މިއަދުގެ ބައްދަލުވުމުގައި އެޖެންޑާ ކުރެވިފައިވަނީ، އިލެކްޝަންސް ކޮމިޝަންގެ ރައީސާއި ނައިބު ރައީސް އަދި އެންޓި-ކޮރަޕްޝަން ކޮމިޝަންގެ ނައިބު ރައީސް ޢައްޔަނުކުރެއްވުމަށްޓަކައި ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވާފައިވާ މައްސަލަ ދިރާސާކުރުމެވެ.

އެގޮތުން، އިލެކްޝަންސް ކޮމިޝަންގެ ރައީސާއި ނައިބު ރައީސް ޢައްޔަނުކުރެއްވުމަށްޓަކައި ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވާފައިވާ މައްސަލައާ ގުޅޭގޮތުން މަޝްވަރާކުރުމަށް ހުޅުވާލުމުން، އިލެކްޝަންސް ކޮމިޝަންގެ ރައީސްއާއި ނައިބު ނައިބު ރައީސްކަމަށް ރައީސުލްޖުމްހޫރިއްޔާ ނަން ހުށަހަޅުއްވާފައިވާ ފަރާތްތަކީ، އެފަރާތްތަކުގެ ތަޢުލީމާއި، މަސައްކަތުގެ ތަޖުރިބާއަށާއި، އިންޓަރވިއުއަށް ބަލައި އިލެކްޝަންސް ކޮމިޝަންގެ މެންބަރުކަމަށް ޢައްޔަންކުރެއްވުމަށް ރައްޔިތުންގެ މަޖިލީހުން ރުހުންދެއްވާފައިވާ ފަރާތްތަކެއްކަމަށްވާތީ، އެފަރާތްތަކާ އިތުރު އިންޓަރވިއުއެއް ކުރުމެއްނެތި އެ މައްސަލައާ މެދު ކޮމިޓީން އަވަހަށް ގޮތެއް ނިންމުމަކީ މުހިއްމު ކަމެއްކަމުން، ރައީސުލްޖުމްހޫރިއްޔާ ހުށަހަޅުއްވާފައިވާ، އެ ކޮމިޝަނުގެ މެންބަރު، ދަފްތަރު. ނަންބަރު ރސ 1548، އަލްފާޟިލް މުޙައްމަދު ޒާހިދު އެ ކޮމިޝަނުގެ ރައީސްކަމަށް އަދި ކޮމިޝަންގެ ނައިބު ރައީސްކަމަށް އެ ކޮމިޝަނުގެ މެންބަރު، ކ.ހުރާ، ރޯޒް، އަލްފާޟިލް ޢަބްދުއްރަޙްމާން ޞަލާޙް ރަޝީދު ޢައްޔަންކުރެއްވުމަށް ރައްޔިތުންގެ މަޖިލީހުން ރުހުންދެއްވުމަށް ކޮމިޓީއަށް ފެންނަކަމަށް ފުވައްމުލަކު ދެކުނު ދާއިރާގެ މެންބަރު އިބްރާހީމް ޙުސައިން ހުށަހަޅުއްވައި ހިތަދޫ އުތުރު ދާއިރާގެ މެންބަރު މުޙައްމަދު ސިނާން ތާޢީދުކުރެއްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: އިލެކްޝަންސް ކޮމިޝަނުގެ މެންބަރު، ދަފްތަރު. ނަންބަރު ރސ 1548، އަލްފާޟިލް މުޙައްމަދު ޒާހިދު އެ ކޮމިޝަނުގެ ރައީސްކަމަށް އަދި ކޮމިޝަންގެ ނައިބު ރައީސްކަމަށް އެ ކޮމިޝަނުގެ މެންބަރު، ކ.ހުރާ، ރޯޒް، އަލްފާޟިލް ޢަބްދުއްރަޙްމާން ޞަލާޙް ރަޝީދު ޢައްޔަންކުރެއްވުމަށް ރައްޔިތުންގެ މަޖިލީހުން ރުހުންދެއްވުމަށް ކޮމިޓީއަށް ފެންނަކަމަށް

ކޮމިޓީގެ ޖުމްލަ މެންބަރުންގެ ޢަދަދު: 11

ހާޒިރުވެ ތިއްބެވި މެންބަރުންގެ ޢަދަދު: 7

ފެންނަކަމަށް ވޯޓު ދެއްވި މެންބަރުންގެ ޢަދަދު: 6

(ހެންވޭރު ހުޅަނގު ދާއިރާގެ މެންބަރު ޢަލީ އިބްރާހީމް، ގަލޮޅު ދެކެނު ދާއިރާގެ މެންބަރު މީކާއީލް އަޙްމަދު ނަސީމް، ތުލުސްދޫ ދާއިރާގެ މެންބަރު އިބްރާހީމް ނަސީމް، ކޮލަމާފުށި ދާއިރާގެ މެންބަރު އިބްރާހީމްދީދީ ފުވައްމުލަކު ދެކުނު ދާއިރާގެ މެންބަރު އިބްރާހީމް ޙުސައިން އަދި ހިތަދޫ އުތުރު ދާއިރާގެ މެންބަރު މުޙައްމަދު ސިނާން)

ނުފެންނަކަމަށް ވޯޓު ދެއްވި މެންބަރުންގެ ޢަދަދު: ނެތް

ވަކި ގޮތަކަށް ވޯޓުދޭން ބޭނުންނުވާކަމަށް ވޯޓުދެއްވި މެންބަރުންގެ ޢަދަދު: ނެތް

ވޯޓުގައި ބައިވެރިވި މެންބަރުންގެ ޢަދަދު: 6

ފާސްވުމަށް ބޭނުންވާ ޢަދަދު: 4

ވޯޓުގެ ނަތީޖާ: ހުށަހެޅުން ފާސްވެފައި.

އެހެންކަމުން އިލެކްޝަންސް ކޮމިޝަނުގެ މެންބަރު، ދަފްތަރު. ނަންބަރު ރސ 1548، އަލްފާޟިލް މުޙައްމަދު ޒާހިދު އެ ކޮމިޝަނުގެ ރައީސްކަމަށް އަދި ކޮމިޝަންގެ ނައިބު ރައީސްކަމަށް އެ ކޮމިޝަނުގެ މެންބަރު، ކ.ހުރާ، ރޯޒް، އަލްފާޟިލް ޢަބްދުއްރަޙްމާން ޞަލާޙް ރަޝީދު ޢައްޔަންކުރެއްވުމަށް ރައްޔިތުންގެ މަޖިލީހުން ރުހުންދެއްވުމަށް ކޮމިޓީއަށް ފެންނަކަމަށް ކޮމިޓީއަށް އެވަގުތު ހާޒިރުވެ ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވިއެވެ.

އެއަށްފަހު ދެން ކުރިއަށް ގެންދެވީ، އެންޓި-ކޮރަޕްޝަން ކޮމިޝަންގެ ނައިބު ރައީސް ޢައްޔަނުކުރެއްވުމަށްޓަކައި ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވާފައިވާ މައްސަލައެވެ. އެގޮތުން، މި މައްސަލަ އެންޓި-ކޮރަޕްޝަން ކޮމިޝަނުގެ ނައިބު ރައީސްކަމަށް އައްޔަނުކުރުމަށްޓަކައި، ރައީސުލްޖުމްހޫރިއްޔާ ނަން ހުށަހަޅުއްވާފައިވާ ފަރާތްތަކަކީ، އެފަރާތުގެ ތަޢުލީމާއި، މަސައްކަތުގެ ތަޖުރިބާއަށާއި، އިންޓަރވިއުއަށް ބަލައި އެންޓި-ކޮރަޕްޝަން ކޮމިޝަނުގެ މެންބަރުކަމަށް ޢައްޔަންކުރެއްވުމަށް ރައްޔިތުންގެ މަޖިލީހުން ރުހުންދެއްވާފައިވާ ފަރާތްތަކެއްކަމަށްވާތީ، އެފަރާތާ އިތުރު އިންޓަރވިއުއެއް ކުރުމެއްނެތި އެ މައްސަލައާ މެދު ކޮމިޓީން އަވަހަށް ގޮތެއް ނިންމުމަކީ މުހިއްމު ކަމެއްކަމުން، ރައީސުލްޖުމްހޫރިއްޔާ ހުށަހަޅުއްވާފައިވާ، އެ ކޮމިޝަނުގެ މެންބަރު، އަލްފާޟިލް ޢަބްދުﷲ ނާޝިދު އެ ކޮމިޝަނުގެ ނައިބު ރައީސްކަމަށް ޢައްޔަންކުރެއްވުމަށް ރައްޔިތުންގެ މަޖިލީހުން ރުހުންދެއްވުމަށް ކޮމިޓީއަށް ފެންނަކަމަށް ހެންވޭރު ހުޅަނގު ދާއިރާގެ މެންބަރު ޢަލީ އިބްރާހީމް ހުށަހަޅުއްވާ ކޮލަމާފުށި ދާއިރާގެ މެންބަރު އިބްރާހީމްދީދީ ތާޢީދުކުރެއްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: އެންޓި-ކޮރަޕްޝަން ކޮމިޝަނުގެ މެންބަރު، އަލްފާޟިލް ޢަބްދުﷲ ނާޝިދު އެ ކޮމިޝަނުގެ ނައިބު ރައީސްކަމަށް ޢައްޔަންކުރެއްވުމަށް ރައްޔިތުންގެ މަޖިލީހުން ރުހުންދެއްވުމަށް ކޮމިޓީއަށް ފެންނަކަމަށް

ކޮމިޓީގެ ޖުމްލަ މެންބަރުންގެ ޢަދަދު: 11

ހާޒިރުވެ ތިއްބެވި މެންބަރުންގެ ޢަދަދު: 7

ފެންނަކަމަށް ވޯޓު ދެއްވި މެންބަރުންގެ ޢަދަދު: 6

(ހެންވޭރު ހުޅަނގު ދާއިރާގެ މެންބަރު ޢަލީ އިބްރާހީމް، ގަލޮޅު ދެކެނު ދާއިރާގެ މެންބަރު މީކާއީލް އަޙްމަދު ނަސީމް، ތުލުސްދޫ ދާއިރާގެ މެންބަރު އިބްރާހީމް ނަސީމް، ކޮލަމާފުށި ދާއިރާގެ މެންބަރު އިބްރާހީމްދީދީ ފުވައްމުލަކު ދެކުނު ދާއިރާގެ މެންބަރު އިބްރާހީމް ޙުސައިން އަދި ހިތަދޫ އުތުރު ދާއިރާގެ މެންބަރު މުޙައްމަދު ސިނާން)

ނުފެންނަކަމަށް ވޯޓު ދެއްވި މެންބަރުންގެ ޢަދަދު: ނެތް

ވަކި ގޮތަކަށް ވޯޓުދޭން ބޭނުންނުވާކަމަށް ވޯޓުދެއްވި މެންބަރުންގެ ޢަދަދު: ނެތް

ވޯޓުގައި ބައިވެރިވި މެންބަރުންގެ ޢަދަދު: 6

ފާސްވުމަށް ބޭނުންވާ ޢަދަދު: 4

ވޯޓުގެ ނަތީޖާ: ހުށަހެޅުން ފާސްވެފައި.

އެހެންކަމުން އެންޓި-ކޮރަޕްޝަން ކޮމިޝަނުގެ މެންބަރު، އަލްފާޟިލް ޢަބްދުﷲ ނާޝިދު އެ ކޮމިޝަނުގެ ނައިބު ރައީސްކަމަށް ޢައްޔަންކުރެއްވުމަށް ރައްޔިތުންގެ މަޖިލީހުން ރުހުންދެއްވުމަށް ކޮމިޓީއަށް ފެންނަކަމަށް ކޮމިޓީއަށް އެވަގުތު ހާޒިރުވެ ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވިއެވެ.

ދެން ކުރިއަށް ގެންދެވީ، ކޮމިޓީއަށް އަމިއްލަ ފަރާތަކުން ފޮނުވާފައިވާ ސިޓީއަކާ ގުޅޭގޮތުން މަޝްވަރާކުރުމެވެ. މިގޮތުން މި ސިޓީ ފޮނުވި ފަރާތުގެ އެއްވެސް މަޢުލޫމާތު ހިމަނާފައިނުވާތީ، އެ ސިޓީ އަނބުރާ ފޮނުވާލުމަށް (ފައިލްކުރުމަށް) ހެންވޭރު ހުޅަނގު ދާއިރާގެ މެންބަރު ޢަލީ އިބްރާހީމް ހުށަހަޅުއްވާ ހިތަދޫ އުތުރު ދާއިރާގެ މެންބަރު މުޙައްމަދު ސިނާން ތާޢީދުކުރެއްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

ވޯޓު: ސިޓީ ފޮނުވި ފަރާތުގެ އެއްވެސް މަޢުލޫމާތު ހިމަނާފައިނުވާތީ، އެ ސިޓީ އަނބުރާ ފޮނުވާލުމަށް (ފައިލްކުރުމަށް) ފެންނަކަމަށް

ކޮމިޓީގެ ޖުމްލަ މެންބަރުންގެ ޢަދަދު: 11

ހާޒިރުވެ ތިއްބެވި މެންބަރުންގެ ޢަދަދު: 7

ފެންނަކަމަށް ވޯޓު ދެއްވި މެންބަރުންގެ ޢަދަދު: 5

(ހެންވޭރު ހުޅަނގު ދާއިރާގެ މެންބަރު ޢަލީ އިބްރާހީމް، ތުލުސްދޫ ދާއިރާގެ މެންބަރު އިބްރާހީމް ނަސީމް، ކޮލަމާފުށި ދާއިރާގެ މެންބަރު އިބްރާހީމްދީދީ، ފުވައްމުލަކު ދެކުނު ދާއިރާގެ މެންބަރު އިބްރާހީމް ޙުސައިން އަދި ހިތަދޫ އުތުރު ދާއިރާގެ މެންބަރު މުޙައްމަދު ސިނާން)

ނުފެންނަކަމަށް ވޯޓު ދެއްވި މެންބަރުންގެ ޢަދަދު: 1

(ގަލޮޅު ދެކެނު ދާއިރާގެ މެންބަރު މީކާއީލް އަޙްމަދު ނަސީމް)

ވަކި ގޮތަކަށް ވޯޓުދޭން ބޭނުންނުވާކަމަށް ވޯޓުދެއްވި މެންބަރުންގެ ޢަދަދު: ނެތް

ވޯޓުގައި ބައިވެރިވި މެންބަރުންގެ ޢަދަދު: 6

ފާސްވުމަށް ބޭނުންވާ ޢަދަދު: 4

ވޯޓުގެ ނަތީޖާ: ހުށަހެޅުން ފާސްވެފައި.

އެހެންކަމުން ސިޓީ ފޮނުވި ފަރާތުގެ އެއްވެސް މަޢުލޫމާތު ހިމަނާފައިނުވާތީ، އެ ސިޓީ އަނބުރާ ފޮނުވާލުމަށް (ފައިލްކުރުމަށް) ކޮމިޓީއަށް ފެންނަކަމަށް ކޮމިޓީއަށް އެވަގުތު ހާޒިރުވެ ވޯޓުގައި ބައިވެރިވެވަޑައިގެންނެވި މެންބަރުންގެ އަޣްލަބިއްޔަތުން ފާސްވިއެވެ.