Committee Meeting - People's Majlis of Maldives

ޚުލާސާ

މިއަދުގެ ބައްދަލުވުމުގައި ކުރިއަށް ގެންގޮސްފައިވަނީ މޯލްޑިވްސް ބްރޯޑްކާސްޓިންގ ކޮމިޝަނުގެ މެންބަރުކަމަށް ޢައްޔަނުކުރެއްވުމަށްޓަކައި، ރައީސުލްޖުމްހޫރިއްޔާ ރައްޔިތުންގެ މަޖިލީހަށް ނަން ފޮނުއްވާފައިވާ ފަރާތްތަކުގެ ތެރެއިން ކުރީ ދުވަހު އިންޓަވިއު ނުކުރެވި ތިއްބެވި ފަރާތްތަކާ ރައްޔިތުންގެ މަޖިލީހުގެ ގަވާއިދުގެ 223 ވަނަ މާއްދާގެ (ށ) ގައިވާ ގޮތުގެމަތިން އިންޓަރވިއުކުރުމެވެ. އެއަށްފަހު، ރައްޔިތުންގެ މަޖިލީހުގެ ގަވާއިދުގެ 223 ވަނަ މާއްދާގެ (ނ) ގައިވާގޮތުގެ މަތިން ޢާންމު ކޮމިޓީން ކަނޑައަޅުއްވާފައިވާ އިންޓަރވިއުކުރާ ފަރާތްތަކަށް މާކްސްދިނުމުގައި ވަޒަންކުރާނެ މިންގަނޑުގެ ގޮތުގައި ކަނޑައަޅާފައިވާ މިންގަނޑަށް ރިޢާޔަތްކުރައްވައި ކޮމިޓީގެ މެންބަރުންނަށް ފެނިވަޑައިގަންނަވާ ގޮތަށް މާރކްސް ދެއްވެވިއެވެ.

ލިސްޓުގެ އެންމެ ފަހު ކެންޑިޑޭޓެއްގެ ގޮތުގައި އޮތް އަލްފާޟިލާ ފާޠިމަތު ޒަޢީމާ އަދި ލިސްޓްގެ 6 ވަނައިގައި އޮތް އަލްފާޟިލް އަލްފާޟިލް އަޙްމަދު ޒާހިރު އިންޓަރވިއުއަށް ވަޑައިނުގެންނެވޭނެކަން ރައްޔިތުންގެ މަޖިލީހުގެ އިދާރާއަށް ފޯނުން ގުޅައި އަންގާފައިވާތީ، އެ ބޭފުޅުން ފިޔަވާ ލިސްޓުގައިވާ އެހެން ހުރިހާ ބޭފުޅުންނާ އިންޓަރވިއުކޮށް ނިންމެވިއެވެ.