މިއަދުގެ ބައްދަލުވުމުގައި ފުރަތަމް މަޝްވަރާކުރެއްވީ ދިވެހިރާއްޖޭގެ ސުޕްރީމް ކޯޓުގެ ފަނޑިޔާރު ޑޮކްޓަރ އަޒްމިރާލްދާ ޒާހިރު ފަނޑިޔާރުކަމުގެ މަޤާމުން ވަކިކުރުމުގެ މައްސަލަ ދިރާސާކޮށް ޖުޑީޝިއަރީ ކޮމިޓީން ނިންމިގޮތުގެ ރިޕޯޓާމެދު މަޖިލީހުގައި ކުރޭވޭ ބަހުސްގެ ވަގުތު ކަނޑައެޅުމާ ގުޅޭގޮތުންނެވެ. އެގޮތުން، މި މައްސަލައާމެދު ކޮމިޓީގެ މެންބަރުންގެ މެދުގައި މަޝްވަރާކުރެއްވުމަށްފަހު، މި ރިޕޯޓާ މެދު މަޖިލީހުގައި ކުރެވޭ ބަހުސްގެ ދިގުމިނަކީ 1 (އެކެއް) ގަޑިއިރު ކަމަށާއި، އެ 1 (އެކެއް) ގަޑިއިރުގެ ވަގުތު ރައްޔިތުންގެ މަޖިލީހުގެ ގަވާއިދުގެ 110 ވަނަ މާއްދާގެ (ށ) ގައި ބަޔާންކުރާ އުސޫލާ އެއްގޮތްވާގޮތުގެ މަތިން މެންބަރުންނަށް ދެއްވުމަށް، ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު ހުށަހަޅުއްވާ އިސްދޫ ދާއިރާގެ މެންބަރު އިސްމާޢީލް ޝަފީޢު ތާއީދުކުރެއްވިއެވެ. މި ހުށަހެޅުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވި މެންބަރުންގެ އަޣްލަބިއްޔަތުން ފާސްވިއެވެ. 

ދެން ކުރިޔަށްގެންދެވީ ދިވެހިރާއްޖޭގެ ސުޕްރީމް ކޯޓުގެ ފަނޑިޔާރު އަލްއުސްތާޛު މަޙާޒު ޢަލީ ޒާހިރު ފަނޑިޔާރުކަމުގެ މަޤާމުން ވަކިކުރުމުގެ މައްސަލަ ދިރާސާކޮށް ޖުޑީޝިއަރީ ކޮމިޓީން ނިންމިގޮތުގެ ރިޕޯޓާމެދު މަޖިލީހުގައި ކުރޭވޭ ބަހުސްގެ ވަގުތު ކަނޑައެޅުމާ ގުޅޭގޮތުންނެވެ. އެގޮތުން، މި މައްސަލައާމެދު ކޮމިޓީގެ މެންބަރުންގެ މެދުގައި މަޝްވަރާކުރެއްވުމަށްފަހު، މި ރިޕޯޓާ މެދު މަޖިލީހުގައި ކުރެވޭ ބަހުސްގެ ދިގުމިނަކީ 1 (އެކެއް) ގަޑިއިރު ކަމަށާއި، އެ 1 (އެކެއް) ގަޑިއިރުގެ ވަގުތު ރައްޔިތުންގެ މަޖިލީހުގެ ގަވާއިދުގެ 110 ވަނަ މާއްދާގެ (ށ) ގައި ބަޔާންކުރާ އުސޫލާ އެއްގޮތްވާގޮތުގެ މަތިން މެންބަރުންނަށް ދެއްވުމަށް، ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު ހުށަހަޅުއްވާ އިސްދޫ ދާއިރާގެ މެންބަރު އިސްމާޢީލް ޝަފީޢު ތާއީދުކުރެއްވިއެވެ. މި ހުށަހެޅުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވި މެންބަރުންގެ އަޣްލަބިއްޔަތުން ފާސްވިއެވެ.