މިއަދުގެ ބައްދަލުވުމުގައި، 7,000 ސޯޝަލް ހައުސިންގ ޔުނިޓު މަޝްރޫޢުގެ ދަށުން ހައުސިންގ ޔުނިޓަކަށް ޖެހޭ ޖުމުލަ އަގާއި މަހުން މަހަށް ދައްކަންޖެހޭ ޢަދަދު ހިސާބުކޮށް ކަނޑައަޅާފައިވާ ގޮތުގެ ރިވިއު ރިޕޯޓާ ގުޅޭގޮތުން މަޝްވަރާކުރެއްވިއެވެ. އެގޮތުން، އެ އޮޑިޓް ރިޕޯޓުގައި ފާހަގަކުރައްވާފައިވާ މައްސަލަތަކާ ގުޅޭގޮތުން ހައުސިންގ ޑިވެލޮޕްމަންޓް ކޯޕަރޭޝަން ލިމިޓެޑުން ދެކޭގޮތާއި އަދި ކޮމިޓީން ހުށަހެޅުއްވި ރިކޮމެންޑޭޝަންތައް ހިމެނޭ ރިޕޯޓެއް އެކުލަވާލުމަށްފަހު، އެ ރިޕޯޓު މާލިއްޔަތު ކޮމިޓީއަށް ފޮނުއްވުމަށް ކެލާ ދާއިރާގެ މެންބަރު ޢަބްދުﷲ ޝަރީފް ހުށަހަޅުއްވައި، ހެންވޭރު އުތުރު ދާއިރާގެ މެންބަރު އަޙްމަދު އައިފާން ތާޢީދުކުރެއްވި ހުށަހެޅުން އިއްތިފާޤުން ފާސްވިއެވެ.

އެއަށްފަހު، ތިރީގައިވާ އޮޑިޓް ރިޕޯޓުތަކަށް އޮޑިޓަރ ޖެނެރަލް އަންކޮލިފައިޑް އޮޕީނިއަންއެއް ދެއްވާފައިވާތީ، އެ އޮޑިޓް ރިޕޯޓުތައް ފައިލްކުރުމަށް ކެލާ ދާއިރާގެ މެންބަރު ޢަބްދުﷲ ޝަރީފް ހުށަހަޅުއްވައި، ހެންވޭރު އުތުރު ދާއިރާގެ މެންބަރު އަޙްމަދު އައިފާން ތާޢީދުކުރެއްވި ހުށަހެޅުން ކޮމިޓީގެ އިއްތިފާޤުން ފާސްވިއެވެ.

1.     ކުޅުދުއްފުށި ހާބަރ އެކްސްޕޭންޝަން ޕްރޮޖެކްޓުގެ 2018، 2019، 2020 އަދި 2021 ވަނަ އަހަރުގެ އޮޑިޓް ރިޕޯޓުތައް؛

2.     "ކޮވިޑް-19 އެމަރޖެންސީ ރެސްޕޮންސް ޕްރޮޖެކްޓް" (ގްރާންޓް ނަންބަރު:0687-MLD) ގެ އޮޑިޓް ރިޕޯޓު؛

3.     "ކޮވިޑް-19 އެމަރޖެންސީ ރެސްޕޮންސް ޕްރޮޖެކްޓް" (ގްރާންޓް ނަންބަރު:076-MLD) ގެ އޮޑިޓް ރިޕޯޓު؛

4.     ކޮވިޑް-19 އާ ގުޅިގެން 2020 ވަނަ އަހަރުގެ ފުރަތަމަ ދެ ކުއަޓަރގައި މިނިސްޓްރީ އޮފް ފޮރިން އެފެއާޒުން ކޮށްފައިވާ ޚަރަދުތަކުގެ ކޮމްޕްލަޔަންސް އޮޑިޓް ރިޕޯޓު؛

5.     ކޮވިޑް-19 އާ ގުޅިގެން 2020 ވަނަ އަހަރުގެ ފުރަތަމަ ދެ ކުއަޓަރގައި މޯލްޑިވްސް ނޭޝަނަލް ޑިފެންސް ފޯސްއިން  ކޮށްފައިވާ ޚަރަދުތަކުގެ ކޮމްޕްލަޔަންސް އޮޑިޓް ރިޕޯޓު؛

6.     ކޮވިޑް-19އާ ގުޅިގެން 2020 ވަނަ އަހަރުގެ ތިންވަނަ ކުއަރޓަރގައި މޯލްޑިވްސް ނޭޝަނަލް ޑިފެންސް ފޯސްއިން ކޮށްފައިވާ ޚަރަދުތަކުގެ ކޮމްޕްލަޔަންސް އޮޑިޓް ރިޕޯޓު؛

7.     ކޮވިޑް-19 އާ ގުޅިގެން 2020 ވަނަ އަހަރުގެ ތެރޭގައި މޯލްޑިވްސް ޕޮލިސް ސަރވިސްއިން ކޮށްފައިވާ ޚަރަދުތަކުގެ ކޮމްޕްލަޔަންސް އޮޑިޓް ރިޕޯޓު؛

8.     ކޮވިޑް-19 އާ ގުޅިގެން ފްރަންޓްލައިންގައި މަސައްކަތްކުރި ފަރާތްތަކަށް ދިން އެލަވަންސްގެ ކޮމްޕްލަޔަންސް އޮޑިޓް ރިޕޯޓު.