Committee Meeting - People's Majlis of Maldives

ޚުލާސާ

މިއަދުގެ ބައްދަލުވުމުގައި ކުރިއަށް ގެންދެވީ، ޤާނޫނު ނަންބަރު 2015/27 (ނޭޝަނަލް އިންޓެގްރިޓީ ކޮމިޝަންގެ ޤާނޫނު) ގެ 11 ވަނަ މާއްދާގައިވާ ގޮތުގެ މަތިން، ނޭޝަނަލް އިންޓެގްރިޓީ ކޮމިޝަނަށް 4 މެންބަރުން ޢައްޔަން ކުރެއްވުމަށް ރައިސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވާފައިވާ މައްސަލައެވެ.

އެގޮތުން، މައްސަލައަށް މަޝްަރާކުރުމަށް މެންބަރުންނަށް ހުޅުވާލި ފުރުޞަތުގައި، އެ މައްސަލަ ކޮމިޓީން ނިންމާނެ ސުންގަޑިއަކީ 14 އޮކްޓޫބަރު 2025 ކަމުގައި ކަނޑައަޅުމަށާއި ނަން ފޮނުވާފައިވާ ފަރާތްތަކުގެ ޝަރުތު ހަމަވޭތޯ ބެލުމަށްޓަކައި ރައްޔިތުންގެ މަޖިލީހުގެ ގަވާއިދުގެ 223 ވަނަ މާއްދާގެ (ހ) ގައި ބަޔާންކުރާ ގޮތުގެމަތިން އެކުލަވާލެވޭ މުވައްޒަފުންގެ ފެނަލްއަށް ޝާހުޒާދު ސަޢީދު، ފާޠިމަތު ނަދާ އަދި ޢާއިޝަތު ރިފާގެ ނަން ހުށަހަޅައި ރައްޔިތުންގެ މަޖިލީހުގެ ގަވާއިދުގެ 223 ވަނަ މާއްދާގެ (ބ) ގައިވާ ގޮތުގެމަތިން، ނަން ފޮނުއްވާފައިވާ ފަރާތްތަކާ ގުޅޭގޮތުން ޢާންމުންގެ އެއްވެސް ޝަކުވާއެއްވޭތޯ ބެލުމަށްޓަކައި 9 އޮކްޓޫބަރު 2025ގެ ނިޔަލަށް ޢާންމުކޮށް އިޢުލާންކުރުމަށާއި ރައީސުލްޖުމްހޫރިއްޔާ ނަންފޮނުއްވާފައިވާ ހުރިހާ ފަރާތްތަކާ 13 އޮކްޓޫބަރު 2025 ގައި އިންޓަރވިއުކުރުމަށް ފެންނަ ކަމަށް ކޮލަމާފުށި ދާއިރާގެ މެންބަރު އިބްރާހީމް ދީދީ ހުށަހަޅުއްވައި، ހިތަދޫ އުތުރު ދާއިރާގެ މެންބަރު މުޙައްމަދު ސިނާން ތާއީދުކުރެއްވިއެވެ.

މިހުށަހެޅުމަށް ވޯޓަށް އެއްސެވުމުން އެވަގުތު ކޮމިޓީގައި ހާޒިރުވެވަޑާއިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާގުން ވަނީ ފާސްކުރައްވާފައެވެ.