މި ބައްދަލުވުމުގައި ކުރިއަށްގެންދެވީ ރައްޔިތުންގެ މަޖިލީހުގެ މެންބަރުން ކޮމިޓީއަށް ހުށަހަޅުއްވާފައިވާ މައްސަލަތައް ދިރާސާކުރެއްވުމެވެ.

އެގޮތުން ފޭލިވިޔުމުގެ ފަންނު މިހާރު ދިވެހިރާއްޖޭގައި އޮތް މިންވަރާއި، އެ މަސައްކަތް އާލާކޮށް ދިރުވުމާ ގުޅޭގޮތުން ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ހުށަހަޅުއްވާފައިވާ މައްސަލައާއި ގުޅޭގޮތުން ކޮމިޓީގައި މަޝްވަރާކުރެއްވިއެވެ. އެ ގޮތުން މި މައްސަލައާއި ގުޅިގެން މައުލޫމާތު ސާފުކުރެއްވުމަށް މިނިސްޓްރީ އޮފް އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑް، މިނިސްޓްރީ އޮފް އާޓްސް، ކަލްޗަރ އެންޑް ހެރިޓޭޖް، ސަޤާފީ ތަރިކަ ރައްކާތެރިކުރާ ޤައުމީ މަރުކަޒު އަދި ފޭލި ވިޔުމުގެ މަސައްކަތް ކުރައްވާ ބޭފުޅެއްކަމުގައިވާ އަލްފާޟިލް އިބްރާހީމް އަބޫބަކުރުފުޅާއި ބައްދަލު ކުރެއްވުމަށް ތޮއްޑޫ ދާއިރާގެ މެންބަރު ޙުސައިން ސަމީރު ހުށަހަޅުއްވައި އިސްދޫ ދާއިރާގެ މެންބަރު އިސްމާޢީލް ޝަފީޢު ތާއިދުކުރެއްވިއެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލް "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އެއަށްފަހު މި ބައްދަލުވުމުގައި މަޝްވަރާކުރެއްވީ މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނުންދޭ ޚިދުމަތްތައް އެއް ޕޯޓަލަކުން ދޭގޮތަށް ހަމަޖައްސައި ކުންފުންޏަކާ ހަވާލުކޮށްފައިވާކަމަށް ބަޔާންކުރައްވައި ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ހުށަހަޅުއްވާފައިވާ މައްސަލައާއި ގުޅޭގޮތުންނެވެ. އެގޮތުން ފުވައްމުލަކު އުތުރު ދާއިރާގެ މެންބަރު ޙަމަދު ޢަބްދުﷲ ހުށަހަޅުއްވައި، ތޮއްޑޫ ދާއިރާގެ މެންބަރު ޙުސައިން ސަމީރު ތާއީދުކުރެއްވީ މި މައްސަލައާ ގުޅޭގޮތުން މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނުން ދެއްވާފައިވާ ޖަވާބު ޙިއްސާކޮށް މައްސަލަހުށަހެޅުއްވި މެންބަރަށް ޖަވާބު ފޮނުވުމަށެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލް "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އެ ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

އެއަށްފަހު މި ބައްދަލުވުމުގައި މަޝްވަރާކުރެއްވީ ސަރުކާރުން ފޯރުކޮށްދީފައިވާ ދަރިވަރުންގެ ލޯނު ސްކީމްގެ ދަށުން ސްޕެއިންގެ އީ.އޭ.އެސް ބާސެލޯނާ އަދި 'ފްލައިބައި' ގައި ޕައިލެޓްކަން ކިޔަވަމުންދާ ދަރިވަރުންނަށް ދިމާވެފައިވާ ދަތިތަކަށް ހައްލު ހޯދައި ދިނުމަށްއެދި ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ހުށަހަޅުއްވާފައިވާ މައްސަލައާއި ގުޅޭގޮތުންނެވެ. އެގޮތުން ފުވައްމުލަކު އުތުރު ދާއިރާގެ މެންބަރު ޙަމަދު ޢަބްދުﷲ ހުށަހަޅުއްވައި، އިސްދޫ ދާއިރާގެ މެންބަރު އިސްމާޢީލް ޝަފީޢު ޙުސައިން ސަމީރު ތާއީދުކުރެއްވީ މި މައްސަލައާ ގުޅޭގޮތުން މިނިސްޓްރީ އޮފް ހަޔަރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓުން ދެއްވާފައިވާ ޖަވާބު ޙިއްސާކޮށް މައްސަލަހުށަހެޅުއްވި މެންބަރަށް ޖަވާބު ފޮނުވުމަށެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.

(މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލް "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އެ ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

އެއަށްފަހު މި ބައްދަލުވުމުގައި މަޝްވަރާކުރެއްވީ ވިހެއުމުން ލިބޭ ޗުއްޓީ ޤާނޫނު ނަންބަރު 2/2008 (ވަޒީފާއާ ބެހޭ ޤާނޫނު) އާއި ސިވިލް ސަރވިސް ގަވާއިދު 2014 ގައި ބަޔާންކޮށްފައިވާނަމަވެސް، ކުއްޖާގެ ބެލެނިވެރިކަން ޤާނޫނީ ގޮތުން ނަގާ ފަރާތަށް ނުވަތަ ވިހެއުމަށްފަހު ކުއްޖާގެ މަންމަ ނިޔާވާ ޙާލަތުގައި ބެލެނިވެރިކަން ލިބޭ ފަރާތަށް ޚާއްސަ ޗުއްޓީއެއް ދެވޭނެ ޙާލަތެއް ނެތުމުން ކަމާގުޅޭ ޤާނޫނާ ގަވާއިދުތައް ދިރާސާކޮށް މައްސަލައަށް ޙައްލެއް ހޯދައިދިނުމަށް އެދި މައްޗަންގޮޅި ދެކުނު ދާއިރާގެ މެންބަރު މުޞްޠަފާ ޙުސައިން ފޮނުއްވާފައިވާ މައްސަލައާގުޅޭގޮތުންނެވެ. އެގޮތުން ތޮއްޑޫ ދާއިރާގެ މެންބަރު ޙުސައިން ސަމީރު ހުށަހަޅުއްވައި ތުޅާދޫ ދާއިރާގެ މެންބަރު ޢަބްދުލްޙަންނާން އަބޫބަކުރު ތާއީދުކުރެއްވީ މި މައްސަލައާގުޅޭގޮތުން ސިވިލް ސަރވިސް ކޮމިޝަނުން އަދި މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމަންޓުން ދެއްވާފައިވާ ޖަވާބު މެންބަރަށް ފޮނުވުމާއެކު ސިވިލް ސަރވިސް ގަވާއިދަށް ގެނެވުނު 17 ވަނަ އިޞްލާޙުގައި މި މައްސަލައަށް މިހާރު ހައްލު ލިބިދީފައިވާކަން ބަޔާންކޮށް މެންބަރަށް ޖަވާބު ދިނުމަށެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.

(އެ ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލް "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އެ ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.

އަދި ފަހު ކަމެއްގެ ގޮތުގައި މި ބައްދަލުވުމުގައި މަޝްވަރާކުރައްވާފައިވަނީ ފުއައްމުލަކު ސްކޫލުގެ މިހާރުގެ ޕްރިންސިޕަލް އާ ގުޅޭގޮތުން ފުވައްމުލަކު ދެކުނު ދާއިރާގެ މެންބަރު އިބްރާހީމް ޙުސައިން ކޮމިޓީއަށް ފޮނުއްވާފައިވާ ޝަކުވާގެ މައްސަލައަކާ ގުޅޭގޮތުންނެވެ. އެގޮތުން ތިނަދޫ އުތުރު ދާއިރާގެ މެންބަރު ސަޢުދުﷲ ޙިލްމީ ހުށަހަޅުއްވައި ހޯރަފުށި ދާއިރާގެ މެންބަރު ޢަލީ މޫސާ ތާއީދުކުރައްވާފައިވަނީ މި މައްސަލައާ ގުޅޭގޮތުން މިނިސްޓްރީ އޮފް އެޑިޔުކޭޝަން، ހަޔަރ އެޑިޔުކޭޝަން އެންޑް ސްކިލްސް ޑިވެލޮޕްމަންޓުން މަޢުލޫމާތު ސާފުކުރެއްވުމަށެވެ.

އެ ހުށަހެޅުއްވުމަށް ވޯޓަށް އެއްސެވުމުން ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން ފާސްވެފައިވެއެވެ.

(އެ ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލް "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.)

އެ ހުށަހެޅުމަށް މެންބަރުން ވޯޓު ދެއްވިގޮތުގެ ތަފްޞީލު ތިރީގައި އެވަނީއެވެ.