Committee Meeting - People's Majlis of Maldives

ޚުލާސާ

މިއަދުގެ ބައްދަލުވުމުގައި ދިވެހިރާއްޖޭގައި ހިންގާ އޮންލައިން މަތީ ތަޢުލީމުގެ ޕްރޮގްރާމްތަކުގެ ފެންވަރާމެދު ހުރި ކަންބޮޑުވުންތައް ފާހަގަކޮށް ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް ހުށަހަޅުއްވާފައިވާ މައްސަލައިގެ މަޢުލޫމާތު ސާފުކުރެއްވުމަށް މިނިސްޓްރީ އޮފް އެޑިއުކޭޝަން، ހަޔަރ އެޑިއުކޭޝަން އެންޑް ސްކިލްސް ޑިވެލޮޕްމަންޓް އަދި މޯލްޑިވްސް ކޮލިފިކޭޝަން އޮތޯރިޓީގެ ބޭފުޅުންނާ ބައްދަލުކުރެއްވިއެވެ. އެގޮތުން އެ މައްސަލައިގައި ބަޔާންކޮށްފައިވާ ކަންކަމާ ގުޅޭގޮތުން ގަވާއިދުތަކާއި އުސޫލުތައް މިހާރުވެސް އެކުލަވާލާފައިވާކަމަށާއި، ދުނިޔެއަށާއި ޓެކްނޯލޮޖީއަށް އަންނަ ބަދަލުތަކާ ގުޅިގެން އެ ގަވާއިދުތަކާއި އުސޫލުތަކަށް ގެންނަންޖެހޭ ބަދަލުތައް މުރާޖަޢާކުރުމުގެ މަސައްކަތް ކުރައްވަމުން ގެންދަވާކަމަށް އެބޭފުޅުން މަޢުލޫމާތު ދެއްވާފައިވެއެވެ. އަދި އެ މައްސަލައިގައި ހުރި ކަންބޮޑުވުންތައް ޙައްލުކުރަން އަޅަންޖެހޭ ފިޔަވަޅުތައް އެޅުމުގެ ބާރު ޤާނޫނުން މޯލްޑިވްސް ކޮލިފިކޭޝަން އޮތޯރިޓީއަށް ދީފައިވާކަމަށާއި އެ އޮތޯރިޓީން އެކުލަވާލާފައިވާ އެންމެހައި ޕޮލިސީތައް ވަރަށް ރަނގަޅަށް ތަންފީޒުކުރައްވަމުން ގެންދަވާކަމަށް އެ ބޭފުޅުން މަޢުލޫމާތު ދެއްވިއެވެ.