Committee Meeting - People's Majlis of Maldives

ޚުލާސާ

މިއަދުގެ ބައްދަލުވުމުގައި، އޮޑިޓަރ ޖެނެރަލްގެ އޮފީހުގެ 2023 ވަނަ އަހަރުގެ އޮޑިޓްކޮށް، ކޭ.ޕީއ.އެމް.ޖީ އިން ފޮނުއްވާފައިވާ އޮޑިޓް ރިޕޯޓްއާ ގުޅޭގޮތުން މަޝްވަރާކުރެއްވުމަށްފަހު، އެ ރިޕޯޓްގައި އަންކޮލިފައިޑް އޮޕީނިއަންއެއް ދެއްވާފައިވާތީ، ސަބް-ކޮމިޓީން ނިންމަވާފައިވާގޮތަށް އޮޑިޓް ރިޕޯޓް ފައިލްކުރުމަށް ކޮމިޓީގައި އެވަގުތު ހާޒިރުވެވަޑައިގެން ތިއްބެވި އެއްވެސް މެންބަރަކު އިޢުތިރާޒު ކުރައްވާފައިނުވާތީ، އެގޮތަށް ނިންމެވިއެވެ.

އެއަށްފަހު، މިނިސްޓްރީ އޮފް ފޮރިން އެފެއާޒްގެ 2010، 2011، 2012، 2013، 2014، 2015، 2016، 2017، 2018، 2019، 2020 އަދި 2021 ވަނަ އަހަރުގެ އޮޑިޓް ރިޕޯޓް ސަބް-ކޮމިޓީން ދިރާސާކޮށް ނިންމިގޮތުގެ ރިޕޯޓާމެދު މަޝްވަރާކުރައްވައި، އޮޑިޓް ރިޕޯޓްތައް ދިރާސާކުރުމަށްފަހު ސަބް-ކޮމިޓީން ނިންމާފައިވާގޮތަށް އެ ރިޕޯޓް ފާސްކޮށް، މައި ކޮމިޓީ ރިޕޯޓް މަޖިލީހުގެ ތަޅުމަށް ފޮނުވުމަށް ކޮމިޓީގައި އެވަގުތު ހާޒިރުވެވަޑައިގެން ތިއްބެވި އެއްވެސް މެންބަރަކު އިޢުތިރާޒު ކުރައްވާފައިނުވާތީ، އެގޮތަށް ނިންމެވިއެވެ.

އޭގެ އިތުރުން، މިނިސްޓްރީ އޮފް ހަޔަރ އެޑިއުކޭޝަންގެ 2018، 2019، 2020 އަދި 2021 ވަނަ އަހަރުގެ އޮޑިޓް ރިޕޯޓް ސަބް-ކޮމިޓީން ދިރާސާކޮށް ނިންމިގޮތުގެ ރިޕޯޓާމެދު މަޝްވަރާކުރައްވައި، އޮޑިޓް ރިޕޯޓްތައް ދިރާސާކުރުމަށްފަހު ސަބް-ކޮމިޓީން ނިންމާފައިވާގޮތަށް އެ ރިޕޯޓް ފާސްކޮށް، މައި ކޮމިޓީ ރިޕޯޓް މަޖިލީހުގެ ތަޅުމަށް ފޮނުވުމަށް ކޮމިޓީގައި އެވަގުތު ހާޒިރުވެވަޑައިގެން ތިއްބެވި އެއްވެސް މެންބަރަކު އިޢުތިރާޒު ކުރައްވާފައިނުވާތީ، އެގޮތަށް ނިންމެވިއެވެ.