ޤާނޫނު ނަންބަރު 24/2022 (ކުނި މެނޭޖުކުރުމުގެ ޤާނޫނު) އަށް އިޞްލާޙު ގެނައުމުގެ ބިލު ދިރާސާކޮށް، އެ ބިލު ދިރާސާކުރުމަށް ފޮނުވުނު ސަބް ކޮމިޓީ ކަމުގައިވާ އެންވަޔަރަންމަންޓް އެންޑް ކްލައިމެޓް ޗޭންޖް ކޮމިޓީން ނިންމިގޮތަށް، މުޅި މަޖިލީހުގެ ކޮމިޓީން ފާސްކުރެއްވުން.

ސަރުކާރުގެ ފަރާތުން، ތިނަދޫ އުތުރު ދާއިރާގެ މެންބަރު ސަޢުދުﷲ ޙިލްމީ ހުށަހަޅުއްވާފައިވާ، ފަޅުރަށާއި ފަޅު ކުއްޔަށް ދިނުމާބެހޭ ބިލު ދިރާސާކުރުމަށް ސަބް ކޮމިޓީއަކަށް ފޮނުވުމަށާއި އަދި، އެ ސަބް ކޮމިޓީއަކީ އިޤްތިޞާދީ ކޮމިޓީކަމުގައި ކަނޑައެޅުއްވުމަށް، އިނގުރައިދޫ ދާއިރާގެ މެންބަރު އިބްރާހީމް ފަލާޙް ހުށަހަޅުއްވައި، ވިލިމާލެ ދާއިރާގެ މެންބަރު މުޙައްމަދު އިސްމާޢީލް ތާއީދުކުރެއްވި ހުށަހެޅުން މުޅި މަޖިލީހުގެ ކޮމިޓީން ފާސްކުރެއްވުން.