މިއަދުގެ ބައްދަލުވުމުގައި، އާސަންދަ ކޮމްޕެނީ ލިމިޓެޑުން އޮފީސް ޢިމާރާތެއް ބިނާކުރުމަށް ނޯތް ކޯސްޓް ކޮންޓްރެކްޓަރސް ޕްރައިވެޓް ލިމިޓެޑާ ދެމެދު ވެވުނު އެއްބަސްވުމާ އެއްގޮތަށް އެ މަސައްކަތް ކުރިއަށްނުދާ މައްސަލައާ ގުޅޭގޮތުން ނޯތް ކޯސްޓް ކޮންޓްރެކްޓަރސް ޕްރައިވެޓް ލިމިޓެޑް، އާސަންދަ ކޮމްޕެނީ ލިމިޓެޑް އަދި ހައުސިންގ ޑިވެލޮޕްމަންޓް ކޯޕަރޭޝަން ލިމިޓެޑްގެ ބޭފުޅުންނާ ބައްދަލުކުރެއްވިއެވެ. އެގޮތުން، އޮފީސް ޢިމާރާތުގެ މަސައްކަތް، ވަރކް ޝެޑިއުލްއާ އެއްގޮތަށް ކުރިއަށްނުދިއުމާއި، އެ ޢިމާރާތުގެ މަސައްކަތް ކަނޑައެޅިފައިވާ މުއްދަތަށް ނުނިމޭނެތީ، އެ ކަންކަމާ ގުޅިގެން އާސަންދަ ކޮމްޕެނީ ލިމިޓެޑްގެ ކަންބޮޑުވުންތައް އެ ކުންފުނިން ކޮމިޓީއާ ހިއްސާކުރެއްވިއެވެ. މީގެ އިތުރުން، ޢިމާރާތުގެ މަސައްކަތް ކުރިއަށް ނުގޮސް ލަސްވުމަށް ދިމާވި ސަބަބުތަކާއި، އެކަންކަން ޙައްލުކޮށް ޢިމާރާތުގެ މަސައްކަތް ވަރކް ޝެޑިއުލްއާ އެއްގޮތަށް ކުރިއަށް ގެންދިއުމަށް މިވަގުތު އެއްވެސް ދައްޗެއް ނެތްކަމަށް ނޯތް ކޯސްޓް ކޮންޓްރެކްޓަރސް ޕްރައިވެޓް ލިމިޓެޑްގެ ފަރާތުން މަޢުލޫމާތު ދެއްވިއެވެ. އަދި ސައިޓް ޙަވާލުކުރުމުގައި ދިމާވެފައިވާ ލަސްތަކާ ގުޅޭގޮތުން ހައުސިންގ ޑިވެލޮޕްމަންޓް ކޯޕަރޭޝަން ލިމިޓެޑްގެ ފަރާތުން ކޮމިޓީއަށް މަޢުލޫމާތު ހިއްސާކުރެއްވިއެވެ.

ބައްދަލުވުމުގައި ބައިވެރިވަޑައިގެންނެވި ބޭފުޅުންގެ ނަންތައް ތިރީގައި އެވަނީއެވެ.

ހައުސިންގ ޑިވެލޮޕްމަންޓް ކޯޕަރޭޝަން ލިމިޓެޑްގެ ފަރާތުން:

1. އަލްފާޟިލް އިބްރާހީމް ފަޟުލް ރަޝީދު، މެނޭޖިންގ ޑިރެކްޓަރ
2. އަލްފާޟިލް ޢަބްދުﷲ ފާއިދު، ޑިރެކްޓަރ (ޕްރޮޖެކްޓްސް މެނޭޖްމަންޓް ޑިޕާޓްމަންޓް)
3. އަލްފާޟިލް އަޙްމަދު ސާމިޙް، ޑިރެކްޓަރ (ފައިނޭންސް ޑިޕާޓްމަންޓް)

އާސަންދަ ކޮމްޕެނީ ލިމިޓެޑްގެ ފަރާތުން:

1. އަލްފާޟިލާ އާމިނަތު ޒީނިޔާ، މެނޭޖިންގ ޑިރެކްޓަރ
2. އަލްފާޟިލް މޫސާ ރަޝީދު، ޗީފް ފައިނޭންޝަލް އޮފިސަރ
3. އަލްފާޟިލާ މަރިޔަމް މުޙައްމަދު ޒަކީ، ޑިރެކްޓަރ (ބިލްޑިންގ ކޮންސަލްޓަންޓު)

ނޯތް ކޯސްޓް ކޮންޓްރެކްޓަރސް ޕްރައިވެޓް ލިމިޓެޑްގެ ފަރާތުން:

1. އަލްފާޟިލް ޢަލީ ޙަމީދު، މެނޭޖިންގ ޑިރެކްޓަރ
2. އަލްފާޟިލް ޢަލީ އިޔާން، ޑިރެކްޓަރ
3. އަލްފާޟިލް އިމްރާން އިބްރާހީމް، ޖެނެރަލް މެނޭޖަރ