެންބަރު އަޙްމަދު ރިޔާޟް، ކެންދޫ ދާއިރާގެ މެންބަރު މަޢުރޫފް ޛާކިރު، ހުޅުދޫ ދާއިރާގެ މެންބަރު މުޙައްމަދު ޝާހިދު)

ނުފެންނަކަމަށް ވޯޓު ދެއްވި މެންބަރުންގެ ޢަދަދު: ނެތް

ވަކި ގޮތަކަށް ވޯޓުދޭން ބޭނުންނުވާކަމަށް ވޯޓުދެއްވި މެންބަރުންގެ ޢަދަދު: ނެތް

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 05

ވޯޓުގެ ނަތީޖާ: ކޮމިޓީއަށް ހާޒިރުވެ ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވި

އެއަށްފަހު، މި މައްސަލައާ ގުޅިގެން ޓްރައިބިއުނަލްގެ ރައީސް އަލްއުސްތާޛު މުޙައްމަދު މުނައްވަރު ޢަލީއާއި، ނައިބު ރައީސް އަލްފާޟިލް ޙުސައިން ޒައިދާން ޖަލީލުއާއި، އަލްއުސްތާޛު އަޙްމަދު އަޝްރަފްއާއި، އަލްއުސްތާޛާ ޚަދީޖާ ނައީމް ޓްރައިބިއުނަލްގެ މެންބަރެއްގެ ހައިސިއްޔަތުން އަދާކުރަންޖެހޭ މަސްއޫލިއްޔަތުތައް އަދާކުރުމުގައި އިހުމާލުވެފައިވާކަމަށް ކޮމިޓީއަށް ފާހަގަކުރެވޭތީ، ޓެކްސް ނެގުމާބެހޭ އިދާރީ ޤާނޫނުގެ 59 ވަނަ މާއްދާގެ (ހ) ގެ (4) ގައިވާ ޙާލަތަށް ރިޢާޔަތްކޮށް، އެ މެންބަރުން ޓްރައިބިއުނަލްގެ މެންބަރުކަމުގެ މަޤާމުން ވަކިކުރުމަށް ރައީސުލްޖުމްހޫރިއްޔާއަށް ލަފާދިނުމަށް ފެންނަކަމަށް ހޮޅުދޫ ދާއިރާގެ މެންބަރު އަބްދުއްސައްތާރު މުޙައްމަދު ހުށަހަޅުއްވާ ކުރެންދޫ ދާއިރާގެ މެންބަރު ޝާމިން ޙަބީބް ތާއީދުކުރެއްވިއެވެ. އެއްވެސް މެންބަރެއް އިޢުތިރާޟް ނުކުރައްވާތީ، މި ހުށަހެޅުއްވުމަށް ވޯޓަށް އެއްސެވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: ޓެކްސް އެޕީޕް ޓްރައިބިއުނަލްގެ 4 މެންބަރުން، ޓެކްސް ނެގުމާބެހޭ އިދާރީ ޤާނޫނުގެ 59 ވަނަ މާއްދާގެ (ހ) ގެ 4 ވަނަ ހާލަތަށް ރިޢާޔަތްކޮށް އެ މެންބަރުން މެންބަރުކަމުގެ މަޤާމުން ވަކިކުރުމަށް ރައީސުލްޖުމްހޫރިއްޔާއަށް ލަފާއެރުވުމަށް.

ކޮމިޓީގެ ޖުމްލަ މެންބަރުންގެ ޢަދަދު: 11

ހާޒިރުވެ ތިއްބެވި މެންބަރުންގެ ޢަދަދު: 8

ފެންނަކަމަށް ވޯޓު ދެއްވި މެންބަރުންގެ ޢަދަދު: 7

(ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު، ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު، ކުރެންދޫ ދާއިރާގެ މެންބަރު މުޙައްމަދު ޝާމިން ޙަބީބު، ފޭދޫ އުތުރު ދާއިރާގެ މެންބަރު އިސްމާޢީލް ނިޒާރު، ތިމަރަފުށި ދާއިރާގެ މެންބަރު އަޙްމަދު ރިޔާޟް، ކެންދޫ ދާއިރާގެ މެންބަރު މަޢުރޫފް ޛާކިރު، ހުޅުދޫ ދާއިރާގެ މެންބަރު މުޙައްމަދު ޝާހިދު)

ނުފެންނަކަމަށް ވޯޓު ދެއްވި މެންބަރުންގެ ޢަދަދު: ނެތް

ވަކި ގޮތަކަށް ވޯޓުދޭން ބޭނުންނުވާކަމަށް ވޯޓުދެއްވި މެންބަރުންގެ ޢަދަދު: ނެތް

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 05

ވޯޓުގެ ނަތީޖާ: ކޮމިޓީއަށް ހާޒިރުވެ ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވި

އެއަށްފަހު، މިއަދުގެ ބައްދަލުވުމުގައި ކުރިއަށް ގެންދެވީ ޕްރޮސިކިއުޓަރ ޖެނެރަލް މަޤާމުން ވަކިކުރުމާގުޅޭ ގޮތުން ހުޅުދޫ ދާއިރާގެ މެންބަރު މުޙައްމަދު ޝާހިދު ހުށަހަޅާފައިވާ މައްސަލައެއް ދިރާސާކުރެއްވުމެވެ. އެގޮތުން ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ހުށަޅުއްވާ ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު ތާއީދުކުރެއްވީ އެ މައްސަލަ ކޮމިޓީގައި ކުރިއަށް ގެންދިއުމަށް ފެންނަކަމަށެވެ. އަދި ރައްޔިތުންގެ މަޖިލީހުގެ 232 ވަނަ މާއްދާގެ (ހ) ގެ ގައިވާ ގޮތުގެ މަތިން ރައްޔިތުންގެ މަޖިލީހަށް ހުށަހެޅުމަށެވެ. މި ހުށަހެޅުމަށް އެއްވެސް މެންބަރެއް އިޢުތިރާޟް ނުކުރައްވާތީ، މި ހުށަހެޅުއްވުމަށް ވޯޓަށް އެއްސެވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: ޕްރޮސިކިއުޓަރ ޖެނެރަލް މަޤާމުން ވަކިކުރުމާ ގުޅޭގޮތުން ހުށަހަޅާފައިވާ މައްސަލަ ކޮމިޓީގައި ދިރާސާކުރުމަށް ފެންނަކަމަށް.

ކޮމިޓީގެ ޖުމްލަ މެންބަރުންގެ ޢަދަދު: 11

ހާޒިރުވެ ތިއްބެވި މެންބަރުންގެ ޢަދަދު: 8

ފެންނަކަމަށް ވޯޓު ދެއްވި މެންބަރުންގެ ޢަދަދު: 7

(ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު، ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު، ކުރެންދޫ ދާއިރާގެ މެންބަރު މުޙައްމަދު ޝާމިން ޙަބީބު، ފޭދޫ އުތުރު ދާއިރާގެ މެންބަރު އިސްމާޢީލް ނިޒާރު، ތިމަރަފުށި ދާއިރާގެ މެންބަރު އަޙްމަދު ރިޔާޟް، ކެންދޫ ދާއިރާގެ މެންބަރު މަޢުރޫފް ޛާކިރު، ހުޅުދޫ ދާއިރާގެ މެންބަރު މުޙައްމަދު ޝާހިދު)

ނުފެންނަކަމަށް ވޯޓު ދެއްވި މެންބަރުންގެ ޢަދަދު: ނެތް

ވަކި ގޮތަކަށް ވޯޓުދޭން ބޭނުންނުވާކަމަށް ވޯޓުދެއްވި މެންބަރުންގެ ޢަދަދު: ނެތް

ވޯޓުގައި ބައިވެރިވި މެންބަރުންގެ ޢަދަދު: 7

ފާސްވުމަށް ބޭނުންވާ ޢަދަދު: 05

ވޯޓުގެ ނަތީޖާ: ކޮމިޓީއަށް ހާޒިރުވެ ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވި