މިއަދުގެ ބައްދަލުވުމުގައި އެންމެ ފުރަތަމަ ކުރިއަށް ގެންދެވީ ޤާނޫނު ނަންބަރު 10/2008 (ޖުޑީޝަލް ސަރވިސް ކޮމިޝަނުގެ ޤާނޫނު) 33 ވަނަ މާއްދާގެ (ހ) ގައިވާ ގޮތުގެމަތިން ޖުޑީޝަލް ސަރވިސް ކޮމިޝަނުން ފޮނުއްވާފައިވާ ބައެއް ރިޕޯޓުތައް ދިރާސާކުރުމުގެ މަސައްކަތެވެ. ޙަވާލާދީފައިވާ މާއްދާގެ ދަށުން އެ ކޮމިޝަނުން ފޮނުއްވާ ރިޕޯޓުތައް ދިރާސާކުރުމުގައި ކޮމިޓީގެ މަސްއޫލިއްޔަތަކީ، މައްސަލަތައް ތަޙްޤީޤުކުރެއްވުމުގައި ފުރިހަމަކުރުމަށް އެ ޤާނޫނުގައި ކަނޑައަޅާފައިވާ އިޖުރާއަތުތައް ފުރިހަމަކޮށްފައިވޭތޯ ބެލުމެވެ. އެގޮތުން، ކޮމިޓީން ތިރީގައިވާ ރިޕޯޓުތައް ދިރާސާކުރައްވާފައިވެއެވެ.

1. ޖުޑީޝަލް ސަރވިސް ކޮމިޝަނުގެ ނަންބަރު 18/2023 މައްސަލަ ތަޙްޤީޤުކުރުމަށްފަހު އެ ކޮމިޝަނުގެ ތަޙްޤީޤު ކޮމިޓީން އެކުލަވާލާފައިވާ ނަންބަރު D-TC203/TF10/2024/1 ތަޙްޤީޤު ކޮމިޓީގެ ނިންމުން؛
2. ޖުޑީޝަލް ސަރވިސް ކޮމިޝަނުގެ ނަންބަރު JSC/2025/6/7 މައްސަލަ ތަޙްޤީޤުކުރުމަށްފަހު އެ ކޮމިޝަނުގެ ތަޙްޤީޤު ކޮމިޓީން އެކުލަވާލާފައިވާ ނަންބަރު D-TC255/CN/2026/01 ތަޙްޤީޤު ކޮމިޓީގެ ނިންމުން؛
3. ޖުޑީޝަލް ސަރވިސް ކޮމިޝަނުގެ ނަންބަރު JSC/2023/12/21 މައްސަލަ ތަޙްޤީޤުކުރުމަށްފަހު އެ ކޮމިޝަނުގެ ތަޙްޤީޤު ކޮމިޓީން އެކުލަވާލާފައިވާ ނަންބަރު D-TC214/CN/2025/9 ތަޙްޤީޤު ކޮމިޓީގެ ނިންމުން؛
4. ޖުޑީޝަލް ސަރވިސް ކޮމިޝަނުގެ ނަންބަރު JSC/2025/10/11 މައްސަލަ ތަޙްޤީޤުކުރުމަށްފަހު އެ ކޮމިޝަނުގެ ތަޙްޤީޤު ކޮމިޓީން އެކުލަވާލާފައިވާ ނަންބަރު D-TC273/CN/2026/8 ތަޙްޤީޤު ކޮމިޓީގެ ނިންމުން؛
5. ޖުޑީޝަލް ސަރވިސް ކޮމިޝަނުގެ ނަންބަރު JSC/2025/10/13 މައްސަލަ ތަޙްޤީޤުކުރުމަށްފަހު އެ ކޮމިޝަނުގެ ތަޙްޤީޤު ކޮމިޓީން އެކުލަވާލާފައިވާ ނަންބަރު D-TC268/CN/2026/9 ތަޙްޤީޤު ކޮމިޓީގެ ނިންމުން.

އަދި އެ ރިޕޯޓުތަކުގެ ތެރެއިން ނަންބަރު D-TC203/TF10/2024/1 ރިޕޯޓުގައިވާ މައްސަލަ ތަޙްޤީޤުކުރުމުގައި ފުރިހަމަކުރަންޖެހޭ އިޖުރާއަތުތައް ފުރިހަމަކޮށްފައިވާ ރިޕޯޓެއް ކަމަށްވާތީއާއި، އެ ކޮމިޝަނުގެ ނަންބަރު D-TC255/CN/2026/01 ރިޕޯޓާއި، ނަންބަރު D-TC214/CN/2025/9 ރިޕޯޓާއި، ނަންބަރު D-TC273/CN/2026/8 ރިޕޯޓާއި، ނަންބަރު D-TC268/CN/2026/9 ރިޕޯޓުގައިވާ މައްސަލަތަކަކީ ޖުޑީޝަލް ސަރވިސް ކޮމިޝަނުގެ ތަޙްޤީޤު ކޮމިޓީން ނިންމަވާފައިވާ ގޮތަށް، އެ ކޮމިޝަނުން އިތުރަށް ތަޙްޤީޤު ކުރިއަށް ގެންދަން ނުފެންނަ ރިޕޯޓުތަކެއްކަމަށް ނިންމަވާފައިވާތީ، މި ރިޕޯޓުތައް ފައިލްކުރެއްވުމާމެދު ކޮމިޓީގައި މަޝްވަރާކުރެއްވިއެވެ. އެގޮތުން، މި ރިޕޯޓުތައް ފައިލްކުރެއްވުމަށް ފެނިވަޑައިގަންނަވާކަމަށް ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް ހުށަހެޅުއްވުމުން، އެ ހުށަހެޅުއްވުމަށް ފޭދޫ އުތުރު ދާއިރާގެ މެންބަރު އިސްމާޢީލް ނިޒާރު ތާޢީދުކުރައްވާފައިވެއެވެ. އެގޮތުން، މި ބައްދަލުވުމަށް ހާޒިރުވެވަޑައިގެން ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުން އެ ރިޕޯޓުތައް ފައިލްކުރެއްވުމަށް ނިންމަވާފައިވެއެވެ.

މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލް "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.

ދެން މިއަދުގެ ބައްދަލުވުމުގައި ކުރިއަށް ގެންދެވީ ކޮމިޓީގައި ނުނިމިހުރި ބިލުތަކުގެ ސުންގަޑި ހަމަވެފައިވާތީ، އެ ބިލުތަކުގެ ސުންގަޑި ކަނޑައެޅުއްވުމުގެ މަސައްކަތެވެ. އެގޮތުން ސުންގަޑިއެއްގެ ގޮތުގައި ކޮމިޓީގެ އިއްތިފާޤުން ނިންމަވާފައިވަނީ 15 އޮކްޓޫބަރު 2026 އެވެ. މިގޮތަށް ހުށަހަޅުއްވާފައިވަނީ ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް އަދި ތާއިދުކުރައްވާފައިވަނީ ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު އެވެ.

ސުންގަޑި އިތުރު ކުރެއްވުމަށް ކޮމިޓީން ނިންމަވާފައިވާ ބިލުތަކަކީ،

1. ސަރުކާރުގެ ފަރާތުން މާފުށި ދާއިރާގެ މެންބަރު ޙުސައިން ރިޟާ އާދަމް ހުށަހަޅުއްވާފައިވާ ޤާނޫނު ނަންބަރު 9/2014 (ދިވެހިރާއްޖޭގެ ޤާނޫނުލްޢުޤޫބާތު) އަށް އިޞްލާޙު ގެނައުމުގެ ބިލު
2. ހޮޅުދޫ ދާއިރާގެ މެންބަރު ޢަބްދުއްސައްތާރު މުޙައްމަދު ހުށަހަޅުއްވާފައިވާ ޤާނޫނު ނަންބަރު 2010/2010 (ދިވެހިރާއްޖޭގެ ކޯޓުތަކުގެ ޤާނޫނު) އަށް އިޞްލާޙު ގެނައުމުގެ ބިލު
3. ގަލޮޅު ދެކުނު ދާއިރާގެ މެންބަރު މީކާއީލު އަޙްމަދު ނަސީމް ހުށަހަޅުއްވާފައިވާ ޤާނޫނު ނަންބަރު 9/2014 (ދިވެހިރާއްޖޭގެ ޤާނޫނުލްޢުޤޫބާތު) އަށް އިޞްލާޙު ގެނައުމުގެ ބިލު
4. ސަރުކާރުގެ ފަރާތުން، ބިލެތްދޫ ދާއިރާގެ މެންބަރު އަޙްމަދު އަސްލަމް ހުށަހަޅުއްވާފައިވާ ޤާނޫނު ނަންބަރު 11/2022 (ހެއްކާބެހޭ ޤާނޫނު) އަށް އިޞްލާޙު ގެނައުމުގެ ބިލު
5. ސަރުކާރުގެ ފަރާތުން، ހިތަދޫ މެދު ދާއިރާގެ މެންބަރު އަޙްމަދު އަޒާން މަރުޒޫޤު ހުށަހަޅުއްވާފައިވާ ޤާނޫނު ނަންބަރު 9/2014 (ދިވެހިރާއްޖޭގެ ޤާނޫނުލްޢުޤޫބާތު) އަށް އިޞްލާޙު ގެނައުމުގެ ބިލު)

މި ހުށަހެޅުމަށް މެންބަރުން ވޯޓުދެއްވި ގޮތުގެ ތަފްޞީލް "ބައްދަލުވުމުގައި ނެގުނު ވޯޓުތައް" ބައިގައި އެވަނީއެވެ.