މިއަދުގެ ބައްދަލުވުމުގައި ކުރިއަށް ގެންދެވީ ކޮމިޓީން ދިރާސާކުރަމުންދާ ގޭންގުތަކުން ހިންގާ ކުށްތަކާއި އެނޫންވެސް ނުރައްކާތެރި ކުށްތައް ހުއްޓުވުމުގެ ބިލު ދިރާސާކުރުމުގެ މަސައްކަތެވެ. އެގޮތުން ބިލުގެ 38 ވަނަ މާއްދާއިން ފެށިގެން ބިލުގެ ނިޔަލަށް ބައްލަވާ ނިންމެވިއެވެ. އަދި ބިލުގެ ވަކިވަކި މާއްދާތަކަށް އެޓަރނީ ޖެނެރަލްގެ އޮފީހުން ހުށަހަޅުއްވާފައިވާ އިޞްލާޙުތަކާމެދު މަޝްވަރާކުރެއްވިއެވެ.

ބިލުގެ އެކި މާއްދާތަކާ ގުޅިގެން ވޯޓަށް އަހާފައިވާ ގޮތް ތިރީގައި އެވަނީއެވެ. 

1.     ބިލުގެ 40 ވަނަ މާއްދާގެ (ހ) އަށް އެޓަރނީ ޖެނެރަލްގެ އޮފީހުން އިޞްލާޙު ހުށަހަޅުއްވާފައިވާތީ، އެ އިޞްލާޙު ބިލަށް ނުގެނެސް މިހާރު ބިލު ހުށަހަޅުއްވާފައިވާ ގޮތަށް އެ މާއްދާގެ (ހ) ބޭއްވުމަށް ހުރާ ދާއިރާގެ މެންބަރު ހުށަހަޅުއްވާ ކެންދޫ ދާއިރާގެ މެންބަރު މައުރޫފް ޛާކިރު ތާއީރުކުރެއްވިއެވެ. މި ހުށަހެޅުން ކޮމިޓީއަސް ވަޑައިގެންނެވި މެންބަރުންގެ އިއްތިފާޤުން ވަނީ ފާސްވެފައެވެ. 

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

2.     ބިލުގެ 40 ވަނަ މާއްދާގެ (ހ) އަށް އެޓަރނީ ޖެނެރަލް އޮފީހުން ގެންނެވި އިޞްލާޙު ނުގެނެސް، އެ މާއްދާ ބިލުގައި އޮތްގޮތަށް ކޮމިޓީގެ އެއްވެސް މެންބަރަކު އިޢުތިރާޟް ކުރައްވާފައިނުވާތީ، އަދި އެގޮތަށް ކޮމިޓީން ނިންމަވާފައިވާތީ، އެ މާއްދާއާ އެއްގޮތަށް ބިލުގެ އެހެން މާއްދާތައްވެސް އެއްގޮތްކުރުމުގެ ގޮތުން، ކެންދޫ ދާއިރާގެ މެންބަރު މަޢުރޫފް ޛާކިރު ހުށަހަޅުއްވާ ކުރެންދޫ ދާއިރާގެ މެންބަރު މުހައްމަދު ޝާމިން ޙަބީބް ތާއީދު ކުރައްވާފައިވަނީ ބިލުގެ 41 ވަނަ މާއްދާއާއި، 43 ވަނަ މާއްދާއާއި، ބިލަށް އިތުރުކުރުމަށް އެޓަރނީ ޖެނެރަލް އިން ހުށަހަޅުއްވާފައިވާ މާއްދާތައް، އެއީ 53 ވަނަ މާއްދާއާއި، 54 ވަނަ މާއްދާއާއި، 55 ވަނަ މާއްދާއާއި، 56 ވަނަ މާއްދާގެ (ށ) އާއި، 57 ވަނަ މާއްދާގެ (ށ) އާއި، 57 ވަނަ މާއްދާގެ (ނ) އާއި 58 ވަނަ މާއްދާގެ (ހ) އާއި 58 ވަނަ މާއްދާގެ (ށ) އާއި 59 ވަނަ މާއްދާ، 40 ވަނަ މާއްދާގެ (ހ) އަށް ގެނެސްފައިވާ ބަދަލު އެޕްލައިވާގޮތަށް ބިލުގެ މާއްދާތައް އިޞްލާޙުކުރުމަށް ކޮމިޓީން ނިންމިއެވެ. މި ހުށަހެޅުން ކޮމިޓީއަށް ވަޑައިގެންނެވި މެންބަރުންގެ އިއްތިފާޤުން ވަނީ ފާސްވެފައެވެ. 

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

3.     އެއަށްފަހު ދެން ވޯޓެއް ނެގިފައިވަނީ ކޮމިޓީގެ ވަގުތު އިތުރު ކުރުމާ ގުޅޭގޮތުންނެވެ. އެގޮތުން ބިލުގެ މަސައްކަތް އެއްކޮށް ނިމެންދެން ކޮމިޓީ ކުރިއަށްގެންގޮސް ބިލު ނިންމެވުމަށް ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ހުށަހަޅުއްވާ ތިމަރަފުށި ދާއިރާގެ މެންބަރު އަޙްމަދު ރިޔާޒް ތާއީދުކުރެއްވިއެވެ. މި ހުށަހެޅުން ކޮމިޓީއަށް ވަޑައިގެންނެވި މެންބަރުންގެ އިއްތިފާޤުން ފާސްވިއެވެ.

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

4.     ބިލުގެ 49 ވަނަ މާއްދާގެ (ވ) ގެ ފަހަތަށް (މ) ގެ ގޮތުގައި އަކުރެއް އިތުރުކުރުމަށް ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ހުށަހަޅުއްވާ ތިމަރަފުށި ދާއިރާގެ މެންބަރު އަޙްމަދު ރިޔާޒް ތާއީދުކުރެއްވިއެވެ. މި ހުށަހެޅުން ކޮމިޓީއަށް ވަޑައިގެންނެވި މެންބަރުންގެ އިއްތިފާޤުން ފާސްވިއެވެ.

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

5.     ބިލުގެ 50 ވަނަ މާއްދާގެ (ވ) ގެ ފަހަތަށް (މ) ގެ ގޮތުގައި އަކުރެއް އިތުރުކުރުމަށް ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ހުށަހަޅުއްވާ ތިމަރަފުށި ދާއިރާގެ މެންބަރު އަޙްމަދު ރިޔާޒް ތާއީދުކުރެއްވިއެވެ. މި ހުށަހެޅުން ކޮމިޓީއަށް ވަޑައިގެންނެވި މެންބަރުންގެ އިއްތިފާޤުން ފާސްވިއެވެ.

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

6.     ބިލުގެ 51 ވަނަ މާއްދާ އުނިކުރުމަށް ފުވައްމުލަކު މެދު ދާއިރާގެ މެންބަރު ޢަލީ ފަޒާދު ހުށަހަޅުއްވާ ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ތާއީދުކުރެއްވިއެވެ.މި ހުށަހެޅުން ކޮމިޓީއަށް ވަޑައިގެންނެވި މެންބަރުންގެ އިއްތިފާޤުން ފާސްވިއެވެ.

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

7.     ބިލުގެ 52 ވަނަ މާއްދާގެ (ކ) އިޞްލާޙުކުރުމަށް ހުރާ ދާއިރާގެ މެންބަރު ޑރ. އަނާރާ ނަޢީމް ހުށަހަޅުއްވާ ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ތާއީދުކުރެއްވިއެވެ. މި ހުށަހެޅުން ކޮމިޓީއަށް ވަޑައިގެންނެވި މެންބަރުންގެ އިއްތިފާޤުން ފާސްވިއެވެ.

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

8.     ބިލުގެ 21 ވަނަ މާއްދާގެ ފަހަތަށް (ނ) އަދި (ބ) ގެ ގޮތުގައި މާއްދާއެއް އިތުރުކުރަން ފުވައްމުލަކު މެދު ދާއިރާގެ މެންބަރު ޢަލީ ފަޒާދު ހުށަހަޅުއްވާ ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު ތާއިދުކުރެއްވިއެވެ. މި ހުށަހެޅުން ކޮމިޓީއަށް ވަޑައިގެންނެވި މެންބަރުންގެ އިއްތިފާޤުން ފާސްވިއެވެ.

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

9.     ބިލަށް ހުށަހެޅިފައިވާ އިޞްލާޙުތަކާއެކު، ބިލު ފާސްކޮށް މަޖިލީހުގެ ތަޅުމަށް ރިޕޯޓް ފޮނުވުމަށް ފުވައްމުލަކު މެދު ދާއިރާގެ މެންބަރު އަލީ ފަޒާދު ހުށަހަޅުއްވާ ފޭދޫ އުތުރު ދާއިރާގެ މެންބަރު އިސްމާއީލް ނިޒާރު ތާއީދުކުރެއްވިއެވެ. މި ހުށަހެޅުން ކޮމިޓީއަށް ވަޑައިގެންނެވި މެންބަރުންގެ އިއްތިފާޤުން ފާސްވިއެވެ.

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)