Committee Meeting - People's Majlis of Maldives

ޚުލާސާ

މިއަދުގެ ބައްދަލުވުމުގައި، ސަރުކާރުން ހޯދަންޖެހޭ ޚިދުމަތްތައް ގުޅިފައިވާ އެއް ވިއުގައެއްގެ ދަށުން ފޯރުކޮށްދިނުމަށްޓަކައި 2023 ވަނަ އަހަރު "ވަންގަވް" ތަޢާރަފްކޮށްފައިވާއިރު، ސަރުކާރުގެ އިދާރާތަކުން އެ ވިއުގައި ބައިވެރިނުވާ ސަބަބުތަކާއި، އެކަމުގެ ހުރި ހުރަސްތައް ދެނެގަތުމަށް ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ހުށަހަޅުއްވާފައިވާ މައްސަލައާ ގުޅޭގޮތުން، ޓްރޭޑްނެޓް މޯލްޑިވްސް ކޯޕަރޭޝަން ލިމިޓެޑްގެ ބޭފުޅުންނާ ބައްދަލުކުރެއްވިއެވެ.

އެގޮތުން، ސަރުކާރުގެ އިދާރާތަކުން ފޯރުކޮށްދެއްވާ ޚިދުމަތްތައް ވަންގަވް އަދި ޓްރޭޑިއަންގެ ދަށުން ފޯރުކޮށްދެއްވުމަށްޓަކައި، އެ ކުންފުނިން ކުރައްވަމުން ގެންދަވާ މަސައްކަތްތަކާއި، އެ މަސައްކަތްތައް ފުރިހަމަކުރެއްވުމަށްޓަކައި ޤާނޫނީ، މާލީ އަދި އެހެނިހެން ގޮތްގޮތުން ދިމާވަމުންދާ ދަތިތަކާ ގުޅޭގޮތުން މަޢުލޫމާތު ފޯރުކޮށްދީފައިވެއެވެ. އަދި، މި މައްސަލައާ ގުޅޭގޮތުން މެންބަރުން ކުރެއްވި ސުވާލުތަކަށް އެ ކުންފުނިން ޖަވާބުދާރީވެފައިވެއެވެ.

ޓްރޭޑްނެޓް މޯލްޑިވްސް ކޯޕަރޭޝަން ލިމިޓެޑްގެ ފަރާތުން ބައްދަލުވުމުގައި ބައިވެރިވަޑައިގެންނެވި ބޭފުޅުން

1. އަލްފާޟިލާ ސަޢީދާ ޢުމަރު، މެނޭޖިންގ ޑިރެކްޓަރ

2. އަލްފާޟިލް އަބްދުލްމުޤީތު، ޗީފް ފައިނޭންޝަލް އޮފިސަރ

3. އަލްފާޟިލް އަޙްމަދު ސަމްޢޫން، ޖެނެރަލް މެނޭޖަރ (އައި.ސީ.ޓީ)

4. އަލްފާޟިލް އަޙްމަދު ވާރިޝް މުޙައްމަދު، ޖެނެރަލް މެނޭޖަރ (ބިޒްނަސް ޑިވެލޮޕްމަންޓް)

5. އަލްފާޟިލް މުޙައްމަދު ޝީނާޒް ސަޢީދު ، ޖެނެރަލް މެނޭޖަރ (ބްރޭންޑް އެކްސްޕީރިއަންސް

6. އަލްފާޟިލް މުޙައްމަދު ޔޫޝަޢު، މާރކެޓިންގ ލީޑް