މި ބައްދަލުވުމުގައި ފުރަތަމަ ކުރިއަށްގެންދަވާފައިވަނީ ކޮމިޓީގައި ހުރި ބިލުތަކުގެ ސުންގަޑި އިތުރުކުރެއްވުމެވެ. އެގޮތުން، "ދިވެހިރާއްޖޭގެ މަދަނީ ވައިގެ ދަތުރުފަތުރުގެ ބިލު" އާއި "ޤާނޫނު ނަންބަރު 2/2012 (މޯލްޑިވްސް ސިވިލް އޭވިއޭޝަން އޮތޯރިޓީގެ ޤާނޫނު) އަށް އިޞްލާޙު ގެނައުމުގެ ބިލު" ގެ ސުންގަޑި 30 ނޮވެންބަރ 2025 ގެ ނިޔަލަށް އިތުރުކުރުމަށް ހޯރަފުށި ދާއިރާގެ މެންބަރު އަލީ މޫސާ ހުށަހަޅުއްވައި، ވިލިނގިލި ދާއިރާގެ މެންބަރު ޢާޒިމް ޢަބްދުލްޢަޒީޒް ތާޢީދުކުރެއްވިއެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.

(އެ ހުށަހެޅުއްވުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އަދި، "ޤާނޫނު ނަންބަރު 7/2021 (ދިވެހިރާއްޖޭގެ މަތީ ތަޢުލީމާއި ތަމްރީނުގެ ޤާނޫނު) އަށް .. ވަނަ އިޞްލާޙު ގެނައުމުގެ ބިލު" ގެ ސުންގަޑި 31 އޮކްޓޫބަރު 2025 ގެ ނިޔަލަށް އިތުރުކުރުމަށް ހޯރަފުށި ދައިރާގެ މެންބަރު އަލީ މޫސާ ހުށަހަޅުއްވައި، ކުޑަހުވަދޫ ދާއިރާގެ މެންބަރު ޙުސައިން ޙަމީދު ތާޢީދުކުރެއްވިއެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.(އެ ހުށަހެޅުއްވުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އެއަށްފަހު މަޝްވަރާކުރައްވާފައިވަނީ ކޮމިޓީއަށް ފޮނުއްވާފައިވާ އަހަރީ ރިޕޯޓުތައް ދިރާސާކުރެއްވުމުގެ މަސައްކަތް ކުރިއަށްގެންދަވާނެ ގޮތަކާ މެދުގައެވެ. އެގޮތުން އެ މަސައްކަތް އަވަހަށް ނިންމެވުމުގެގޮތުން އެ މަސައްކަތް ކުރިއަށް ގެންދިއުމަށް ސަބް-ކޮމިޓީއެއް އެކުލަވާލެއްވުމަށް ތޮއްޑޫ ދާއިރާގެ މެންބަރު ޙުސައިން ސަމީރު ހުށަހަޅުއްވައި، ވިލިނގިލި ދާއިރާގެ މެންބަރު ޢާޒިމް ޢަބްދުލްޢަޒީޒް ތާއީދުކުރެއްވިއެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.(އެ ހުށަހެޅުއްވުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އަހަރީ ރިޕޯޓުތައް ދިރާސާކުރެއްވުމަށް އެކުލަވާލައްވާ ސަބް-ކޮމިޓީގައި ހިމެނިވަޑައިގަންނަވާނެ މެންބަރުންގެ ގޮތުގައި ހުޅުމާލެ މެދު ދާއިރާގެ މެންބަރު ޢަބްދުﷲ ޝަޛީމް ހުށަހަޅުއްވައި، އިސްދޫ ދާއިރާގެ މެންބަރު އިސްމާޢީލް ޝަފީޢު ތާޢީދުކުރައްވާފައިވަނީ، ތޮއްޑޫ ދާއިރާގެ މެންބަރު ޙުސައިން ސަމީރު، ވިލިނގިލި ދާއިރާގެ މެންބަރު ޢާޒިމް ޢަބްދުލްޢަޒީޒް އަދި ހޯރަފުށި ދާއިރާގެ މެންބަރު ޢަލީ މޫސާގެ ނަންފުޅެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.(އެ ހުށަހެޅުއްވުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އެއަށްފަހު މި ބައްދަލުވުމުގައި މަޝްވަރާކުރައްވާފައިވަނީ ކޮމިޓީއަށް ހުށަހެޅިފައިވާ މައްސަލަތަކާ ގުޅޭގޮތުންނެވެ. އެގޮތުން ކޮމިޓީއަށް ހުށަހެޅިފައިވާ، މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ދޭ ޚިދުމަތްތައް އެއް ޕޯޓަލްއަކުން ދޭގޮތަށް ހަމަޖައްސައި، ކުންފުންޏަކާ ހަވާލުކޮށްފައިވާކަމަށް ބަޔާންކުރައްވައި، ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ހުށަހަޅުއްވާފައިވާ މައްސަލައާއި ސަރުކާރުން ފޯރުކޮށްދީފައިވާ ދަރިވަރުންގެ ލޯނު ސްކީމްގެ ދަށުން ސްޕެއިންގެ އީ.އޭ.އެސް ބާސެލޯނާ އަދި 'ފްލައިބައި' ގައި ޕައިލެޓްކަން ކިޔަވަމުންދާ ދަރިވަރުންނަށް ދިމާވެފައިވާ ދަތިތަކަށް ޙައްލު ހޯދައިދެއްވުމަށް އެދިވަޑައިގެން ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ހުށަހަޅުއްވާފައިވާ މައްސަލައާ ގުޅޭގޮތުން މެންބަރުންގެ މެދުގައި މަޝްވަރާކުރެއްވުމަށްފަހު، އެ 2 މައްސަލައާ ގުޅޭގޮތުން ކަމާ ގުޅުންހުރި އިދާރާތަކުން ލިޔުމުން މަޢުލޫމާތު ސާފުކުރުމަށް ވިލިނގިލި ދާއިރާގެ މެންބަރު ޢާޒިމް ޢަބްދުލްޢަޒީޒް ހުށަހެޅުއްވިއެވެ.

އެ ހުށަހެޅުއްވުމަށް ކުޑަހުވަދޫ ދާއިރާގެ މެންބަރު ޙުސައިން ޙަމީދު ތާއީދުކުރެއްވިއެވެ. އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ. (އެ ހުށަހެޅުއްވުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)