މިއަދުގެ ބައްދަލުވުމުގައި، ކުރިއަށް ގެންދެވީ، ކޮމިޓީއަށް ލިބިފައިވާ ބިލުތައް ދިރާސާކުރުމުގެ މަސައްކަތެވެ. އެގޮތުން، ސައިބަރ ސެކިއުރިޓީގެ ބިލުގެ 54 ވަނަ މާއްދާއިން ފެށިގެން ބިލުގެ ނިޔަލަށް ދިރާސާކުރުމުގެ މަސައްކަތް ކުރިއަށް ގެންދެވިއެވެ.

އެއަށްފަހު ކޮމިޓީގައި މިހާރު ހުރި 4 ބިލަށް ހުށަހެޅިފައިވާ ކޮމެންޓްތައް އެޓަރނީ ޖެނެރަލްގެ އޮފީހާ ޙިއްސާކޮށް އެ ބިލުތަކުގައި ހިމެނުމަށް އެ އޮފީހަށް ފެންނަ އިޞްލާޙުތަކާއެކު މި ބިލުތައް ކޮމިޓީއަށް ފޮނުވައި ދެއްވުމަށް އެޓަރނީ ޖެނެރަލް އޮފީހަށް ސިޓީ ފޮނުވުމަށާއި ބިލުގައި މިހާރު ބޭނުންކޮށްފައިވާ އިނގިރޭސި ބަސްތަކުގެ ބަދަލުގައި ދިވެހި ބަހުން ބޭނުންކުރެވޭ ބަސްތައް ހިމެނުމަށާއި އަދި އެ ބަސްތައް ހިމެނުމުގައި އެހެން ގޮތަކަށް ފުށުއަރާ އިތުރު މާނައެއް ދޭހަވާކަމުގައި ނުވަތަ ކޮންމެހެން އިނގިރޭސި ބަހެއް ލިޔާކަމުގައި ވާނަމަ ބްރެކެޓެއްގެ ތެރޭގައި އެކަން ފާހަގަކޮށް މުޅި ބިލު އެގޮތަށް އިސްލާޙުކުރުމާގުޅޭގޮތުން އެޓަރނީ ޖެނެރަލް އޮފީހުގެ ލަފާ ހޯދުމަށްވެސް ނިންމެވިއެވެ.