މިބައްދަލުވުމުގައި ފުރަތަމަ ކަމަކަށް ކުރިއަށް ގެންދެވީ، ޓޫރިސްޓް ފެސިލިޓީތަކަށް ލިބޭ ޑޮލަރުން ވަކި މިންވަރެއް ރާއްޖޭގެ ބޭންކްތަކަށް މާރުކުރުން ލާޒިމްކޮށް، 1 އޮކްޓޫބަރު 2024 ވަނަ ދުވަހު މޯލްޑިވްސް މަނިޓަރީ އޮތޯރިޓީ (އެމް.އެމް.އޭ) އިން ބޭރު ފައިސާގެ ގަވާއިދަށް ގެނައި ބަދަލާގުޅިގެން، މިހާތަނަށް ކަން ހިނގާފައިވާ ގޮތް ސާފުކުރުމަށާއި، ޓޫރިޒަމް ސިނާއަތުގެ ކަންބޮޑުވުންތައް ރައްޔިތުންގެ މަޖިލީހުން ދެނެގަތުމަށްޓަކައި، ޓޫރިޒަމް ސިނާއަތުގައި ހަރަކާތްތެރިވާ ވިޔަފާރިވެރިންނާ ބައްދަލުކޮށް، ޢާންމުކޮށް ހުޅުވާލައިގެން، ރައްޔިތުންގެ މަޖިލީހުގެ އިޤްތިޞާދީ ކޮމިޓީން އެ ފަރާތްތަކުގެ އަޑު އެހުމުގެ ބައްދަލުވުމެއް ވަރަށް އަވަހަށް އިންތިޒާމުކޮށްދެއްވުން އެދި ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ފޮނުއްވާފައިވާ ސިޓީ ދިރާސާކުރުމެވެ. އެގޮތުން، ހުޅުވާލި ފުރުޞަތުގައި 2 ހުށަހެޅުމެއް ހުށަހެޅިގެން ދިޔައެވެ.

1. މައްސަލައަކީ ޢާންމުކޮށް ޢަމަލުކުރުމަށްޓަކައި މޯލްޑިވްސް މަނިޓަރީ އޮތޯރިޓީން އެކުލަވާލައްވާފައިވާ ގަވާއިދު ނަންބަރު 2024/R-91 (01 އޮކްޓޫބަރު 2024) އާ ގުޅުންހުރި މައްސަލައަކަށްވާތީ، ރައްޔިތުންގެ މަޖިލީހުގެ ގަވާއިދުގެ 119 ވަނަ މާއްދާގެ ދަށުން ގަވާއިދު ކޮމިޓީން ބައްލަވަންޖެހޭ ކަންކަން އެ ގަވާއިދުގައި ފުރިހަމަވޭތޯ ބައްލަވައި ދެއްވުމަށް އެދި އެ މައްސަލަ ރައްޔިތުންގެ މަޖިލީހުގެ ގަވާއިދު ކޮމިޓީއަށް ފޮނުވުމަށް ތިނަދޫ އުތުރު ދާއިރާ މެންބަރު ސަޢުދުﷲ ޙިލްމީ ހުށަހަޅުއްވައި ވެލިދޫ ދާއިރާ މެންބަރު މުޙައްމަދު ޢައްބާސް ތާއީދުކުރައްވައި ހުށަހެޅުއްވިއެވެ. މި ހުށަހެޅުން ކޮމިޓީއަށް އެވަގުތު ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވިއެވެ.
2. އެއަށްފަހު، މައްސަލަ ހުށަހެޅުއްވި މެންބަރު މި މައްސަލަ ހުށަހަޅުއްވާފައިވާ ސަބަބު ދެނެގަތުމަށް އެ މެންބަރާ ބައްދަލުކުރުމަށް ކެންދޫ ދާއިރާ މެންބަރު މަޢުރޫފް ޛާކިރު ހުށަހަޅުއްވައި ކަނޑިތީމު ދާއިރާ މެންބަރު އަމީން ފައިޞަލް ތާއީދުކުރައްވައި ހުށަހެޅުއްވިއެވެ. މި ހުށަހެޅުން ކޮމިޓީއަށް އެވަގުތު ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އަޣުލަބިއްޔަތުން ނިންމިއެވެ. މި ހުށަހެޅުމަށް ދެކޮޅަށް ލިބުނު ވޯޓު އެއްވަރުވުމުން ކޮމިޓީގެ މުޤައްރިރު ވަނީ މި ހުށަހެޅުމަށް ފެންނަ ކަމަށް ވޯޓު ދެއްވާފައެވެ. 

މި ބައްދަލުވުމުގައ ހުށަހެޅުނު ހުށަހެޅުއްވުންތަކަށް މެންބަރުން ވޯޓު ދެއްވިގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.