ޚުލާސާ
މިއަދުގެ ބައްދަލުވުމުގައި އެންމެ ފުރަތަމަ މަޝްވަރާކުރައްވާފައިވަނީ ކޮމިޓީއަށް ފޮނުއްވާފައިވާ 2 (ދޭއް) ކޮޕީ ސިޓީއާ ގުޅޭގޮތުންނެވެ. އެގޮތުން، އެ ދެ ސިޓީން ހުށަހަޅުއްވާފައިވާ މައްސަލަތަކަކީ އެހެނިހެން އިދާރާތަކުން ބައްލަވަމުން ގެންގަދާ މައްސަލަތަކެއްކަމުން، އެ މައްސަލަތައް ކޮމިޓީގެ މެންބަރުންނާ ހިއްސާކުރެއްވުމަށްފަހު މައްސަލަތައް ފައިލްކުރުމަށް ނިންމެވިއެވެ.
ދެވަނަ ކަމެއްގެގޮތުން ކޮމިޓީން ކުރިއަށް ގެންދެވީ، ކޮޅުމަޑުލު ބުރުނީ ކައުންސިލްގެ އިދާރާއިން އެ ރަށުގައި ފުލުހުންގެ ޚިދުމަތް ޤާއިމުކުރުމަށް ކަނޑައަޅާފައިވާ ޢިމާރާތުގެ އެއްބަސްވުމުގައި ސޮއިކުރުމުގެ ހުއްދަ ނުލިބި ލަސްވާ ސަބަބު ބައްލަވައިދެއްވުމަށް އެދިވަޑައިގެން ފޮނުއްވާފައިވާ މައްސަލަ ދިރާސާކުރެއްވުމުގެ މަސައްކަތެވެ. އެގޮތުން، އެ ސިޓީގައި ބަޔާންކުރައްވާފައިވާ ކަންތައްތަކަށް ރިޢާޔަތްކުރައްވައި ވިލުފުށި ދާއިރާގެ މެންބަރު ޙަސަން ވަޙީދު ހުށަހަޅުއްވާފައިވަނީ، އެ ހުއްދަ ދެއްވުން ލަސްވާ ސަބަބާއި، އެކަން މިހާރު ގޮސްފައިވާ ހިސާބު، އަދި އެ ހުއްދަ ދެއްވުމަށް ނަންގަވާނެ މުއްދަތު ސާފުކޮށްދެއްވުމަށް އެދި މިނިސްޓްރީ އޮފް ފިނޭންސަށް ސިޓީ ފޮނުވުމަށެވެ. އަދި މި ހުށަހެޅުއްވުމަށް ނިލަންދޫ ދާއިރާގެ މެންބަރު ފާޠިމަތު ސަޢުދާ ތާއީދުކުރައްވާފައިވެއެވެ.
މި ހުށަހެޅުއްވުމަށް ވޯޓަށް އެއްސެވުމުން އެވަގުތު ކޮމިޓީއަށް ހާޒިރުވެ ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ހުށަހެޅުއްވުން ފާސްވިއެވެ.
އެއަށްފަހު، ގދ.ތިނަދޫ ސިޓީއަކަށް ބަދަލުކޮށްފައިވަނީ ޤާނޫނު ނަންބަރު 7/2010 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) އާ ޚިލާފަށްކަމަށް ބަޔާންކުރައްވައި އަމިއްލަ ފަރާތަކުން ހުށަހަޅުއްވާފައިވާ މައްސަލައާ ގުޅޭގޮތުން ރައްޔިތުން މަޖިލީހުގެ ކައުންސެލް ޖެނަރަލް ލިޔުމުން ދެއްވާފައިވާ ޤާނޫނީ ލަފާ ކޮމިޓީގެ މެންބަރުންނާ ހިއްސާކުރެވުނެވެ.
އަދި، ގދ. ތިނަދޫ ސިޓީއަކަށް ބަދަލުކުރުމުގައި ޤާނޫނާ ޚިލާފު ކަންތައްތަކެއް ހިނގާފައިވާކަމަށް ބަޔާންކުރައްވައި އެކަންތައްތައް ބައްލަވައިދެއްވުމަށް އެދިވަޑައިގެން ތިނަދޫ އުތުރު ދާއިރާގެ މެންބަރު ސަޢުދުﷲ ޙިލްމީ ފޮނުއްވާފައިވާ މައްސަލަ ކޮމިޓީގެ މެންބަރުންނާ ހިއްސާކޮށް، ކޮމިޓީގެ ކުރިއަށް ހުރި ބައްދަލުވުންތަކުގައި އެ މައްސަލަތައް ދިރާސާކުރެއްވުމުގެ މަސައްކަތް ކުރިއަށް ގެންދެވުމަށް ނިންމާފައިވެއެވެ.
ބައްދަލުވުމުގައި ނެގުނު ވޯޓުތައް
ވޯޓުގެ ތަފްސީލް
އަޙްމަދު ޟަމީރު
މައްޗަންގޮޅި މެދު ދާއިރާ
އަޙްމަދު އައިފާން
ހެންވޭރު އުތުރު ދާއިރާ
އިބްރާހީމް ޝިފާޒް
އުނގޫފާރު ދާއިރާ
ޔާސީން ޢަބްދުﷲ
ނައިފަރު ދާއިރާ
ޢަބްދުއްރަޙްމާން
އައްޑޫމީދޫ ދާއިރާ
މުޙައްމަދު ނިއުޝާދު
ކެޔޮދޫ ދާއިރާ
އަޙްމަދު އަސްލަމް
ބިލެތްދޫ ދާއިރާ
ފާޠިމަތު ސަޢުދާ
ނިލަންދޫ ދާއިރާ
ޙަސަން ވަޙީދު
ވިލުފުށި ދާއިރާ
އަސަދުﷲ ޝިހާބް
ގެމަނަފުށި ދާއިރާ
އިބްރާހީމްދީދީ
ކޮލަމާފުށި ދާއިރާ
ބައްދަލުވުމުގައި ކުރެވުނު މަސައްކަތްތައް
13 ނޮވެމްބަރު 2024
ތ. ބުރުނީ ޕޮލިސް ސްޓޭޝަނާ ގުޅޭގޮތުން ހުށަހަޅާފައިވާ މައްސަލަ
ކުރިޔަށް ދަނީ
27 އޮކްޓޯބަރު 2024
ގދ. ތިނަދޫ ސިޓީއަކަށް ބަދަލުކޮށްފައިވާ ގޮތާ ގުޅޭގޮތުން އަމިއްލަ ފަރާތަކުން ހުށަހަޅާފައިވާ މައްސަލަ
ކުރިޔަށް ދަނީ
6 އޮކްޓޯބަރު 2024
ހއ. މާރަންދޫ ސްކޫލްއާ ގުޅޭގޮތުން އެ ރަށު ކައުންސިލުން ހުށަހަޅާފައިވާ މައްސަލަ (ކޮޕީ ސިޓީ)
ކޮމެޓީ މަސައްކަތް ނިމިފައި
19 ސެޕްޓެމްބަރު 2024
އައްޑޫ ސިޓީ، ހިތަދޫގެ ގޯއްޗަކާ ގުޅޭ މައްސަލަ (ކޮޕީ ސިޓީ)
ކޮމެޓީ މަސައްކަތް ނިމިފައި
ގުޅޭ ލިޔުންތައް
ބައްދަލުވުމުގެ އެޖެންޑާ
ބޭނުންވެލައްވާ މަޖިލިސް ޚިޔާރުކުރައްވާ