މިއަދުގެ ބައްދަލުވުމުގައި ޖަނަވާރު ގެންގުޅުމާއި ޖަނަވާރުގެ ރައްކާތެރިކަމުގެ ބިލާ ގުޅޭގޮތުން  މަޝްވަރާކުރައްވާފައިވެއެވެ. އަދި ރައީސުލްޖުމްހޫރިއްޔާގެ އޮފީހުން ރައްޔިތުންގެ މަޖިލީހުގެ އިދާރާއާ ޙިއްޞާކުރައްވާފައިވާ ބިލުގެ ސޮފްޓް ކޮޕީއާއި ކޮމިޓީއަށް ހުށަހެޅުއްވި އަދި ދިރާސާކުރައްވަމުން ގެންދަވާ ބިލުގެ ހާޑް ކޮޕީގައި ގިނަ ފަރަގުތަކެއް ހުރިކަމާއި، އެކަމުގެ ސަބަބުން، އެ ބިލު ދިރާސާކޮށް ބިލަށް ގެންނަންޖެހޭ އިޞްލާޙުތައް ގެނައުމުގައި ދަތިތަކާ ކުރިމަތިވަމުންދާކަމަށް ކޮމިޓީގެ ސަމާލުކަމަށް ގެނެވިފައިވެއެވެ.

ބިލުގައި ތަފާތުތަކެއް ހުރުމަށް ދިމާވި ސަބަބު އެޓަރނީ ޖެނެރަލްގެ އޮފީހަށް ސިޓީ ފޮނުވައިގެން ސާފުކުރުމަށް މާފަންނު ހުޅަނގު ދާއިރާގެ މެންބަރު މުޙައްމަދު މުޞްޠަފާ އިބްރާހީމް ހުށަހަޅުއްވާފައިވެއެވެ. އަދި މި ހުށަހެޅުއްވުމަށް ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ތާއީދުކުރައްވާފައިވެއެވެ. މި ހުށަހެޅުއްވުން ކޮމިޓީއަށް އެވަގުތު ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާގުން ފާސްވިއެވެ.

ދެން ކުރިއަށް ގެންދެވީ ކޮމީޓިއަށް ހުށަހެޅިފައިވާ މައްސަލަތައް ދިރާސާކުރެވުމުގެ މަސައްކަތެވެ.

އެގޮތުން، ހުޅުމާލެ ހޮސްޕިޓަލުގެ ޑޮކްޓަރަކު ޢަމަލުކޮށްފައިވާގޮތާ ގުޅިގެން އަމިއްލަ ފަރާތަކުން ހުށަހަޅުއްވާފައިވާ މައްސަލައާ ގުޅިގެން މާފަންނު ހުޅަނގު ދާއިރާގެ މެންބަރު މުޙައްމަދު މުސްޠަފާ އިބްރާހީމް ހުށަހަޅުއްވާފައިވަނީ އެ މައްސަލައިގެ އަޕްޑޭޓެއް ހޯދުމަށް މައްސަލަ ހުށަހެޅުއްވި ފަރާތަށް 26 ފެބުރުވަރީ 2025 ގައި ފޮނުއްވި ސިޓީއަށް އެ ފަރާތުން ޖަވާބު ދެއްވާފައި ނުވާތީ އެ މައްސަލަ އިތުރު ކުރިއަށްގެންދެވޭނެ ތަނެއް ނެތަތީ މައްސަލަ ފައިލްކުރުމަށެވެ. މި ހުށަހެޅުއްވުމަށް ކޮމަންޑޫ ދާއިރާގެ މެންބަރު މުޙައްމަދު އިބްރާހީމް ތާއީދުކުރައްވާފައިވެއެވެ. މި ހުށަހެޅުއްވުން ކޮމިޓީއަށް އެވަގުތު ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާގުން ފާސްވިއެވެ.

ދެން މަޝްވަރާކުރެއްވީ ބެޑްމިންޓަން އެސޯސިއޭޝަން އޮފް މޯލްޑިވްސް އިން ފާއިތުވެދިޔަ އަހަރުތަކުގައި ރިވައިވަލް ސްޕޯޓްސް ކްލަބާއި ކްލަބުގެ ކުޅުންތެރިންނާ މެދު ކަންތައްކޮށްފައިވަނީ އިންސާފުވެރިކަމާއެކު ނޫން ކަމަށާއި، ކްލަބުގެ ކުޅުންތެރިންގެ ކުރިއެރުމަށް ހުރަސްއަޅާ، ކްލަބުގެ ކުޅުންތެރިންނަށް ލިބެންޖެހޭ ފައިސާއަށް ބެޑްމިންޓަން އެސޯސިއޭޝަނުން ހިޔާނާތްތެރިވެފައިވާ ކަމާއި، އެ ކޮރަޕްޝަނުގެ އަމަލުތައް ބައްލަވައިދެއްވުމަށް އެދި ފޮނުއްވާފައިވާ މައްސަލައާ ގުޅޭގޮތުންނެވެ. އެގޮތުން، މާފަންނު ހުޅަނގު ދާއިރާގެ މެންބަރު މުޙައްމަދު މުޞްޠަފާ އިބްރާހީމް ހުށަހަޅުއްވާފައިވަނީ އެ މައްސަލައާ ގުޅޭ މަޢުލޫމާތު ހޯދުމަށް ކޮމިޝަނަރ އޮފް ސްޕޯޓްސްއަށް ސިޓީއެއް ފޮނުވުމަށެވެ. މި ހުށަހެޅުއްވުމަށް ކާށިދޫ ދާއިރާގެ މެންބަރު މުންތަޡިމް އިބްރާހީމް ތާއީދުކުރައްވާފައިވެއެވެ. މި ހުށަހެޅުއްވުން ކޮމިޓީއަށް އެވަގުތު ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާގުން ފާސްވިއެވެ.

އެއަށްފަހު ކާށިދޫ ދާއިރާގެ މެންބަރު މުންތަޡިމް އިބްރާހީމް ހުށަހަޅުއްވައި މާފަންނު ހުޅަނގު ދާއިރާގެ މެންބަރު މުޙައްމަދު މުޞްޠަފާ އިބްރާހީމް ތާއީދުކުރައްވާފައިވަނީ އެ މައްސަލައިގެ ކޮރަޕްޝަންގެ ބައި ތަޙުޤީޤުކުރުމަށް އެންޓި-ކޮރަޕްޝަން ކޮމިޝަނަށް ހުށަހަޅުއްވައިގެން ކުރިއަށްގެންދެވުމަށް މައްސަލަ ހުށަހެޅި ފަރާތަށް ސިޓީއަކުން ދެންނެވުމަށެވެ. މި ހުށަހެޅުއްވުން ކޮމިޓީއަށް އެވަގުތު ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާގުން ފާސްވިއެވެ.

ދެން މަޝްވަރާކުރެއްވީ ވޭޕް މަނާކުރުމަށް ޓަކައި ޤާނޫނު ނަންބަރު 2010/15 (ދުންފަތް ކޮންޓްރޯލުކުރުމާބެހޭ ޤާނޫނު) އަށް އިޞްލާޙު ގެނައުމުގެ ބިލުގެ މަސައްކަތް ކޮމީޓީން ކުރެއްވި އިރު، ކޮމިޓީއަށް ލިބިފައިވާ ޢާންމު ތިން ފަރާތެއްގެ ސިޓީއާ ގުޅޭގޮތުންނެވެ. އެ ސިޓީތަކުގައި އެ ފަރާތްތަކުން ކޮމިޓީއާ ބައްދަލުކުރަން އެދިފައިވެއެވެ. އެ ސިޓީތަކާ ގުޅިގެން ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ހުށަހަޅުއްވާފައިވަނީ ބިލު ފާސްކޮށް ނިންމާފައިވާތީ މިހާރު އެ ފަރާތްތަކާ ބައްދަލުކުރެއްވިކަމުގައި ވީނަމަވެސް އެދެވޭ ނަތީޖާއެއް ނެރެވިދާނެކަމަށް ނުފެންނާތީ އެގޮތަށް އެ ފަރާތްތަކަށް ޖަވާބު ދިނުމަށެވެ. މި ހުށަހެޅުއްވުމަށް މާފަންނު ހުޅަނގު ދާއިރާގެ މެންބަރު މުޙައްމަދު މުޞްޠަފާ އިބްރާހީމް ތާއީދުކުރައްވާފައިވެއެވެ. މި ހުށަހެޅުއްވުން ކޮމިޓީއަށް އެވަގުތު ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާގުން ފާސްވިއެވެ.

ދެން މަޝްވަރާކުރައްވާފައިވަނީ ހުޅުމާލެ ހޮސްޕިޓަލުން ކުރި އޮޕަރޭޝަނަކާ ގުޅިގެން ނުކުޅެދުންތެރިކަން ހުންނަ މީހަކަށް ބަދަލުވެފައިވާކަމަށް ބުނެ އަމިއްލަ ފަރާތަކުން ހުށަހަޅުއްވާފައިވާ މައްސަލައާ ގުޅޭގޮތުންނެވެ. މި މައްސަލައާ ގުޅޭގޮތުން މާފަންނު ހުޅަނގު ދާއިރާގެ މެންބަރު މުޙައްމަދު މުޞްޠަފާ އިބްރާހީމް ހުށަހަޅުއްވާފައިވަނީ މައްސަލަ ހުށަހެޅުއްވި ފަރާތާ ކޮމިޓީން ބައްދަލުކުރައްވައި، މައްސަލައާ ގުޅޭގޮތުން އިތުރަށް މަޢުލޫމާތު ސާފުކުރުމަށެވެ. މި ހުށަހެޅުއްވުމަށް ނިލަންދޫ ދާއިރާގެ މެންބަރު ފާޠިމަތު ސައުދާ ތާއީދުކުރައްވާފައިވެއެވެ. މި ހުށަހެޅުއްވުން ކޮމިޓީއަށް އެވަގުތު ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާގުން ފާސްވިއެވެ.

އާންމުކޮށް ބޭނުންކުރާ ބޭސްތައް ލިބުމުގައި ދިމާވެފައިވަ ދަތިތަކާ ގުޅޭގޮތުން އަމިއްލަ ފަރާތަކުން ހުށަހަޅުއްވާފައިވާ މައްސަލައާ ގުޅިގެން ސްޓޭޓް ޓްރޭޑިންގ އޯގަނައިޒޭޝަން ޕަބްލިކް ލިމިޓޭޑްއާއި އާސަންދަ ކޮމްޕެނީ ލިމިޓެޑް އަދި ނޭޝަނަލް ސޯޝަލް ޕްރޮޓެކްޝަން އެޖެންސީގެ ބޭފުޅުންނާ ބައްދަލުކުރެއްވުމަށާއި، ދިވެހިރާއްޖޭގެ ޞިއްޙީ ނިޒާމުގައި ހުރި ގޮންޖެހުންތަކާ ގުޅޭގޮތުން ކޮމިޓީއަށް ހުށަހެޅިފައިވާ މައްސަލަތަކާ ގުޅޭގޮތުން މަޝްވަރާކުރެއްވުމަށް ޓަކައި މާލެ ސިޓީ ގްރޫޕް އޮފް ހޮސްޕިޓަލްސްއާއި އާސަންދަ ކޮމްޕެނީ ލިމިޓެޑް އަދި ނޭޝަނަލް ސޯޝަލް ޕްރޮޓެކްޝަން އެޖެންސީގެ ބޭފުޅުންނާ ބައްދަލުކުރެއްވުމަށް މާފަންނު ހުޅަނގު ދާއިރާގެ މެންބަރު މުޙައްމަދު މުޞްޠަފާ އިބްރާހީމް ހުށަހަޅުއްވާފައިވެއެވެ. މި ހުށަހެޅުއްވުމަށް ދާންދޫ ދާއިރާގެ މެންބަރު މުޙައްމަދު ފަޒީލް ތާއީދުކުރައްވާފައިވެއެވެ.މި ހުށަހެޅުއްވުން ކޮމިޓީއަށް އެވަގުތު ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާގުން ފާސްވިއެވެ.

މި ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

މި ބައްދަލުވުމުގައި ނެގި ވޯޓުތަކުގެ ތަފުޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.