މިއަދުގެ ބައްދަލުވުމުގައި ކޮމިޓީގެ މަސައްކަތްތަކާ ގުޅޭގޮތުން މެންބަރުން މަޝްވަރާކުރެއްވިއެވެ. އެގޮތުން ހައުސިންގ ޑިވެލޮޕްމަންޓް ކޯޕަރޭޝަން އަދި ފަހި ދިރިއުޅުން ކޯޕަރޭޝަންއިން މިހާރު ކުރިއަށް ގެންދާ މަޝްރޫޢުތަކާއި، އެ މަޝްރޫޢުތައް ކުރިއަށްގެންދަން ނިންމާފައިވާ ސުންގަޑިއާއި އަދި އެ މަސައްކަތްތައް ނިންމަން ކަނޑައަޅާފައިވާ ތާރީޚުތަކަށް ނިންމަން އެ ކުންފުނިތަކަށް ދިމާވާ ދަތިތަކާ ގުޅޭ މަޢުލޫމާތު އެ ދެ ކުންފުނިން ސާފުކުރުމަށާއި އަދި އެ ދެ ކުންފުނި އެއްކުރުމާ ގުޅޭ މަޝްވަރާތަކެއް ކުރިއަށްދާކަމަށް މަޢުލޫމާތު ލިބިފައިވާތީ، އެކަމުގެ ތަފްޞީލް މިނިސްޓްރީ އޮފް ފިނޭންސްއިން ސާފުކުރެއްވުމަށް ދިއްގަރު ދާއިރާގެ މެންބަރު އަޙްމަދު ނާޡިމް ހުށަހެޅުއްވިއެވެ. މި ހުށަހެޅުއްވުމަށް ގައްދޫ ދާއިރާގެ މެންބަރު މުޙައްމަދު ޢަލީ ތާއިދުކުރެއްވިއެވެ. މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައިއެވަނީއެވެ.

ވޯޓު: ހައުސިންގ ޑިވެލޮޕްމަންޓް ކޯޕަރޭޝަން އަދި ފަހި ދިރިއުޅުން ކޯޕަރޭޝަންއިން މިހާރު ކުރިއަށްގެންދާ މަޝްރޫޢުތަކުގެ މަޢުލޫމާތު އެ ދެ ކުންފުނިން ސާފުކުރުމަށާއި އަދި އެ ދެ ކުންފުނި އެއްކުރުމާ ގުޅޭ މަޝްވަރާތަކެއް ކުރިއަށްދާކަމަށް މަޢުލޫމާތު ލިބިފައިވާތީ، އެކަމުގެ ތަފްޞީލް މިނިސްޓްރީ އޮފް ފިނޭންސްއިން ސާފުކުރެއްވުމަށް

 ކޮމިޓީގެ ޖުމްލަ މެންބަރުންގެ ޢަދަދު :04

ހާޒިރުވެ ތިއްބެވި މެންބަރުންގެ ޢަދަދު: 03

ފެންނަކަމަށް ވޯޓު ދެއްވި މެންބަރުންގެ ޢަދަދު : 02

ނުފެންނަކަމަށް ވޯޓު ދެއްވި ޢަދަދު: 0

ވަކި ގޮތަކަށް ވޯޓުދޭން ބޭނުންނުވާ މެންބަރުންގެ ޢަދަދު: 0

ވޯޓުގައި ބައިވެރިވި މެންބަރުންގެ ޢަދަދު: 02

ފާސްވުމަށް ބޭނުންވާ ޢަދަދު: 02

ނިންމުން: ހުށަހެޅުން ފާސްވެފައި.

އެހެންކަމުން، ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން މި ހުށަހެޅުއްވުން ފާސްވިއެވެ.