Committee Meeting - People's Majlis of Maldives

ޚުލާސާ

މިއަދުގެ ބައްދަލުވުމުގައި ކުރިއަށްގެންދެވީ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) އަށް އިޞްލާޙު ގެނައުމަށް ހުށަހަޅުއްވާފައިވާ 2 ބިލު ދިރާސާކުރެއްވުމުގެ މަސައްކަތެވެ. އެއީ ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ހުށަހަޅުއްވާފައިވާ އެ ޤާނޫނަށް އިޞްލާހު ގެނައުމުގެ ބިލާއި، ސަރުކާރުގެ ފަރާތުން މަނަދޫ ދާއިރާގެ މެންބަރު ޙުސްނީ މުބާރިކް ހުށަހަޅުއްވާފައިވާ އެ ޤާނޫނަށް އިޞްލާޙު ގެނައުމުގެ ބިލެވެ. އެގޮތުން، ސަރުކާރުގެ ފަރާތުން މަނަދޫ ދާއިރާގެ މެންބަރު ޙުސްނީ މުބާރިކް ހުށަހަޅުއްވާފައިވާ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) އަށް އިޞްލާޙު ގެނައުމަށް ހުށަހަޅާފައިވާ ބިލަށް އިދާރާތަކުން ހުށަހަޅުއްވާފައިވާ އިޞްލާޙުތަކާއެކު ބިލުގެ 10 ވަނަ މާއްދާއިން ފެށިގެން ބިލުގެ އެންމެފަހު މާއްދާއާ ހަމައަށް ކިޔުއްވައި، އިޞްލާޙުކުރައްވަން ފެނިވަޑައިގެންނެވި މާއްދާތައް އިޞްލާޙުކުރެއްވިއެވެ.

އަދި، ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ހުށަހަޅުއްވާފައިވާ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) އަށް އިޞްލާޙު ގެނައުމުގެ ބިލުވެސް ކޮމިޓީން ކިޔުއްވައި، އެޓަރނީ ޖެނެރަލްގެ އޮފީހުން ލިބިފައިވާ ކޮމެންޓްތަކާ އެއްގޮތަށް އެ ބިލު ކޮމިޓީން އިޞްލާޙުކުރެއްވިއެވެ.