Committee Meeting - People's Majlis of Maldives

ޚުލާސާ

މި ބައްދަލުވުމުގައި ކުރިއަށް ގެންދެވީ, ކޮމިޓީއަށް ހުށަހެޅިފައިވާ ޒާތީ މަޢުލޫމާތު ރައްކާތެރިކުރުމުގެ ބިލުގެ މަސައްކަތް ކުރިއަށް ގެންދާނެ ގޮތާ ގުޅޭގޮތުން މަޝްވަރާކުރުމެވެ.

އެގޮތުން، ބިލު ނިންމާނެ ސުންގަޑިއަކީ 31 އޮކްޓޫބަރު 2026 ކަމަށް ކަނޑައެޅުމަށާއި، ބިލާ ގުޅޭގޮތުން ޢާންމުންގެ ޚިޔާލު ހޯދުމަށް އިޢުލާނުކުރުމަށާއި، ބިލާ ގުޅޭގޮތުން ގުޅުންހުރި އިދާރާތަކުގެ ކޮމެންޓް ފޮނުވުމަށް 2 ހަފްތާގެ މުއްދަތެއް ދިނުމާއެކު ސިޓީ ފޮނުވުމަށް، މަޑުއްވަރި ދާއިރާގެ މެންބަރު އަޙްމަދު ޒާހިރު ހުށަހަޅުއްވައި، އަލިފުށި ދާއިރާގެ މެންބަރު ޢަބްދުއްލަޠީފް ޢަބްދުއްރަޙްމާން ތާޢީދުކުރެއްވިއެވެ.

އެ ހުށަހެޅުއްވުމަށް އެއްވެސް މެންބަރަކު އިޢުތިރާޟްކުރައްވާފައި ނުވާތީ، އެ ހުށަހެޅުއްވުން ކޮމިޓީއަށް ހާޒިރުވެވަޑައިގެންނެވި މެންބަރުންގެ އިއްތިފާޤުންވަނީ ފާސްވެފައިވެއެވެ.

(މި ނިންމުން ނިންމެވިއިރު ހާޒިރުވެވަޑައިގެން ތިއްބެވި މެންބަރުން: މައްޗަންގޮޅި އުތުރު ދާއިރާގެ މެންބަރު އިބްރާހީމް މުޙައްމަދު، ކުޅުދުއްފުށި ދެކުނު ދާއިރާގެ މެންބަރު ފަރުޙަތު މުޙައްމަދު، ދަނގެތި ދާއިރާގެ މެންބަރު ޢަބްދުالله ރަޝީދު، ހިތާދޫ ދާއިރާގެ މެންބަރު މުޙައްމަދު ސިރުހާން، މަރަދޫ ދާއިރާގެ މެންބަރު އަޙްމަދުދީދީ، އަލިފުށި ދާއިރާގެ މެންބަރު ޢަބްދުއްލަޠީފް ޢަބްދުއްރަޙްމާން އަދި މަޑުއްވަރި ދާއިރާގެ މެންބަރު އަޙްމަދު ޒާހިރު.)