މި ބައްދަލުވުމުގައި ފުރަތަމަ ކުރިއަށްގެންދެވީ "ރީ-އެމްޕްލޯއިމަންޓްގެ ބިލު" ގެ ސުންގަޑި ކަނޑައަޅައި، ބިލުގެ މަސައްކަތް ކުރިއަށްގެންދާނެ ގޮތާމެދު މަޝްވަރާކުރުމެވެ. އެގޮތުން ބިލުގެ ސުންގަޑިއަކީ 30 އެޕްރީލް 2026 ކަމަށް ކަނޑައެޅުމަށް ވިލިނގިލި ދާއިރާގެ މެންބަރު ޢާޒިމް ޢަބްދުލްޢަޒީޒް ހުށަހަޅުއްވައި، ތުޅާދޫ ދާއިރާގެ މެންބަރު ޢަބްދުލްޙަންނާން އަބޫބަކުރު ތާއީދުކުރެއްވިއެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ. (އެ ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އަދި، ކުޑަހުވަދޫ ދާއިރާގެ މެންބަރު ޙުސައިން ޙަމީދު ހުށަހަޅުއްވައި، މައްޗަންގޮޅި އުތުރު ދާއިރާގެ މެންބަރު އިބްރާހީމް މުޙައްމަދު ތާއީދުކުރެއްވީ، "ރީ-އެމްޕްލޯއިމަންޓްގެ ބިލު" އާ ގުޅޭގޮތުން ޢާންމުންގެ ޚިޔާލު ހުށަހެޅުމުގެ ފުރުޞަތު 2 ހަފްތާގެ މުއްދަތަށް ހުޅުވާލުމަށާއި، ކަމާގުޅޭ އިދާރާތަކުން ލިޔުމުން ޚިޔާލު ފޮނުވުމަށް 1 މަސްދުވަހުގެ މުއްދަތަށް ފުރުޞަތު ދިނުމަށެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.

(އެ ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އެއަށްފަހު މި ބައްދަލުވުމުގައި ކުރިއަށްގެންދެވީ "ޤާނޫނު ނަންބަރު 5/2009 (އެއްގަމު ދަތުރުފަތުރުގެ ޤާނޫނު) އަށް .. ވަނަ އިޞްލާޙު ގެނައުމުގެ ބިލު" ގެ ސުންގަޑި ކަނޑައަޅައި، ބިލުގެ މަސައްކަތް ކުރިއަށް ގެންދާނެ ގޮތާމެދު މަޝްވަރާކުރުމެވެ. އެގޮތުން ބިލުގެ ސުންގަޑިއަކީ 30 ނޮވެންބަރު 2025 ކަމަށް ކަނޑައެޅުމަށް ތޮއްޑޫ ދާއިރާގެ މެންބަރު ޙުސައިން ސަމީރު ހުށަހަޅުއްވައި ވިލިނގިލި ދާއިރާގެ މެންބަރު ޢާޒިމް ޢަބްދުލްޢަޒީޒް ތާއީދުކުރެއްވިއެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ. (އެ ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އަދި ވިލިނގިލި ދާއިރާގެ މެންބަރު ޢާޒިމް ޢަބްދުލްޢަޒީޒް ހުށަހަޅުއްވައި، ތޮއްޑޫ ދާއިރާގެ މެންބަރު ޙުސައިން ސަމީރު ތާއީދުކުރެއްވީ ބިލާ ގުޅޭގޮތުން ޢާންމުންގެ ޚިޔާލު ފޮނުވުމުގެ ފުރުޞަތު 2 ހަފްތާގެ މުއްދަތަށް ހުޅުވާލުމަށާއި، ކަމާގުޅޭ އިދާރާތަކުން ލިޔުމުން ޚިޔާލު ފޮނުވުމަށް 2 ހަފްތާގެ މުއްދަތެއް ދިނުމަށެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.

(އެ ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

މި ބައްދަލުވުމުގައި އިތުރަށް މަޝްވަރާކުރައްވާފައިވަނީ މައްޗަންގޮޅި ދެކުނު ދާއިރާގެ މެންބަރު މުޞްޠަފާ ޙުސައިން ހުށަހަޅުއްވާފައިވާ، ކުއްޖާގެ ބެލެނިވެރިކަން ޤާނޫނީގޮތުން ނަގާ ފަރާތަށް ނުވަތަ ވިހެއުމަށްފަހު ކުއްޖާގެ މަންމަ ނިޔާވާ ޙާލަތުގައި ބެލެނިވެރިކަން ލިބޭ ފަރާތަށް ވަޒީފާއާބެހޭ ޤާނޫނު ނުވަތަ ސިވިލް ސަރވިސް ގަވާއިދުގެ ދަށުންވެސް އެއްވެސް ޚާއްޞަ ޗުއްޓީއެއް ނުލިބޭތީ، އެކަމަށް ލުޔެއް ލިބޭނެގޮތަށް ކަމާގުޅުންހުރި ޤާނޫނާއި ގަވާއިދުތަކަށް ގެނެވިދާނެ ބަދަލުތަކަކީ ކޮބައިކަން ބައްލަވައިދެއްވުމަށް އެދިވަޑައިގެން ފޮނުއްވާފައިވާ މައްސަލައާ ގުޅޭގޮތުންނެވެ. މެންބަރުންގެ މެދުގައި މަޝްވަރާކުރުމަށްފަހު އެ މައްސަލައާ ގުޅޭގޮތުން މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓް، ބަންޑާރަނައިބުގެ އޮފީސް އަދި ސިވިލް ސަރވިސް ކޮމިޝަނުން ލިޔުމުން މަޢުލޫމާތު ސާފުކުރުމަށް ވިލިނގިލި ދާއިރާގެ މެންބަރު ޢާޒިމް ޢަބްދުލްޢަޒީޒް ހުށަހެޅުއްވިއެވެ. އެ ހުށަހެޅުމަށް ތޮއްޑޫ ދާއިރާގެ މެންބަރު ޙުސައިން ސަމީރު ތާޢީދުކުރެއްވިއެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.

(އެ ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލު "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)